ຂ່າວຫຼ້າສຸດ

ໄຊທານີ ສຸມໃສ່ຊຸກຍູ້ການຜະລິດກະສິກຳເປັນສິນຄ້າ

289 19 ມ.ສ. 2019 ຂ່າວໜ້າ​ໜຶ່ງ

    ກອງ​ປະ­ຊຸມ​ຄົບ​ຄະ­ນະ​ບໍ­ລິ­ຫານ​ງານ​ພັກ​ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ຄັ້ງ​ທີ 18 ສະ­ໄໝ​ທີ VI ຂຶ້ນ​ວັນ​ທີ 11 ເມ­ສາ 2019 ຜ່ານ​ມາ ທີ່​ສະ­ໂມ­ສອນ​ເມືອງ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ສະ­ຫາຍ ຈັນ­ທະ​ລາ ອິນ​ທະ­ລັງ​ສີ ຄະ­ນະ​ພັກ ນວ ເລ­ຂາ​ພັກ​ເມືອງ ເຈົ້າ­ເມືອງ​ໄຊ​ທາ­ນີ ມີ​ສະ­ຫາຍ ບຸນ​ທອງ ພົມ­ມະ­ຈັນ ຄະ­ນະ​ປະ­ຈຳ​ພັກ ນວ ຫົວ­ໜ້າ​ຄະ­ນະ​ຈັດ​ຕັ້ງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ຄະ­ນະ​ປະ­ຈຳ​ພັກ ຄະ­ນະ​ພັກ​ເມືອງ ແລະ ເລ­ຂາ​ພັກ​ບ້ານ​ເຂົ້າ​ຮ່ວມ.

    ສະ­ຫາຍ ຄຳ​ປ່ຽນ ອິນ​ທະ​ລື­ຊາ ຄະ­ນະ​ປະ­ຈຳ​ພັກ​ເມືອງ ຮອງ​ເຈົ້າ­ເມືອງ​ໄຊ​ທາ­ນີ ລາຍ​ງານ​ສະ­ຫຼຸບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ປະ­ຈຳ 3 ເດືອນ​ຕົ້ນ​ປີ 2019 ແລະ ທິດ​ທາງ​ແຜນ­ການ 3 ເດືອນ​ປີ 2019 ໃຫ້​ຮູ້​ວ່າ: ປີ 2019 ເມືອງ​ໄຊ​ທາ­ນີ ເປັນ​ອີກ​ເມືອງ​ໜຶ່ງ​ທີ່​ມີ​ການ​ລົງ­ທຶນ​ຂອງ​ເອ­ກະ​ຊົນ​ພາຍ​ໃນ ແລະ ຕ່າງ­ປະ­ເທດ ພ້ອມ​ນັ້ນ ໄດ້​ເອົາ­ໃຈ­ໃສ່​ເກັບ​ລາຍ​ຮັບ​ເຂົ້າ​ງົບ­ປະ­ມານ​ປີ 2019 ແມ່ນ 47,38 ຕື້​ກີບ ເພີ່ມ​ຈາກ​ປີ 2018 ແມ່ນ 10,87% ມີ​ພື້ນ­ຖານ​ຈັດ​ເກັບ 7.639 ຫົວ­ໜ່ວຍ ໃນ​ນີ້ ບັນ­ຊີ 314 ຫົວ­ໜ່ວຍ ມອບ​ເໝົາ 1.123 ຫົວ­ໜ່ວຍ ຄ່າ​ເຊົ່າ 1.176 ຫົວ­ໜ່ວຍ ອອກ​ບັດ 412 ຫົວ­ໜ່ວຍ ເກັບ​ປີ້ 790 ຫົວ­ໜ່ວຍ ບ້ານ​ຄຸ້ມ​ຄອງ 3.824 ຫົວ­ໜ່ວຍ ດິນ​ມີ 45.582 ຕອນ​ການ­ຈັດ­ຕັ້ງ​ປະ­ຕິ­ບັດ​ໃນ​ໄລ­ຍະ 3 ເດືອນ​ຜ່ານ​ມາ ສາ­ມາດ​ປະ­ຕິ­ບັດ​ໄດ້ 5,15 ຕື້​ກີບ ທຽບ­ໃສ່​ແຜນ​ງວດ​ປະ­ຕິ­ບັດ​ໄດ້ 60,4% ແຜນ​ປີ​ໄດ້ 10,87% ຂອງ​ແຜນ­ການ​ປີ.

