ເລີ່ມກໍ່ສ້າງໂຄງການພະລັງງານໄຟຟ້າແສງຕາເວັນ ຢູ່ເຂດກະສິກຳຄົບວົງຈອນ ເລກ 1

182 04 ມ.ສ. 2019 ຫົວຂໍ້ຂ່າວອື່ນໆ
ເລີ່ມກໍ່ສ້າງໂຄງການພະລັງງານໄຟຟ້າແສງຕາເວັນ ຢູ່ເຂດກະສິກຳຄົບວົງຈອນ ເລກ 1

    ພິ­ທີ​ລົງ​ນາມ​ສັນ­ຍາ​ໂຄງ­ການ​ກໍ່­ສ້າງ​ພະ­ລັງ­ງານ​ໄຟ­ຟ້າ​ແສງ​ຕາ­ເວັນ ຢູ່​ເຂດ​ກະ­ສິ­ກຳ​ເລກ​ທີ 1 ກອງ­ທັບ (ໜອງ​ໝາກ​ຈັບ) ເມືອງ​ທ່າ​ພະ​ບາດ ແຂວງ​ບໍ​ລິ​ຄຳ​ໄຊ ຈັດ​ຂຶ້ນ​ວັນ​ທີ 2 ເມ­ສາ 2019 ຢູ່​ໂຮງ­ແຮມ​ດອນ​ຈັນ​ພາ​ເລດ ລະ­ຫວ່າງ​ທ່ານ ສຸ­ລິ­ຍາ ສີ­ສະ​ນົນ ຜູ້­ອຳ­ນວຍ­ການ​ບໍ­ລິ­ສັດ ສຸ­ລິ­ຍາ​ພົນ​ການ​ຄ້າ​ສາ­ກົນ ຈຳ­ກັດ ແລະ ທ່ານ Wang Lian Mao ຜູ້­ອຳ­ນວຍ­ການ​ບໍ­ລິ­ສັດ ຈຽງ​ຊີ​ຮົວ​ເຜີງ ອຸດ­ສາ­ຫະ­ກຳ ຈຳ­ກັດ ສປ ຈີນ ໂດຍ​ມີ​ຜູ້­ຕາງ­ໜ້າ​ຈາກ​ກະ­ຊວງ​ປ້ອງ​ກັນ​ປະ­ເທດ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໂຄງ­ການ​ກໍ່­ສ້າງ​ພະ­ລັງ­ງານ​ໄຟ­ຟ້າ​ແສງ​ຕາ­ເວັນ ຢູ່​ເຂດ​ກະ­ສິ­ກຳ​ເລກ 1 ກອງ­ທັບ ມີ​ກຳ­ລັງ​ຕິດ​ຕັ້ງ 230 ເມ​ກາ​ວັດ ມູນ​ຄ່າ​ການ​ກໍ່­ສ້າງ 345 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 2.965,49 ຕື້​ກີບ ຕັ້ງ​ຢູ່​ເມືອງ​ທ່າ​ພະ​ບາດ ເປັນ​ພື້ນ​ທີ່​ດິນ​ຂອງ​ກະ­ຊວງ​ປ້ອງ​ກັນ​ປະ­ເທດ ໂດຍ​ການ​ລົງ­ທຶນ​ຂອງ​ບໍ­ລິ­ສັດ ສຸ­ລິ­ຍາ​ພົນ​ການ​ຄ້າ​ສາ­ກົນ ຈຳ­ກັດ 100% ໂດຍ​ແມ່ນ​ບໍ­ລິ­ສັດ ຈຽງ​ຊີ​ຮົວ​ເຜີງ​ອຸດ­ສາ­ຫະ­ກຳ ຈຳ­ກັດ ຮ່ວມ​ກັບ​ບໍ­ລິ­ສັດ ດັກ​ຈຶງ​ມາຍ​ນິ້ງ ຈຳ­ກັດ ເປັນ​ຜູ້​ຮັບ​ເໝົາ​ກໍ່­ສ້າງ.

    ສຳ­ລັບ​ພະ­ລັງ­ງານ​ທີ່​ຜະ­ລິດ​ໄດ້​ຈາກ​ໂຄງ­ການ​ດັ່ງ­ກ່າວ ຈະ​ນຳ​ໃຊ້​ໃນ​ເຂດ​ເສດ­ຖະ­ກິດ​ພິ­ເສດ​ຂອງ​ແຂວງ​ບໍ​ລິ​ຄຳ​ໄຊ ແລະ ຕິດ​ພັນ​ກັບ​ການ​ຜະ­ລິດ​ກະ­ສິ­ກຳ​ແບບ​ຄົບ​ວົງ​ຈອນ​ຂອງ​ເຂດ​ກະ­ສິ­ກຳ​ເລກ 1 ກອງ­ທັບ ໃຫ້​ມີ​ຄວາມ​ພຽງ­ພໍ ແລະ ສະ­ດວກ​ສະ­ບາຍ​ຂຶ້ນ​ກວ່າ​ເກົ່າ ເຊິ່ງ​ການ­ຈັດ­ຕັ້ງ​ປະ­ຕິ­ບັດ​ຈະ​ເລີ່ມ​ພາຍ­ຫຼັງ​ການ​ລົງ​ນາມ​ຄັ້ງ​ນີ້ ແລະ ຄາດ​ວ່າ​ຈະ​ໃຊ້​ເວ­ລາ​ການ​ກໍ່­ສ້າງ 2 ປີ.

ຂ່າວທີ່ກ່ຽວຂ້ອງ