ສຶກສາຄວາມເປັນໄປໄດ້ໂຄງການສາຍສົ່ງ 500 KV ລາວ-ຫວຽດ¬ນາມ

240 19 ມ.ສ. 2019 ຂ່າວໜ້າ​ໜຶ່ງ
ສຶກສາຄວາມເປັນໄປໄດ້ໂຄງການສາຍສົ່ງ 500 KV ລາວ-ຫວຽດ¬ນາມ

    ພິ­ທີ​ລົງ​ນາມ​ບົດ​ບັນ­ທຶກ​ຄວາມ​ເຂົ້າ­ໃຈ ເພື່ອ​ສຶກ​ສາ​ຄວາມ​ເປັນ​ໄປ​ໄດ້​ດ້ານ​ເຕັກ­ນິກ-ເສດ­ຖະ­ກິດ ແລະ ຜົນ​ກະ­ທົບ​ເບື້ອງ​ຕົ້ນ​ດ້ານ​ສິ່ງ­ແວ­ດລ້ອມ ແລະ ສັງ­ຄົມ​ຂອງ​ໂຄງ­ການ​ສາຍ​ສົ່ງ 500 KV ເສັ້ນ​ໜຶ່ງ ທີ່​ຈະ​ນຳ​ໃຊ້​ໃນ​ການ​ສົ່ງ​ພະ­ລັງ­ງານ​ໄຟ­ຟ້າ​ຈາກ ສປປ ລາວ ໄປ​ຫາ ສສ ຫວຽດ­ນາມ ຈັດ​ຂຶ້ນ​ວັນ​ທີ 11 ເມ­ສາ 2019 ຢູ່​ກະ­ຊວງ​ພະ­ລັງ­ງານ ແລະ ບໍ່​ແຮ່ (ພບ) ລະ­ຫວ່າງ​ທ່ານ ທອງ​ພັດ ອິນ​ທະ​ວົງ ຮອງ​ລັດ­ຖະ­ມົນ­ຕີ​ກະ­ຊວງ ພບ ແລະ ທ່ານ ລູ​ໂບ​ມຽກ ວາ​ບາ​ນອບ ຜູ້​ຈັດ­ການ​ຝ່າຍ​ລົງ­ທຶນ​ໃນ​ໂຄງ­ການ​ຊັບ­ພະ­ຍາ­ກອນ​ທຳ​ມະ​ຊາດ ແລະ ພື້ນ­ຖານ​ໂຄງ​ລ່າງ ປະ­ຈຳ​ພາກ​ພື້ນ​ອາ­ຊີ ແລະ ປາ​ຊີ​ຟິກ ອົງ­ການ-ການ​ເງິນ​ສາ­ກົນ (IFC) ໂດຍ​ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ເພື່ອ​ລະ­ດົມ​ການ​ລົງ­ທຶນ​ຈາກ​ເອ­ກະ​ຊົນ​ທີ່​ມີ​ຄຸນ​ນະ​ພາບ ເຂົ້າ​ໃນ​ພາ­ລະ­ກິດ​ສ້າງ​ຄວາມ​ເຂັ້ມ­ແຂງ​ໃຫ້​ຂະ­ແໜງ​ສາຍ​ສົ່ງ ພະ­ລັງ­ງານ​ໄຟ­ຟ້າ​ຂອງ ສປປ ລາວ ເພື່ອ​ເສີມ​ຂະ­ຫຍາຍ​ຕາ​ໜ່າງ​ແຈກ​ຢາຍ​ພາຍ​ໃນ ແລະ ສົ່ງ­ເສີມ​ການ​ສົ່ງ​ອອກ​ນອກ ປະ­ກອບ­ສ່ວນ​ໃຫ້­ການ​ຂະ­ຫຍາຍ­ຕົວ​ຂອງ​ເສດ­ຖະ­ກິດ ແລະ ສົ່ງ­ເສີມ​ຄວາມ​ສົມ­ບູນ​ພູນ​ສຸກ​ຮ່ວມ​ກັນ​ຢູ່ ສປປ ລາວ.