    ປັກ​ດຳ​ເຂົ້າ­ນາ­ແຊງ​ໄດ້ 4.530 ເຮັກ­ຕາ ເທົ່າ​ກັບ 96,03% ປັດ­ຈຸ­ບັນ​ເກັບ​ກ່ຽວ​ໄດ້ 95,13 ເຮັກ­ຕາ ເທົ່າ​ກັບ 2,1% ປູກ​ພືດ​ຜັກ​ໄດ້ 1.567,5 ເຮັກ­ຕາ ເທົ່າ​ກັບ 70,73% ພືດ​ອຸດ­ສາ­ຫະ­ກຳ​ໄດ້ 421 ເຮັກ­ຕາ ເທົ່າ​ກັບ 67,36% ໄມ້​ໃຫ້​ໝາກ​ໄດ້ 40,5 ເຮັກ­ຕາ ເທົ່າ​ກັບ 36% ຂອງ​ແຜນ­ການ​ປີ ມີ​ກຸ່ມ​ປູກ​ພືດ​ຜັກ​ອິນ​ຊີ 4 ກຸ່ມ 82 ຄອບ­ຄົວ ເນື້ອ­ທີ່ 65,81 ເຮັກ­ຕາ ໄດ້​ລົງ​ຊຸກ­ຍູ້​ດ້ານ​ວິ­ຊາ​ການ​ຢູ່​ບັນ­ດາ​ຟາມ​ລ້ຽງ­ສັດ ເພື່ອ​ສະ­ໜອງ​ທາດ​ຊີ້ນ​ໄດ້ 4.440 ໂຕນ ເທົ່າ​ກັບ 25,01% ໄດ້​ສ້ອມ­ແປງ ແລະ ຟື້ນ​ຟູ​ສະ­ຖາ­ນີ​ຈັກ­ສູບ­ນ້ຳ​ທີ່​ໄດ້​ຮັບ​ຜົນ​ກະ­ທົບ​ຈາກ​ນ້ຳ​ຖ້ວມ ສາ­ມາດ​ນຳ​ໃຊ້​ໄດ້ 11 ສະ­ຖາ­ນີ ລວງ​ຄອງ­ເໝືອງ​ສຳ­ເລັດ 8 ສະ­ຖາ­ນີ ພົບ​ເຫັນ​ການ​ເຄື່ອນ​ຍ້າຍ​ໄມ້​ບໍ່​ຖືກ​ລະ­ບຽບ ປະ­ເພດ​ໄມ້​ແຕ້ ໄມ້­ແຄນ​ຫີນ 130 ແຜ່ນ ກວດ­ກາ​ການ​ລັກ​ຕັດ​ໄມ້​ຢູ່​ດົງ​ສະ­ຫງວນ​ບ້ານ​ນາ​ຕານ ໄມ້​ຖືກ​ລັກ​ຕັດ 27 ທ່ອນ ກວດ­ກາ​ຮ້ານ​ຂາຍ­ເຄື່ອງ​ຕັດ​ໄມ້ ເຄື່ອງ​ຊ໋ອດ​ປາ 21 ລາຍ­ການ ເຮັດ​ບັນ­ທຶກ​ສຶກ​ສາ​ອົບ­ຮົມ​ຊາວ​ຄ້າ­ຂາຍ​ສັດ​ນ້ຳ-ສັດ­ປ່າ ເຄື່ອງ​ປ່າ​ຂອງ​ດົງ​ຕະ­ຫຼາດ​ດ່ານ​ຊ້າງ​ໃຫ້​ຢຸດ​ເຊົາ 5 ຮ້ານ ນອກ​ນີ້ ຍັງ​ໄດ້​ຍົກ​ໃຫ້​ເຫັນ​ການ­ເຄື່ອນ­ໄຫວ​ວຽກ​ງານ​ດ້ານ​ຂົງ­ເຂດ​ອື່ນໆ​ຕື່ມ​ອີກ.

