ຂ່າວຫຼ້າສຸດ

ຈັດແຂ່ງຂັນລອຍນໍ້າຄົນພິການ ຄັດເລືອກນັກກີລາທີມຊາດ

194 05 ມ.ສ. 2019 ວົງຈອນກີລາ
ຈັດແຂ່ງຂັນລອຍນໍ້າຄົນພິການ ຄັດເລືອກນັກກີລາທີມຊາດ

    ການ​ແຂ່ງ­ຂັນ​ກີ­ລາ​ລອຍ­ນ້ຳ​ຄົນ​ພິ­ການ​ທົ່ວ​ປະ­ເທດ ຄັ້ງ​ທີ I ເພື່ອ​ຄັດ​ເລືອກ​ນັກ­ກີ­ລາ​ຕິດ​ທີມ​ຊາດ ກຽມ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ລອຍ­ນ້ຳ​ຄົນ​ພິ­ການ​ລະ­ດັບ​ອະ­ນຸ​ພາກ​ພື້ນ ພາກ​ພື້ນ ແລະ ສາ­ກົນ ເພື່ອ​ສ້າງ​ນັກ­ກີ­ລາ​ຮຸ່ນ​ສືບ​ທອດ ໃຫ້​ບັນ­ດາ​ແຂວງ ແລະ ນະ­ຄອນ­ຫຼວງ​ວຽງ​ຈັນ ເຂົ້າ​ຮ່ວມ​ແຂ່ງ­ຂັນ​ກີ­ລາ​ຄົນ​ພິ­ການ​ທົ່ວ​ປະ­ເທດ ຄັ້ງ​ທີ III ຢູ່​ແຂວງ​ຊຽງ​ຂວາງ ປີ 2020.

    ທ່ານ ຄຳ​ຜາຍ ສີ​ສະ­ຫວັນ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ກ່າວ​ວ່າ: ໄລ­ຍະ​ຜ່ານ​ມາ ພັກ-ລັດ­ຖະ­ບານ ໄດ້​ມີ​ນະ­ໂຍ­ບາຍ​ສົ່ງ­ເສີມ​ການ​ຟື້ນ​ຟູ​ຈິດ­ໃຈ​ຄົນ​ພິ­ການ​ລາວ ໂດຍ​ໄດ້​ເອົາ­ໃຈ­ໃສ່​ຊຸກ­ຍູ້​ນັກ­ກີ­ລາ​ຄົນ​ພິ­ການ ໃຫ້​ມີ​ການ​ປະ­ກອບ­ສ່ວນ​ເຂົ້າ​ຮ່ວມ​ຂະ​ບວນ​ການ­ເຄື່ອນ­ໄຫວ​ວຽກ​ງານ​ຂອງ​ອົງ​ການ­ຈັດ­ຕັ້ງ​ພັກ-ລັດ ອົງ​ການ­ຈັດ­ຕັ້ງ​ສັງ­ຄົມ ສົ່ງ­ເສີມ​ຄວາມ​ສະ­ເໜີ​ພາບ​ເທົ່າ​ທຽມ​ກັນ ແລະ ມີ​ສິດ​ໄດ້​ຮັບ​ການ​ສຶກ​ສາ ມີ​ອາ­ຊີບ​ໝັ້ນ­ຄົງ ນັກ­ກີ­ລາ​ຄົນ​ພິ­ການ​ລາວ ກໍ​ໄດ້​ເຂົ້າ​ຮ່ວມ​ແຂ່ງ­ຂັນ​ລະ­ດັບ​ສາ­ກົນ ແລະ ສາ­ມາດ​ຍາດ​ໄດ້​ໄຊ­ຊະ­ນະ ສ້າງ​ກຽດ​ຊື່​ສຽງ​ໃຫ້​ປະ­ເທດ ພິ­ເສດ​ປີ 2018 ສາ­ມາດ​ຍາດ​ໄດ້​ຫຼຽນ​ຄຳ ເຊິ່ງ​ເປັນ​ຫຼຽນ​ຄຳ​ຄັ້ງ​ທຳ​ອິດ ໃນ​ການ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ເອ​ຊຽນ​ພາ​ຣາ​ເກມ ຄັ້ງ​ທີ XII ຢູ່​ປະ­ເທດ​ອິນ​ໂດ​ເນ​ເຊຍ.

    ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກ່າວ​ວ່າ: ການ​ແຂ່ງ­ຂັນ​ຄັ້ງ​ນີ້ ຈະ​ດຳ­ເນີນ​ແຕ່​ວັນ​ທີ 3-5 ເມ­ສາ 2019 ຢູ່​ສະ​ລອຍ­ນ້ຳ​ວຽງ​ຈັນ ໂດຍ​ມີ​ນັກ­ກີ­ລາ​ຈາກ 14 ແຂວງ ເຂົ້າ​ຮ່ວມ ໃນ​ນີ້​ປະ­ກອບ​ມີ​ລອຍ​ທ່າ​ທຳ​ມະ​ດາ 25 ແມັດ (ໃຊ້​ອຸ­ປະ­ກອນ) ລອຍ​ທ່າ​ທຳ​ມະ​ດາ 25 ແມັດ ລອຍ​ທ່າ​ທຳ​ມະ​ດາ 50 ແມັດ ລອຍ​ທ່າ​ທຳ​ມະ​ດາ 100 ແມັດ ລອຍ​ທ່າ​ກົບ 25 ແມັດ ລອຍ​ທ່າ​ກົບ 50 ແມັດ ລອຍ​ທ່າ​ກົບ 100 ແມັດ ລອຍ​ທ່າ​ຫງາຍ 25 ແມັດ ລອຍ​ທ່າ​ຫງາຍ 50 ແມັດ ລອຍ​ທ່າ​ຫງາຍ 100 ແມັດ ລອຍ​ທ່າ​ແມງ­ກະ­ເບື້ອ 25 ແມັດ ລອຍ​ທ່າ​ແມງ­ກະ­ເບື້ອ 50 ແມັດ ລອຍ​ທ່າ​ແມງ­ກະ­ເບື້ອ 100 ແມັດ ແລະ ລອຍ​ດ່ຽວ​ປະ­ສົມ 100 ແມັດ ຍິງ-ຊາຍ.

ຂ່າວທີ່ກ່ຽວຂ້ອງ