ຂ່າວຫຼ້າສຸດ

ກັນຍາ ໄດ້ຮັບເລືອກເປັນຄະນະບໍລິຫານງານ ສະຫະພັນບານເຕະອາຊີ

295 12 ມ.ສ. 2019 ວົງຈອນກີລາ
ກັນຍາ ໄດ້ຮັບເລືອກເປັນຄະນະບໍລິຫານງານ ສະຫະພັນບານເຕະອາຊີ

    ທ່ານ​ນາງ ກັນ­ຍາ ແກ້ວ​ມະ­ນີ ເລ­ຂາ­ທິ­ການ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ໄດ້​ຖືກ​ຮັບ​ເລືອກ​ໃຫ້​ເປັນ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ບານ­ເຕະ​ອາ­ຊີ ໄລ­ຍະ 5 ປີ ໃນ​ປີ 2019-2023 ເພື່ອ​ຮັບ­ຜິດ­ຊອບ​ໃນ​ຂົງ­ເຂດ​ພາກ​ພື້ນ​ອາ­ຊີ​ຕາ­ເວັນ​ອອກ­ສຽງ​ໃຕ້ ຫຼື ອາ​ຊຽນ ໃນ​ວັນ​ທີ 6 ເມ­ສາ 2019 ທີ່​ສຳ­ນັກ­ງານ​ໃຫຍ່ ສະ­ຫະ­ພັນ​ກິ­ລາ​ບານ­ເຕະ​ອາ­ຊີ ນະ­ຄອນ­ຫຼວງ​ກົວ​ລາ​ລຳ​ເປີ ປະ­ເທດ​ມາ​ເລ​ເຊຍ.

    ທ່ານ​ນາງ ກັນ­ຍາ ແກ້ວ​ມະ­ນີ ໄດ້​ຖືກ​ເລືອກ​ໃຫ້​ຢູ່​ໃນ 4 ຄະ­ນະ​ກຳ­ມະ­ການ​ລະ­ດັບ​ສູງ​ຂອງ​ເຕະ­ບານ​ຍິງ​ທະ​ວິບ​ອາ­ຊີ ໃນ​ຊຸດ​ນີ້ ແລະ ກາຍ­ເປັນ​ແມ່­ຍິງ​ລາວ​ຄົນ​ທຳ​ອິດ ທີ່​ກ້າວ​ສູ່​ຕຳ­ແໜ່ງ​ນີ້ ໂດຍ​ວາ­ລະ​ການ​ດຳ­ລົງ​ຕຳ­ແໜ່ງ 5 ປີ ຈະ​ຮັບ​ໜ້າ­ທີ່​ເປັນ​ຕົວ​ແທນ​ຂອງ​ພາກ​ພື້ນ​ອາ​ຊຽນ ສ່ວນ​ອີກ 3 ທ່ານ ປະ­ກອບ​ມີ​ທ່ານ​ນາງ SUSAN ALSHALABI ຈາກ​ປະ­ເທດ​ປາ​ແລັດ​ສະ​ຕິນ ເປັນ​ຕົວ​ແທນ​ຂອງ​ອາ­ຊີ​ຕາ­ເວັນ­ຕົກ ທ່ານ​ນາງ MAHFUZA AKHTER KIRON ຈາກ​ປະ­ເທດ​ບັງ​ກລາ​ເດັດ ເປັນ​ຕົວ​ແທນ​ຂອງ​ອາ­ຊີ​ໃຕ້ ແລະ ທ່ານ​ນາງ HAN UN GYONG ຈາກ​ປະ­ເທດ ສປປ ເກົາ­ຫຼີ ເປັນ​ຕົວ​ແທນ​ຂອງ​ອາ­ຊີ​ຕາ­ເວັນ​ອອກ.

    ສ່ວນ​ສະ­ມາ­ຊິກ​ສະ­ພາ​ສະ­ຫະ­ພັນ​ບານ­ເຕະ​ນາໆຊາດ ຫຼື ຟີ​ຟາ ຕົວ​ແທນ​ຈາກ​ອາ­ຊີ ມີ​ທ່ານ DU ZHAOCAI ຈາກ​ຈີນ ທ່ານ PRAFUL PATEL ອິນ​ເດຍ ທ່ານ KOHZO TASHIMA ຍີ່­ປຸ່ນ ທ່ານ MARIANO ARENETA ຟີ​ລິບ​ປິນ ທ່ານ SAOUD AZIZ M A AL-MOHANNAD ກາ​ຕາ ແລະ ທ່ານ​ນາງ MAHFUZA AKHTER KIRON ປະ­ເທດ​ບັງ​ກລາ​ເດັດ.

ຂ່າວທີ່ກ່ຽວຂ້ອງ