    ກອງ​ປະ­ຊຸມ​ຍັງ​ໄດ້​ຮັບ​ຟັງ​ລາຍ​ງານ​ກ່ຽວ​ກັບ ຮ່າງ​ມະ­ຕິ​ກອງ​ປະ­ຊຸມ​ຄົບ​ຄະ­ນະ​ບໍ­ລິ­ຫານ​ງານ​ພັກ​ເມືອງ​ໄຊ​ທາ­ນີ ຄັ້ງ​ທີ 18 ສະ­ໄໝ​ທີ VI ວ່າ: ກອງ​ປະ­ຊຸມ​ດັ່ງ­ກ່າວ ເຫັນ​ດີ​ຮັບ​ເອົາ​ບົດ​ສະ­ຫຼຸບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ປະ­ຈຳ 3 ເດືອນ ໄຕ​ມາດ​ທີ I ແລະ ທິດ​ທາງ​ແຜນ­ການ 3 ເດືອນ ໄຕ​ມາດ​ທີ II ປະ­ຈຳ​ປີ 2019 ພ້ອມ​ນັ້ນ ກອງ​ປະ­ຊຸມ​ໄດ້​ຕີ​ລາ­ຄາ​ຕໍ່​ການ​ຊີ້​ນຳ-ນຳ­ພາ​ໃນ​ການ­ຈັດ­ຕັ້ງ​ປະ­ຕິ­ບັດ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ VI ຂອງ​ອົງ­ຄະ​ນະ​ພັກ​ເມືອງ​ຕະ­ຫຼອດ​ໄລ­ຍະ 3 ເດືອນ​ຜ່ານ​ມາ ນອກ​ນີ້ ກອງ​ປະ­ຊຸມ​ຍັງ​ໄດ້​ຮັບ­ຮອງ​ເອົາ​ທິດ​ທາງ​ແຜນ​ວຽກ​ຈຸດ​ສຸມ​ຈຳ­ນວນ​ໜຶ່ງ ທີ່​ຈະ​ຕ້ອງ​ໄດ້​ຈັດ​ຕັ້ງ​ປະ­ຕິ­ບັດ​ໃນ­ຕໍ່­ໜ້າ ປະ­ກອບ​ມີ 9 ໂຄງ­ການ​ຈຸດ​ສຸມ​ຂອງ​ເມືອງ​ຄື: ໂຄງ­ການ​ບຸກ​ທະ­ລຸ​ໃນ​ການ​ເກັບ​ລາຍ​ຮັບ​ເຂົ້າ​ງົບ­ປະ­ມານ ໂຄງ­ການ​ພັດ­ທະ­ນາ​ກຸ່ມ​ບ້ານ​ຊ້າງ​ໃຫ້​ເປັນ​ຕົວ​ເມືອງ​ນ້ອຍ ໂຄງ­ການ​ແກ້​ໄຂ​ປາ­ກົດ­ການ​ຫຍໍ້­ທໍ້​ໃນ​ສັງ­ຄົມ ໂຄງ­ການ​ແກ້​ໄຂ​ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ​ຕາມ​ເສັ້ນ­ທາງ​ຫຼັກ​ຂອງ​ເມືອງ ໂຄງ­ການ​ປູກ​ເຂົ້າ​ໂດຍ​ນຳ​ໃຊ້​ກົນ​ຈັກ ເພື່ອ​ຫຼຸດ­ຜ່ອນ​ແຮງ​ງານ​ຄົນ ໂຄງ­ການ​ຈັດ​ສັນ​ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ​ຢູ່​ຕະ­ຫຼາດ​ພາຍ​ໃນ​ເມືອງ ໂຄງ­ການ​ຂຶ້ນ​ທະ­ບຽນ​ແຮງ​ງານ​ຄົນ​ຕ່າງ­ປະ­ເທດ ໂຄງ­ການ​ແກ້​ໄຂ​ສິ່ງ​ກີດ­ຂວາງ​ຂອງ​ການ​ກໍ່­ສ້າງ​ທາງ​ລົດ­ໄຟ​ຄວາມ​ໄວ​ສູງ ໂຄງ­ການ​ທາງ​ດ່ວນ​ໄລ­ຍະ​ທີ 1 ແຕ່​ສູນ​ການ​ຄ້າ​ລາວ-ໄອ​ເຕັກ​ຫາ​ດົງ​ໝາກ­ຄາຍ ກອງ​ປະ­ຊຸມ​ຍັງ​ໄດ້​ຮັບ​ຟັງ​ການ​ລາຍ​ງານ​ກ່ຽວ​ກັບ​ການ​ກວດ­ກາ​ຄືນ ຜົນ­ສຳ­ເລັດ​ດຳ­ເນີນ​ກອງ​ປະ­ຊຸມ​ໃຫຍ່​ບັນ­ດາ​ໜ່ວຍ​ພັກ ແລະ ຄະ­ນະ​ພັກ​ຮາກ​ຖານ​ອ້ອມ​ຂ້າງ​ເມືອງ ກະ­ກຽມ​ໃຫ້​ແກ່​ການ​ດຳ­ເນີນ​ກອງ​ປະ­ຊຸມ​ໃຫຍ່ ຄັ້ງ​ທີ VII ຂອງ​ອົງ­ຄະ​ນະ​ພັກ​ເມືອງ​ໄຊ​ທາ­ນີ.

ຂ່າວທີ່ກ່ຽວຂ້ອງ