ຫົງສາ ໄຂຂະບວນການແຂ່ງຂັນກີລາປະຈຳປີ

258 19 ມ.ສ. 2019 ວົງຈອນກີລາ

    ເມືອງ​ຫົງ​ສາ ແຂວງ​ໄຊ​ຍະ​ບູ​ລີ ຈັດ​ແຂ່ງ­ຂັນ​ກີ­ລາ​ປະ­ຈຳ​ປີ​ຂຶ້ນ​ເມື່ອ​ບໍ່​ດົນ​ມາ​ນີ້ ຢູ່​ທີ່​ເດີນ​ກີ­ລາ​ຂອງ​ເມືອງ​ດັ່ງ­ກ່າວ ໂດຍ​ມີ​ທ່ານ ພອນ​ສະ­ຫວັນ ໄຊ​ສົມ​ພັນ ຮອງ​ເຈົ້າ­ເມືອງ​ຫົງ​ສາ ມີ​ບັນ­ດາ​ການ​ນຳ​ຂອງ​ເມືອງ ຕາງ­ໜ້າ​ບໍ­ລິ­ສັດ ລັດ​ວິ​ສາ​ຫະ​ກິດ ນາຍ­ບ້ານ ອຳ­ນວຍ​ການ​ໂຮງ­ຮຽນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຂາວ​ພອນ ທຳ​ມະ­ໂນ​ລາ ຮອງ​ຫົວ­ໜ້າ​ຫ້ອງ­ການ​ສຶກ​ສາ​ທິ​ການ ແລະ ກີ­ລາ​ເມືອງ​ຫົງ​ສາ ກ່າວ​ວ່າ: ການ​ແຂ່ງ­ຂັນ​ກີ­ລາ​ປະ­ຈຳ​ປີ​ນີ້ ໄດ້​ເລີ່ມ​ແຕ່​ຕົ້ນ​ເດືອນ​ມີ­ນາ 2019 ຄາດ​ວ່າ​ຈະ​ໃຫ້​ສຳ­ເລັດ​ໃນ​ເດືອນ​ພຶດ­ສະ­ພາ 2019 ໃນ​ນີ້​ມີ​ກີ­ລາ​ບານ­ເຕະ ບານ­ສົ່ງ ແລະ ກະ­ຕໍ້​ຫວາຍ ຮຸ່ນ​ອະ­ນຸ­ຊົນ ເຍົາ­ວະ​ຊົນ ແລະ ຊາວ​ໜຸ່ມ.

    ເພື່ອ​ເປັນ​ການ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ​ສຳ­ຄັນ​ຕ່າງໆ​ຂອງ​ພັກ-ຂອງ​ຊາດ ເວົ້າ​ສະ­ເພາະ ເພື່ອ​ຊົມ­ເຊີຍ​ວັນ​ສ້າງ­ຕັ້ງ​ພັກ​ປະ­ຊາ­ຊົນ ປະ­ຕິ­ວັດ​ລາວ ຄົບ­ຮອບ 64 ປີ ແລະ ເພື່ອ​ຮັບ​ຕ້ອນ​ກອງ​ປະ­ຊຸມ​ໃຫຍ່​ອົງ­ຄະ​ນະ​ພັກ​ເມືອງ​ຫົງ​ສາ ຄັ້ງ​ທີ 8 ທີ່​ຈະ​ຈັດ​ຂຶ້ນ​ໃນ​ໄວໆ​ນີ້ ທັງ​ເປັນ​ການ​ສ້າງ​ທັກ​ສະ​ດ້ານ​ກີ­ລາ ແລະ ເຮັດ​ໃຫ້​ຊາວ​ໜຸ່ມ-ເຍົາ­ວະ​ຊົນ ຫັນ​ມາ​ຫຼິ້ນ​ກິ­ລາ ເພື່ອ​ຫ່າງ​ໄກ​ຢາ​ເສບ​ຕິດ ນອກ​ນີ້​ຍັງ​ເປັນ​ການ​ຄັດ​ເລືອກ​ເອົາ​ນັກ­ກີ­ລາ​ຊາວ​ໜຸ່ມ-ເຍົາ­ວະ​ຊົນ ທີ່​ມີ​ຄວາມ​ສາ­ມາດ ເປັນ​ນັກ­ກີ­ລາ​ຂອງ​ເມືອງ ເພື່ອ​ເຂົ້າ​ຮ່ວມ​ການ​ແຂ່ງ­ຂັນ​ລາຍ­ການ​ຕ່າງໆ ອີກ​ດ້ວຍ.

ຂ່າວທີ່ກ່ຽວຂ້ອງ