    ທ່ານ ທອງ​ພັດ ອິນ​ທະ​ວົງ ກ່າວ​ວ່າ: ເພື່ອ​ໃຫ້​ສາ­ມາດ​ນຳ​ໃຊ້​ທ່າ­ແຮງ​ດ້ານ​ການ​ຜະ­ລິດ​ພະ­ລັງ­ງານ​ໄຟ­ຟ້າ ທີ່​ມີ​ຢ່າງ​ຫຼວງ­ຫຼາຍ​ຢູ່​ປະ­ເທດ​ເຮົາ ມີ​ຄວາມ​ຈຳ­ເປັນ​ທີ່​ຈະ​ຕ້ອງ​ໄດ້​ພັດ­ທະ­ນາ​ພື້ນ­ຖານ​ໂຄງ​ລ່າງ​ສາຍ​ສົ່ງ​ທີ່​ມີ​ຄຸນ​ນະ​ພາບ ປັດ­ຈຸ­ບັນ​ເປັນ​ໄລ­ຍະ​ທີ່​ລັດ­ຖະ­ບານ​ລາວ ພວມ​ສຸມ​ໃສ່​ຂະ­ຫຍາຍ​ການ​ສົ່ງ​ອອກ​ພະ­ລັງ­ງານ​ໄຟ­ຟ້າ ເພື່ອ​ຊຸກ­ຍູ້​ການ​ຂະ­ຫຍາຍ­ຕົວ​ດ້ານ​ເສດ­ຖະ­ກິດ ເຊິ່ງ​ການ​ຮ່ວມ​ມື​ກັບ​ອົງ­ການ IFC ຄາດ​ວ່າ​ຈະ​ໄດ້​ຮັບ​ຜົນ​ປະ­ໂຫຍດ​ຈາກ​ປະ­ສົບ​ການ​ໃນ​ລະ­ດັບ​ສາ­ກົນ​ຂອງ​ອົງ­ການ​ດັ່ງ­ກ່າວ ໃນ​ການ​ຄົ້ນ­ຄວ້າ​ຫາ​ວິ­ທີ​ການ​ທີ່​ສາ­ມາດ​ນຳ​ໃຊ້​ໃນ​ການ​ພັດ­ທະ­ນາ​ໂຄງ­ການ​ສາຍ​ສົ່ງ ໂດຍ​ມີ​ການ​ລົງ­ທຶນ​ຈາກ​ພາກ​ເອ­ກະ​ຊົນ​ພາຍ​ໃຕ້​ຮູບ​ແບບ​ຕ່າງໆ​ທີ່​ເໝາະ​ສົມ.

    ໄລ­ຍະ 6 ເດືອນ​ພາຍ­ຫຼັງ​ການ​ລົງ​ນາມ​ຄັ້ງ​ນີ້ ອົງ­ການ IFC ຈະ​ຮ່ວມ​ກັບ​ລັດ​ວິ​ສາ​ຫະ​ກິດ​ໄຟ­ຟ້າ​ລາວ ດຳ­ເນີນ​ການ​ສຶກ​ສາ​ຄວາມ​ເປັນ​ໄປ​ໄດ້​ເບື້ອງ​ຕົ້ນ​ໂຄງ­ການ​ສາຍ​ສົ່ງ 500 KV ເສັ້ນ​ໜຶ່ງ ທີ່​ຈະ​ນຳ​ໃຊ້​ໃນ​ການ​ສົ່ງ​ພະ­ລັງ­ງານ​ໄຟ­ຟ້າ​ຈາກ ສປປ ລາວ ໄປ​ສູ່​ປະ­ເທດ​ຫວຽດ­ນາມ ຖ້າ​ບໍ່​ມີ​ຄວາມ​ແທດ​ເໜາະ ອົງ­ການ IFC ກໍ​ຈະ​ສຶບ​ຕໍ່​ຊ່ວຍ​ກະ­ຊວງ ພບ ໃນ​ການ​ກຳ­ນົດ ແລະ ປະ​ເມີນ​ໂຄງ­ການ​ສາຍ​ສົ່ງ​ເສັ້ນ​ອື່ນ ທີ່​ເໝາະ​ສົມ​ສຳ­ລັບ​ການ​ລົງ­ທຶນ​ຂອງ​ພາກ​ເອ­ກະ​ຊົນ.

ຂ່າວທີ່ກ່ຽວຂ້ອງ