ຂ່າວຫຼ້າສຸດ

ຖວທ ນວ ສຳເລັດການຍົກລະດັບທິດສະດີໃຫ້ພະນັກງານ

329 05 ມ.ສ. 2019 ຂ່າວໜ້າ​ໜຶ່ງ
ຖວທ ນວ ສຳເລັດການຍົກລະດັບທິດສະດີໃຫ້ພະນັກງານ

    ພິ­ທີ​ສະ­ຫຼຸບ​ການ​ຮຽນ-ການ​ສອນ​ທິດ​ສະ​ດີ​ການ­ເມືອງ-ການ​ປົກ­ຄອງ ຊັ້ນ​ຕົ້ນ ຮຸ່ນ​ທີ 28 ຂອງ​ນະ­ຄອນ­ຫຼວງ​ວຽງ​ຈັນ (ນວ) ຊຸດ​ທີ 1 ຂອງ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ຈັດ​ຂຶ້ນ​ວັນ​ທີ 3 ເມ­ສາ 2019 ຢູ່​ພະ​ແນກ​ດັ່ງ­ກ່າວ ໂດຍ​ມີ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ ຖວ​ທ ນວ ທ່ານ​ນາງ ວຽງ​ພອນ ແກ້ວ​ຄູນ​ສີ ຮອງ​ຫົວ­ໜ້າ​ໂຮງ­ຮຽນ​ທິດ​ສະ​ດີ​ການ­ເມືອງ-ການ​ປົກ­ຄອງ ນວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຄຳ​ຄູນ ໃບ​ລາ​ຕຣີ ຮອງ​ຫົວ­ໜ້າ​ພະ​ແນກ ຖວ​ທ ນວ ກ່າວ​ວ່າ: ຊຸດ​ຮຽນ​ດັ່ງ­ກ່າວ ເລີ່ມ​ຈັດ​ຕັ້ງ​ການ​ຮຽນ-ການ​ສອນ​ມາ​ແຕ່​ວັນ​ທີ 31 ຕຸ­ລາ 2018-29 ມີ­ນາ 2019 ມີ​ນັກ​ສຶກ​ສາ​ເຂົ້າ​ຮ່ວມ 46 ຄົນ ຍິງ 25 ຄົນ ທີ່​ເປັນ​ສະ­ມາ­ຊິກ​ພັກ-ພະ­ນັກ­ງານ​ຫຼັກ​ແຫຼ່ງ​ຈາກ 9 ໜ່ວຍ​ພັກ ຫ້ອງ­ການ ຂະ­ແໜງ­ການ ກອງ​ວິ­ຊາ​ການ ແລະ ຖວ​ທ ບັນ­ດາ​ເມືອງ ຜ່ານ​ການ​ຮຽນ-ການ​ສອນ ນັກ​ສຶກ​ສາ​ສາ­ມາດ​ຍາດ​ໄດ້​ຄະ­ແນນ​ດີ­ເລີດ 3 ຄົນ ຍິງ 1 ຄົນ ນັກ​ສຶກ​ສາ​ດີ­ເດັ່ນ ປະ­ເພດ 1 ຈຳ­ນວນ 32 ຄົນ ປະ­ເພດ 2 ຈຳ­ນວນ 14 ຄົນ ນອກ​ນີ້ ນັກ​ສຶກ​ສາ​ຍັງ​ໄດ້​ຮ່ວມ​ກິດ­ຈະ­ກຳ ທັດ­ສະ­ນະ​ສຶກ​ສາ​ຮ່ຳ­ຮຽນ​ທິດ​ສະ​ດີ ຕິດ​ພັນ​ກັບ​ພຶດ­ຕິ​ກຳ​ຕົວ​ຈິງ.

    ທ່ານ​ນາງ ວຽງ​ພອນ ແກ້ວ​ຄູນ​ສີ ໄດ້​ສະ­ແດງ​ຄວາມ​ຊົມ­ເຊີຍ​ຜົນ­ສຳ­ເລັດ​ດັ່ງ­ກ່າວ ພ້ອມ​ທັງ​ເນັ້ນ​ໃຫ້​ນັກ​ສຶກ​ສາ​ທີ່​ຜ່ານ​ການ​ຮຽນ​ໃນ​ຄັ້ງ​ນີ້ ນຳ​ເອົາ​ບົດ­ຮຽນ​ທີ່​ຮຽນ​ມາ​ໄປ​ຈັດ​ຕັ້ງ​ຜັນ​ຂະ­ຫຍາຍ​ໃນ​ພຶດ­ຕິ​ກຳ​ຕົວ​ຈິງ ເພາະ​ການ​ຮຽນ​ທິດ​ສະ​ດີ​ຕ້ອງ​ຄຽງ​ຄູ່​ກັບ​ພຶດ­ຕິ​ກຳ​ຕົວ​ຈິງ ສາ­ມາດ​ໝູນ​ໃຊ້​ບົດ­ຮຽນ​ທີ່​ຮຽນ​ມາ ໄປ​ຜັນ​ຂະ­ຫຍາຍ​ໃນ​ໜ້າ­ທີ່​ວຽກ​ງານ​ວິ­ຊາ​ສະ­ເພາະ ໃຫ້​ໄດ້​ຮັບ​ໝາກ­ຜົນ​ສູງ​ສຸດ.

ຂ່າວທີ່ກ່ຽວຂ້ອງ