ຂ່າວຫຼ້າສຸດ

ຫົງສາ ເປີດນຳໃຊ້ເດີ່ນກີລາບານເຕະຟຸດຊໍຫຍ້າທຽມ

190 10 ມ.ສ. 2019 ວົງຈອນກີລາ

    ພິ­ທີ​ເປີດ​ເດີ່ນ​ກີ­ລາ​ບານ­ເຕະ​ຟຸດ​ຊໍ​ຫຍ້າ​ທຽມ​ແຫ່ງ​ທຳ​ອິດ ເມືອງ​ຫົງ​ສາ ແຂວງ​ໄຊ​ຍະ​ບູ​ລີ ຈັດ​ຂຶ້ນ​ເມື່ອ​ບໍ່​ດົນ​ຜ່ານ​ມາ ມີ​ທ່ານ ຄຳ​ເພັດ ພົມ​ມະ​ລາດ ເຈົ້າ­ເມືອງ​ຫົງ​ສາ ຜູ້­ອຳ­ນວຍ­ການ​ບໍ­ລິ­ສັດ ທີ​ເຈ​ຊີ ກໍ່­ສ້າງ​ຂົວ-ທາງ ຈຳ­ກັດ ພ້ອມ​ດ້ວຍ​ແຂກ​ຖືກ​ເຊີນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຄຳ​ສະ­ຖຽນ ເຫຼືອງ​ພາ­ນິດ ອຳ­ນວຍ​ການ​ບໍ­ລິ­ສັດ ທີ​ເຈ​ຊີ ກໍ່­ສ້າງ​ຂົວ-ທາງ ຈຳ­ກັດ ໄດ້​ກ່າວ​ວ່າ: ເພື່ອ​ເປັນ​ການ​ຕອບ​ສະ­ໜອງ​ໃຫ້​ແກ່​ສັງ­ຄົມ ໃນ​ການ​ສ້າງ​ກິດ­ຈະ­ກຳ​ຮ່ວມ​ກັນ ມີ​ບ່ອນ​ອອກ­ກຳ­ລັງ​ກາຍ​ທີ່​ເໝາະ​ສົມ ແລະ ເປັນ​ຂະ​ບວນ​ການ​ຟົດ­ຟື້ນ ເຮັດ​ໃຫ້​ມີ​ສຸ­ຂະ­ພາບ​ແຂງ­ແຮງ ສາ­ມາດ​ຕອບ​ສະ­ໜອງ​ໄດ້​ຕາມ​ຄວາມ​ຕ້ອງ­ການ​ຂອງ​ສັງ­ຄົມ​ໃນ​ປັດ­ຈຸ­ບັນ ແລະ ອະ­ນາ­ຄົດ ເປັນ​ການ​ສ້າງ​ລາຍ​ຮັບ​ເຂົ້າ​ກອງ​ທຶນ​ກີ­ລາ​ກາຍ­ຍະ­ກຳ​ຂອງ​ເມືອງ ແລະ ໃນ​ການ​ຫຼີ້ນ​ກີ­ລາ​ບານ­ເຕະ ມີ​ຄວາມ​ສະ­ດວກ​ຫຼາຍ​ຂຶ້ນ ເພື່ອ​ຫ່າງ​ໄກ​ສິ່ງ​ເສບ​ຕິດ ອີກ​ດ້ານ​ໜຶ່ງ ເປັນ​ການ​ສົ່ງ­ເສີມ​ເຍົາ­ວະ​ຊົນ-ຊາວ​ໝຸ່ມ ໃຫ້​ກາຍ­ເປັນ​ນັກ­ກີ­ລາ​ທີ່​ມີ​ທັກ​ສະ ມີ​ຄຸນ​ນະ​ພາບ​ທີ່​ດີ​ຂອງ​ເມືອງ ສາ­ມາດ​ໄປ​ຮ່ວມ​ແຂ່ງ­ຂັນ​ໃນ​ລະ­ດັບ​ແຂວງ​ລະ­ດັບ​ຊາດ ແລະ ລະ­ດັບ​ສາ­ກົນ​ໄດ້ ດ້ວຍ​ເຫດ​ນັ້ນ ການ​ນຳ​ເມືອງ​ຈຶ່ງ​ໄດ້​ຕົກ­ລົງ​ອະ­ນຸ­ມັດ​ໃຫ້​ບໍ­ລິ­ສັດ ທີ​ເຈ​ຊີ ກໍ່­ສ້າງ​ຂົ້ວ-ທາງ ຈຳ­ກັດ ເປັນ​ຜູ້​ກໍ່­ສ້າງ ແລະ ຮັບ​ເໝົາ​ລົງ­ທຶນ​ສ້າງ​ສະ­ໜາມ​ກີ­ລາ​ແຫ່ງ​ນີ້ ໂດຍ​ໄດ້​ເລີ່ມ​ລົງ­ມື​ຈັດ​ຕັ້ງ​ປະ­ຕິ­ບັດ​ມາ​ແຕ່​ວັນ​ທີ 1 ທັນ­ວາ 2018 ແລະ ສຳ­ເລັດ​ວັນ​ທີ 1 ມີ­ນາ 2019 ມູນ​ຄ່າ 590 ລ້ານ​ກີບ ເຊິ່ງ​ເດີ່ນ​ດັ່ງ­ກ່າວ​ແມ່ນ​ເປັນ​ທຶນ​ສ່ວນ​ບຸກ­ຄົນ.

ຂ່າວທີ່ກ່ຽວຂ້ອງ