ປະທານປະເທດ ຕ້ອນຮັບຜູ້ວ່າການທະນາຄານ ສປ ຈີນ

556 19 ມ.ສ. 2019 ຂ່າວໜ້າ​ໜຶ່ງ
ປະທານປະເທດ ຕ້ອນຮັບຜູ້ວ່າການທະນາຄານ ສປ ຈີນ

    ໂດຍ​ຕອບ​ສະ­ໜອງ​ຕາມ​ການ​ເຊື້ອ​ເຊີນ​ຂອງ​ທ່ານ ສົມ​ດີ ດວງ​ດີ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ເພື່ອ​ປຶກ­ສາ​ຫາ­ລື​ວຽກ​ງານ​ທາງ​ດ້ານ​ການ​ເງິນ ແລະ ທະ­ນາ­ຄານ ທ່ານ ອີ້ ກາງ ຜູ້​ວ່າ­ການ​ທະ­ນາ­ຄານ​ແຫ່ງ​ຊາດ​ຈີນ ໄດ້​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ວັນ​ທີ 16-19 ເມ­ສາ 2019.

    ວັນ​ທີ 18 ເມ­ສາ 2019 ທີ່​ຫໍ­ຄຳ ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ໄດ້​ຕ້ອນ­ຮັບ​ການ​ເຂົ້າ​ຢ້ຽມ​ຄຳ­ນັບ​ຂອງ​ທ່ານ ອີ້ ກາງ ພ້ອມ​ຄະ­ນະ ເຊິ່ງ​ທ່ານ​ໄດ້​ສະ­ແດງ​ຄວາມ​ຍິນ​ດີ​ຕ້ອນ­ຮັບ ແລະ ຕີ​ລາ­ຄາ​ສູງ​ຕໍ່​ການ​ຢ້ຽມ­ຢາມ ສປປ ລາວ ຂອງ​ທ່ານ ອີ້ ກາງ ອັນ​ເປັນ​ການ​ປະ­ກອບ­ສ່ວນ​ສຳ­ຄັນ ໃນ​ສາຍ​ພົວ­ພັນ​ມິດ­ຕະ­ພາບ​ອັນ​ເປັນ​ມູນ­ເຊື້ອ ແລະ ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ­ດ້ານ​ລະ­ຫວ່າງ​ລາວ-ຈີນ ຕາມ​ທິດ 4 ດີ ທີ່​ນັບ​ມື້​ໄດ້​ຮັບ​ການ​ເສີມ​ຂະ­ຫຍາຍ​ຢ່າງ​ຕໍ່​ເນື່ອງ​ທາງ​ກວ້າງ ແລະ ທາງ​ເລິກ ພ້ອມ​ນັ້ນ ຍັງ​ເປັນ​ການ​ຮັດ​ແໜ້ນ​ຄວາມ​ສາ­ມັກ­ຄີ​ລະ­ຫວ່າງ​ສອງ​ພັກ-ສອງ​ລັດ ກໍ​ຄື​ປະ­ຊາ­ຊົນ​ສອງ​ຊາດ​ລາວ-ຈີນ ທີ່​ເປັນ​ເພື່ອນ​ມິດ​ກັນ​ມາ​ແຕ່​ດົນ​ນານ ໃຫ້​ນັບ​ມື້​ແໜ້ນ​ແຟ້ນ​ຍິ່ງໆ​ຂຶ້ນ.

    ໂອ­ກາດ​ນີ້ ທ່ານ ອີ້ ກາງ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ທ່ານ​ປະ­ທານ​ປະ­ເທດ ທີ່​ໄດ້​ໃຫ້­ການ​ຕ້ອນ­ຮັບ​ຢ່າງ​ອົບ​ອຸ່ນ ພ້ອມ​ທັງ​ລາຍ​ງານ​ຈຸດ­ປະ­ສົງ​ຂອງ​ການ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ໃຫ້​ຮັບ​ຊາບ ຕື່ມ​ອີກ.

ຂ່າວທີ່ກ່ຽວຂ້ອງ