ສໍາເລັດການແຂ່ງຂັນກີລາ ສະຫຼອງວັນສ້າງຕັ້ງກຳລັງ ປກສ

188 05 ມ.ສ. 2019 ວົງຈອນກີລາ
ສໍາເລັດການແຂ່ງຂັນກີລາ ສະຫຼອງວັນສ້າງຕັ້ງກຳລັງ ປກສ

    ພິ­ທີ​ປິດ​ການ​ແຂ່ງ­ຂັນ​ກີ­ລາ​ອ້ອມ​ຂ້າງ​ກະ­ຊວງ​ປ້ອງ​ກັນ​ຄວາມ​ສະ­ຫງົບ (ປກສ) ຂັດ​ຂຶ້ນ​ວັນ​ທີ 1 ເມ­ສາ 2019 ພາຍ­ຫຼັງ​ດຳ­ເນີນ​ມາ​ແຕ່​ວັນ​ທີ 22 ມີ­ນາ 2019 ຢູ່​ສະ­ໜາມ​ກອງ​ກີ­ລາ ປກສ ໂດຍ​ມີ​ທ່ານ​ພົນ​ຈັດ­ຕະ­ວາ ອາ​ລູ ວາ­ລີ​ຊື ຫົວ­ໜ້າ​ກົມ​ໃຫຍ່​ການ­ເມືອງ ກະ­ຊວງ ປກສ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ພັນ​ເອກ ແສນ​ອາ­ໄລ ບົວ​ອາ­ພອນ ຫົວ­ໜ້າ​ກົມ​ກີ­ລາ ປກສ ຄະ­ນະ​ຮັບ­ຜິດ­ຊອບ​ຊີ້​ນຳ​ລວມ ການ​ແຂ່ງ­ຂັນ​ກີ­ລາ​ອ້ອມ​ຂ້າງ​ກະ­ຊວງ ປກສ ກ່າວ​ວ່າ: ເພື່ອ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ​ສ້າງ­ຕັ້ງ​ກຳ­ລັງ ປກສ ຄົບ­ຮອບ 58 ປີ ໃຫ້​ມີ​ຂະ​ບວນ​ການ​ຟົດ­ຟື້ນ ທັງ​ເສີມ​ສ້າງ​ສຸ­ຂະ­ພາບ​ທີ່​ດີ ໃຫ້​ກຳ­ລັງ​ຕຳ­ຫຼວດ​ອ້ອມ​ຂ້າງ​ກະ­ຊວງ ປກສ ໂດຍ​ການ​ແຂ່ງ­ຂັນ​ປະ­ກອບ​ມີ​ບານ­ເຕະ​ຊາຍ ບານ­ສົ່ງ​ຍິງ-ຊາຍ ກະ­ຕໍ້​ຊາຍ ຍິງ​ປືນ​ຊາຍ ເປ​ຕັງ​ຍິງ-ຊາຍ ແລ່ນ​ໄຖ່​ຍິງ-ຊາຍ ດຶງ­ເຊືອກ​ຍິງ-ຊາຍ ກີ­ລາ​ວິ­ຊາ​ສະ­ເພາະ​ນຸ່ງ​ເຄື່ອງ​ແບບ​ໄວ ແລະ ມ້າງ​ປະ­ກອບ​ປືນ​ອາ​ກ້າ​ຍິງ-ຊາຍ ມີກ​ກີ­ລາ​ເຂົ້າ​ຮ່ວມ 1.408 ຄົນ ຍິງ 368 ຄົນ ຈາກ 19 ກົມ​ກອງ ແຂ່ງ­ຂັນ​ຢູ່​ສະ­ໜາມ​ກົມ​ກີ­ລາ ປກສ ສະ­ໜາມ​ເຝິກ­ຊ້ອມ​ຍິງ​ປືນ 5 ເມ­ສາ ແລະ ສະ­ໜາມ​ກີ­ລາ​ເຈົ້າ​ອະ­ນຸ­ວົງ.

    ຜ່ານ​ການ​ແຂ່ງ­ຂັນ​ວິ­ຊາ​ສະ­ເພາະ​ນຸ່ງ​ເຄື່ອງ​ແບບ​ໄວ ບຸກ­ຄົນ​ຍິງ ທີ 1 ກອງ​ບັນ­ຊາ​ການ​ປ້ອງ​ກັນ​ເຄື່ອນ​ທີ່ ບຸກ­ຄົນ​ຊາຍ ກົມ​ໃຫຍ່​ການ­ເມືອງ ປກສ ແລ່ນ​ໄຖ່ ບຸກ­ຄົນ​ຍິງ ທີ 1 ກົມ​ຕຳ­ຫຼວດ​ຄຸມ​ຂັງ-ດັດ​ສ້າງ ບຸກ­ຄົນ​ຊາຍ ທີ 1 ກົມ​ໃຫຍ່​ການ­ເມືອງ ປກສ ຍິງ​ປືນ​ຮຸ່ນ​ທົ່ວ​ໄປ ທີ 1 ວຕປ ດຶງ­ເຊືອກ​ທີມ​ປະ­ສົມ​ຍິງ-ຊາຍ ທີ 1 ກອງ​ບັນ­ຊາ​ການ​ປ້ອງ​ກັນ​ສູນ​ກາງ ເປ​ຕັງ ທີມ​ຄູ່​ຍິງ ແລະ ຄູ່​ຊາຍ ທີ 1 ກົມ​ໃຫຍ່​ການ­ເມືອງ ປກສ ທີມ​ຊຸດ​ຍິງ ທີ 1 ກົມ​ໃຫຍ່​ການ­ເມືອງ ປກສ ທີມ​ຊຸດ​ຊາຍ ທີ 1 ກົມ​ຕຳ­ຫຼວດ​ຄຸ້ມ​ຂັງ-ດັດ​ສ້າງ ກະ­ຕໍ້​ທີມ​ດ່ຽວ​ຊາຍ​ທົ່ວ​ໄປ ທີ 1 ກົມ 504 ບານ­ສົ່ງ​ທີມ​ຍິງ ທີ 1 ກົມ​ໃຫຍ່​ພາ­ລາ​ທິ​ການ ທີມ​ຊາຍ ທີ 1 ກົມ​ໃຫຍ່​ການ­ເມືອງ ປກສ ແລະ ເຕະ­ບານ​ທີມ​ຊາຍ ທີ 1 ວສປ.

ຂ່າວທີ່ກ່ຽວຂ້ອງ