ກອງປະຊຸມຜູ້ນຳ ຈີນ - EU ອອກຖະແຫຼງການຮ່ວມ

152 12 ມ.ສ. 2019 ຂ່າວຕ່າງປະເທດ
ກອງປະຊຸມຜູ້ນຳ ຈີນ - EU ອອກຖະແຫຼງການຮ່ວມ

   ທ່ານ​ຫຼີ​ເຄີ້​ສຽງ ນາຍົກລັດຖະມົນຕີ​ຈີນ ທ່ານ​ໂດ​ນາ​​ລ ທຸ​​ສ ປະທານ​ສະພາ​ເອີ​ຣົບ ແລະ ທ່ານ ເຈນ ຄລາວ ຈັງ​ເກີ ປະທານ​ຄະນະ​ກຳມາ​ການ​ເອີ​ຣົບ ໄດ້​ເຂົ້າ​ຮ່ວມ​ພິທີ​ຖະແຫຼງ​ຂ່າວ ຫຼັງ​ຈາກ​ສິ້ນ​ສຸດ​ການ​ພົບ​ປະ​ລະຫວ່າງ​ຜູ້ນຳ​ຈີນ-ສະຫະພາບ​ເອີ​ຣົບ ຄັ້ງ​ທີ 21 ແລະ ຕອບ​ຄຳ​ຖາມ​ຂອງ​ນັກ​ຂ່າວ ຊຶ່ງ​ຈັດ​ຂຶ້ນ​ເມື່ອ​ວັນ​ທີ 9 ເມສາ​ນີ້ ທີ່​ນະຄອນຫຼວງ ບຣຸກ​ແຊນ (ປະເທດ​ແບນ​ຊິກ).

   ສອງ​ຝ່າຍ​ໄດ້​ເປີດເຜີຍ​ຜົນ​ການ​ພົບ​ປະກັນ​ຄັ້ງ​ນີ້ ແລະ ເປັນ​ເອກະ​ພາບ​ກັນ​ເຫັນ​ວ່າ ໃນ​ສະຖານະ​ການ​ສາກົນ​ໃນ​ປັດຈຸບັນ ຈີນ ແລະ ສະຫະພາບ​ເອີ​ຣົບ ໃນ​ຖານະ​ເປັນ​ສອງ​ກຳລັງ​ໃຫຍ່​ທີ່​ສຳຄັນ​ໃນ​ການ​ປົກ​ປັກ​ຮັກສາ​ສັນຕິພາບ ຄວາມ​ຈະເລີນ​ຮຸ່ງເຮືອງ ແລະ ການ​ພັດທະນາ​ຂອງ​ໂລກ ຄວນ​ຮ່ວມ​ມື​ກັນ ແລະ ເປີດ​ກວ້າງ​ຜົນ​ປະໂຫຍດ​ຮ່ວມ​ກັນ ເພື່ອ​ໃຫ້​ປະຊາຊົນ​ສອງ​ຝ່າຍ​ໄດ້​ຮັບ​ຜົນ​ປະໂຫຍດ.

   ສອງ​ຝ່າຍ​ໄດ້​ເປັນ​ເອກະ​ພາບ​ກັນ ກ່ຽວ​ກັບ​ຖະແຫຼງການ​ຮ່ວມ​ຂອງ​ການ​ພົບ​ປະກັນ​ລະຫວ່າງ​ຜູ້ນຳ​ສອງ​ຝ່າຍ​ຄັ້ງ​ນີ້ ໂດຍ​ຜ່ານ​ການ​ແລກປ່ຽນ​ຄວາມ​ຄິດ​ເຫັນ ແລະ ​ປຶກສາ​ຫາລື​ກັນ​ຢ່າງ​ເລິກເຊິ່ງ ບົນ​ພື້ນຖານ​ເຄົາລົບ​ຊຶ່ງ​ກັນ ແລະ ກັນ ແລະ ປຶກສາ​ຫາລື​ກັນ​ຢ່າງ​ສະເໝີພາບ​ຊຶ່ງ​ເປັນ​ໝາກຜົນ​ຮ່ວມ​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະໂຫຍດ.

ຂ່າວທີ່ກ່ຽວຂ້ອງ