ຂ່າວຫຼ້າສຸດ

ຍ່າງເພື່ອສຸຂະພາບສະຫຼອງວັນສຸຂະພາບໂລກ 2019

293 09 ມ.ສ. 2019 ວົງຈອນກີລາ
ຍ່າງເພື່ອສຸຂະພາບສະຫຼອງວັນສຸຂະພາບໂລກ 2019

    ກະ­ຊວງ​ສາ­ທາ­ລະ­ນະ​ສຸກ ໄດ້​ຈັດ​ພິ­ທີ​ຍ່າງ​ເພື່ອ​ສຸ­ຂະ­ພາບ ສະ­ເຫຼີມ­ສະ­ຫຼອງ​ວັນ​ສຸ­ຂະ­ພາບ​ໂລກ (7 ເມ­ສາ) ຂຶ້ນ​ວັນ​ທີ 7 ເມ­ສາ 2019 ຢູ່​ສວນ​ປະ­ຕູ​ໄຊ ນະ­ຄອນ­ຫຼວງ​ວຽງ​ຈັນ ມີ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ບັນ­ດາ​ທູ­ຕາ­ນຸ­ທູດ ຫົວ­ໜ້າ​ກົມ​ຮອງ​ກົມ ພະ­ແນກ­ການ​ຈາກ​ກະ­ຊວງ​ສາ​ທາ ຕະ­ຫຼອດ​ຮອດ​ມວນ​ຊົນ​ນະ­ຄອນ­ຫຼວງ​ວຽງ​ຈັນ ເຂົ້າ​ຮ່ວມ​ຢ່າງ​ຫຼວງ­ຫຼາຍ.

    ທ່ານ Mark Jacobs ຜູ້­ຕາງ­ໜ້າ​ອົງ­ການ​ອະ­ນາ­ໄມ​ໂລກ ກ່າວ​ວ່າ: ຫົວ­ຂໍ້​ໃນ​ການ​ສະ­ເຫຼີມ­ສະ­ຫຼອງ​ປີ​ນີ້​ແມ່ນ​ສຸ­ຂະ­ພາບ​ດີ​ທຸກ​ຖ້ວນ​ໜ້າ ໂດຍ​ເນັ້ນ​ໃສ່​ຄວາມ​ສຳ­ຄັນ​ຂອງ​ການ​ຮັກ­ສາ​ສຸ­ຂະ­ພາບ​ຂັ້ນ​ຕົ້ນ ເປັນ​ພື້ນ­ຖານ​ຫຼັກ​ໃນ​ການ​ບັນ­ລຸ​ເປົ້າ​ໝາຍ​ການ​ປົກ​ຄຸມ​ສຸ­ຂະ­ພາບ​ທົ່ວ​ປວງ​ຊົນ ແລະ ເຮັດ​ໃຫ້​ທຸກ​ຄົນ​ສາ­ມາດ​ເຂົ້າ​ເຖິງ​ການ​ບໍ­ລິ­ການ​ສຸ­ຂະ­ພາບ​ທີ່​ຈຳ­ເປັນ ເຊິ່ງ​ຄວາມ​ຈິງ​ແລ້ວ ການ​ປົກ​ຄຸມ​ສຸ­ຂະ­ພາບ​ທົ່ວ​ປວງ​ຊົນ ແມ່ນ​ການ​ເຮັດ​ໃຫ້​ທຸກ​ຄົນ​ສາ­ມາດ​ເຂົ້າ​ເຖິງ​ການ​ບໍ­ລິ­ການ​ສຸ­ຂະ­ພາບ​ທີ່​ຈຳ­ເປັນ ໃນ​ເມື່ອ​ເຂົາ­ເຈົ້າ​ມີ​ຄວາມ​ຕ້ອງ­ການ ແລະ ໃນ​ສະ­ຖານ ທີ່​ບໍ­ລິ­ການ​ສຸ­ຂະ­ພາບ​ທີ່​ສາ­ມາດ​ເຂົ້າ​ເຖິງ​ໄດ້​ງ່າຍ ໂດຍ​ປາ­ສະ­ຈາກ​ຄວາມ​ສ່ຽງ​ຕໍ່​ການ​ເປັນ​ໜີ້​ສິນ ແລະ ການ​ຕົກ​ຢູ່​ໃນ​ພາ­ວະ​ຄວາມ­ທຸກ​ຈົນ.

    ອົງ­ການ​ອະ­ນາ­ໄມ​ໂລກ ຂໍ​ເຊີນ­ຊວນ​ໃຫ້​ບັນ­ດາ​ທ່ານ​ຈົ່ງ​ພ້ອມ​ກັນ​ສຸມ​ໃສ່​ການ​ລົງ­ທຶນ ໃນ​ການ​ຮັກ­ສາ​ສຸ­ຂະ­ພາບ​ຂັ້ນ​ຕົ້ນ ແນ­ໃສ່​ປະ­ກອບ­ສ່ວນ​ພັດ­ທະ­ນາ​ເສດ­ຖະ­ກິດ ແລະ ຊຸມ​ຊົນ​ໃຫ້​ເຂັ້ມ­ແຂງ​ໃນ​ອະ­ນາ­ຄົດ.

ຂ່າວທີ່ກ່ຽວຂ້ອງ