ຜູ້ນຳຣັດ​ເຊຍ-ຕວກກີ ພົບ​ປະ​ເຈລະຈາ​ກັນ

365 10 ມ.ສ. 2019 ຂ່າວຕ່າງປະເທດ
ຜູ້ນຳຣັດ​ເຊຍ-ຕວກກີ ພົບ​ປະ​ເຈລະຈາ​ກັນ

     ການ​ພົບ​ປະ​ເຈລະຈາ​ລະຫວ່າງ​ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ກັບ​ປະທານາທິບໍດີ ຕວກ​ກີ ເທ​ຢິບ ເອ​ໂດ​ການ ທີ່​ພວມ​ເຄື່ອນ​ໄຫວ​ຢ້ຽມຢາມ​ຣັດ​ເຊຍ ນັ້ນ​ໄດ້​ຈັດ​ຂຶ້ນ​ທີ່​ນະຄອນ​ຫຼວງ​​ມົສ​ກູ ເມື່ອ​ວັນ​ທີ 8 ເມສາ​ນີ້. ການ​ເຈລະຈາ​ດັ່ງກ່າວ ມີ​ຂຶ້ນ​ຕາມ 2 ຮູບ​ການ ຄື ເຈລະຈາ​ໃນ​ວົງ​ແຄບ ທີ່​ປະກອບ​ມີ​ການ​ເຈລະຈາ​ລັບ ແລະ ​ການ​ເລະ​ຈາ​ເປີດ​ກວ້າງ.

    ຜູ້ນຳ​ທັງ​ສອງ​ໄດ້​ປຶກສາ​ຫາລື​ກ່ຽວ​ກັບ​ບັນຫາ​ການ​ພົວພັນ​ແບບ​ສອງ​ຝ່າຍ ອັນ​ປະກອບ​ດ້ວຍ​ການ​ຮ່ວມ​ມື​ທາງ​ດ້ານ​ເສດຖະກິດ-ການ​ຄ້າ ການ​ປະຕິບັດ​ໂຄງການ​ດ້ານ​ພະລັງງານ​ຮ່ວມ​ກັນ ນັ້ນ​ກໍ​ຄື​ການ​ກໍ່ສ້າງ​ທໍ່​ສົ່ງ​ເຊື້ອ​ໄຟ “ສາຍ​ຕວກ​ກີ” ແລະ​ ໂຮງງານ​ໄຟຟ້າ​ປາ​ລາມາ​ນູ ອາກ​ຄູ​ຢີວ ຢູ່​ໃນ​ຕວກ​ກີ ລວມ​ເຖິງ​ສັນຍາ​ການ​ສະໜອງ​ລະບົບ​ລູກ​ສອນ​ໄຟ S-400 ຂອງ​ຣັດ​ເຊຍ ໃຫ້​ແກ່​ຕວກ​ກີ.

     ປະທານາທິບໍດີ ປູ​ຕິນ ໃຫ້ການ​ຢັ້ງຢືນ​ວ່າ ການ​ພົວ​ພັນ​​ລ​ລະຫວ່າງ​ຣັດ​ເຊຍ ກັບ​ຕວກ​ກີ ມີ​ການ​ພັດທະນາ​ຢູ່​ໃນ​ລະດັບ​ສູງ ແລະ​ ການ​ຄ້າ​ລະຫວ່າງ​ສອງ​ຝ່າຍ ເພີ່ມ​ຂຶ້ນ 15% ໂດຍ​ບັນລຸ​ມູນ​ຄ່າ​ປະມານ 25 ຕື້​ໂດ​ລາ​ສະຫະລັດ.

   ເມື່ອ​ສິ້ນ​ສຸດ​ການ​ເຈລະຈາ ສອງ​ຝ່າຍ​ຈະ​ໄດ້​ຮ່ວມ​ກັນ​ລົງ​ນາມ​ເອກະສານ​ການ​ຮ່ວມ​ມື​ຫຼາຍ​ສະບັບ ພ້ອມ​ກັບ​ຈັດ​ກອງ​ປະຊຸມ​ຖະແຫຼງ​ຂ່າວ​ຮ່ວມ​ກັນ.

ຂ່າວທີ່ກ່ຽວຂ້ອງ