ຂ່າວຫຼ້າສຸດ

ຫຼາຍພາກສ່ວນອຸປະຖຳນັກກີລາແລ່ນ-ລານຄົນພິການລາວ

314 08 ມ.ສ. 2019 ວົງຈອນກີລາ
ຫຼາຍພາກສ່ວນອຸປະຖຳນັກກີລາແລ່ນ-ລານຄົນພິການລາວ

    ຫຼາຍ​ພາກ­ສ່ວນ​ໃຫ້­ການ​ສະ­ໜັບ­ສະ­ໜູນ​ທັບ​ນັກ­ກີ­ລາ​ແລ່ນ-ລານ​ຄົນ​ພິ­ການ​ທີມ​ຊາດ​ລາວ ວັນ​ທີ 2 ເມ­ສາ 2019 ທີ່​ເດີ່ນ​ກີ­ລາ​ເຈົ້າ​ອາ​ນຸ​ວົງ ມອບ​ໂດຍ​ທ່ານ ສີ​ບຸນ​ທຳ ສີ​ບຸນ​ມີ ຜູ້­ຕາງ­ໜ້າ​ບໍ­ລິ­ສັດ ລາວ​ເວີນ ແລະ ກ່າວ​ຮັບ​ໂດຍ​ທ່ານ ທອງ​ສະ​ຫວັດ ວົງ​ສະ­ຫວ່າງ ປະ­ທານ​ສະ­ຫະ­ພັນ​ກີ­ລາ​ແລ່ນ-ລານ​ຄົນ​ພິ­ການ​ແຫ່ງ​ຊາດ​ລາວ ມີ​ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ທັງ​ເປັນ​ຮອງ​ປະ­ທານ​ຄະ­ນະ​ກຳ­ມະ­ການ​ພາ​ຣາ​ແລມ​ປິກ​ແຫ່ງ​ຊາດ​ລາວ ພ້ອມ​ດ້ວຍ​ຄູ​ເຝິກ ແລະ ນັກ­ກີ­ລາ​ເຂົ້າ​ຮ່ວມ.

    ສຳ­ລັບ​ເຄື່ອງ​ທີ່​ນຳ​ມາ​ຊ່ວຍ­ເຫຼືອ​ຄັ້ງ​ນີ້ ໄດ້​ມາ​ຈາກ​ການ​ລະ­ດົມ​ທຶນ​ຂອງ​ບຸກ­ຄົນ​ທີ່​ມີ​ນ້ຳ­ໃຈ ແລະ ຢາກ​ຊ່ວຍ­ເຫຼືອ​ນັກ­ກີ­ລາ​ຄົນ​ພິ­ການ​ລາວ​ມີ: ທ່ານ ສີ​ບຸນ​ທຳ ສີ​ບຸນ​ມີ ທ່ານ ມິກ ຈາກ​ສະ​ຖາ​ບັນ​ວິ­ຈິດ​ສິນ​ແຫ່ງ​ຊາດ ທ່ານ ພູ​ທອງ ທ່ານ​ນາງ ລົດ­ຈະ­ນາ ແລະ ທ່ານ ປັນ­ຍາ​ສິດ ແສນ​ສຸ­ພັນ ເຊິ່ງ​ປະ­ກອບ​ມີ​ເຄື່ອງ­ໃຊ້ ໂຕະ-ຕັ່ງ ອາ­ຫານ ປະ​ອຸ​ກອນ​ອະ­ນາ­ໄມ ເຂົ້າ­ສານ ແລະ ອຸ­ປະ­ກອນ​ການ​ແຕ່ງ­ກິນ ລວມ​ມູນ​ຄ່າ​ທັງ​ໝົດ 1.400.000 ກີບ.

ຂ່າວທີ່ກ່ຽວຂ້ອງ