ໂຮງໝໍເຊດຖາທິຣາດ ປະຕິບັດນະໂຍບາຍ 5 ດີ ໜຶ່ງພໍໃຈ ໄດ້ 80%

345 18 ມ.ສ. 2019 ຂ່າວໜ້າ​ໜຶ່ງ
ໂຮງໝໍເຊດຖາທິຣາດ ປະຕິບັດນະໂຍບາຍ 5 ດີ ໜຶ່ງພໍໃຈ ໄດ້ 80%

    ໂຮງ­ໝໍ​ເຊດ​ຖາ​ທິ​ຣາດ ໄດ້​ຈັດ​ພິ­ທີ​ສະ­ຫຼຸບ​ຜົນ­ງານ​ການ­ເຄື່ອນ­ໄຫວ ປະ­ຈຳ​ປີ 2018 ແລະ ແຜນ­ການ​ປີ 2019 ຂຶ້ນ​ວັນ​ທີ 11 ເມ­ສາ 2019 ທີ່​ໂຮງ­ໝໍ​ດັ່ງ­ກ່າວ ເປັນ​ປະ­ທານ​ຂອງ​ທ່ານ ໄພ​ວັນ ແກ້ວ​ປະ­ເສີດ ຜູ້­ອຳ­ນວຍ­ການ​ໂຮງ­ໝໍ​ເຊດ​ຖາ​ທິ​ຣາດ ມີ​ພະ­ນັກ­ງານ​ແພດ​ໝໍ​ເຂົ້າ​ຮ່ວມ.

    ທ່ານ ວໍ­ລະ​ຈິດ ທິບ​ພະ​ກຸນ ຮອງ​ອຳ­ນວຍ​ການ​ໂຮງ­ໝໍ​ເຊດ​ຖາ​ທິ​ຣາດ ໄດ້​ຂຶ້ນ​ຜ່ານ​ບົດ​ສະ­ຫຼຸບ​ຜົນ­ງານ​ຜ່ານ​ມາ​ວ່າ: ພະ­ນັກ­ງານ​ມີ​ຄວາມ​ເຊື່ອ​ໝັ້ນ​ຕໍ່​ການ​ນຳ­ພາ​ຂອງ​ພັກ-ລັດ ມີ​ຄວາມ​ສະ­ຫງົບ ມີ​ຄວາມ​ຮ່ວມ​ມື​ປະ­ກອບ­ສ່ວນ ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ຂອງ​ໂຮງ­ໝໍ ໄດ້​ມີ​ແຜນ​ບຸ­ລິ­ມະ­ສິດ​ໃນ​ການ​ບຳ­ລຸງ​ສ້າງ​ພະ­ນັກ­ງານ​ຂອງ​ໂຮງ­ໝໍ ມີ​ການ​ຈັດ​ສັນ​ຕຳ­ແໜ່ງ​ງານ ສັບ​ຊ້ອນ​ພະ­ນັກ­ງານ​ປະ­ກອບ​ເຂົ້າ​ໃນ​ແຕ່​ລະ​ຂະ­ແໜງ­ການ ພະ­ນັກ­ງານ​ໄດ້​ທຶນ​ໄປ​ຍົກ​ລະ­ດັບ​ທັງ​ພາຍ​ໃນ ແລະ ຕ່າງ­ປະ­ເທດ ວຽກ​ງານ​ບໍ­ລິ­ການ​ສຸ­ຂະ­ພາບ​ໄດ້​ຖືກ​ພັດ­ທະ­ນາ​ຢ່າງ​ຕໍ່​ເນື່ອງ ເຮັດ​ໃຫ້​ຄົນ​ເຈັບ​ມາ​ຮັບ​ບໍ­ລິ­ການ​ເພີ່ມ​ຂຶ້ນ ເນັ້ນ​ໃສ່​ປະ­ຕິ­ບັດ 5 ດີ 1 ພໍ­ໃຈ ໄດ້ 80% ສະ­ແດງ​ອອກ​ປີ 2018 ໄດ້​ບໍ­ລິ­ການ​ກວດ​ຄົນ​ເຈັບ​ເຂດ​ນອກ 80.104 ຄົນ ຄົນ​ເຈັບ​ເຂົ້າ​ນອນ​ປິ່ນ­ປົວ 14.596 ຄົນ ຄົນ​ເຈັບ​ສຸກ​ເສີນ 28.103 ຄົນ ທັງ​ໄດ້​ເອົາ­ໃຈ­ໃສ່​ປະ­ຕິ­ບັດ​ນະ­ໂຍ­ບາຍ​ທາງ​ດ້ານ​ເສດ­ຖະ­ກິດ ເປັນ​ສິ່ງ​ຈູງ​ໃຈ​ກະ­ຕຸກ​ຊຸກ­ຍູ້​ພະ­ນັກ­ງານ​ຢ່າງ​ສະ​ໝ່ຳ​ສະ­ເໝີ ສິ່ງ­ແວ­ດລ້ອມ​ສະ­ຖານ­ທີ່​ບໍ­ລິ­ການ​ຈຳ­ນວນ​ໜຶ່ງ ໄດ້​ຮັບ​ການ​ປັບ­ປຸງ​ປ່ຽນ­ແປງ​ໃຫ້​ດີ​ຂຶ້ນ ໂຮງ­ໝໍ​ມີ​ຄວາມ​ສະ­ຫງົບ ແລະ ມີ​ຄວາມ​ປອດ​ໄພ​ໂດຍ​ພື້ນ­ຖານ.

ຂ່າວທີ່ກ່ຽວຂ້ອງ