ຍ້ອງຍໍນັກກີລາຄົນພິການລາວ ທີ່ສ້າງຊື່ສຽງໃຫ້ປະເທດ

183 04 ມ.ສ. 2019 ວົງຈອນກີລາ
ຍ້ອງຍໍນັກກີລາຄົນພິການລາວ ທີ່ສ້າງຊື່ສຽງໃຫ້ປະເທດ

    ພິ­ທີ​ຕ້ອນ­ຮັບ ແລະ ຍ້ອງ­ຍໍ​ຊົມ­ເຊີຍ​ຜົນ­ງານ​ຂອງ​ທັບ​ນັກ­ກີ­ລາ​ຄົນ​ພິ­ການ​ລາວ ໃນ​ການ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ສະ​ເປ​ໂຊ​ໂອ​ແລມ​ປິກ​ສາ­ກົນ (ຄົນ​ພິ­ການ​ທາງ​ສະ­ໝອງ) ຢູ່​ອາ​ບູ​ດາ​ບີ ປະ­ເທດ​ສະ­ຫະ­ລັດ​ອາ​ຣັບ ເອ​ມິ​ເຣດ ຈັດ​ຂຶ້ນ​ວັນ​ທີ 2 ເມ­ສາ 2019 ຢູ່​ຫ້ອງ­ການ​ກອງ​ທຶນ​ປະ­ກັນ​ສັງ­ຄົມ​ແຫ່ງ​ຊາດ ໂດຍ​ມີ​ທ່ານ ຄຳ​ແພງ ໄຊ​ສົມ​ແພງ ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ສີ​ສະ­ຫວາດ ກົມ​ພັນ ຫົວ­ໜ້າ​ຄະ­ນະ​ສະ​ເປ​ໂຊ​ໂອ​ແລມ​ປິກ​ລາວ ກ່າວ​ວ່າ: ການ​ແຂ່ງ­ຂັນ​ຄັ້ງ​ນີ້ ຈັດ​ຂຶ້ນ​ວັນ​ທີ 4-23 ມີ­ນາ 2019 ມີ​ນັກ­ກີ­ລາ​ເຂົ້າ​ຮ່ວມ 7.500 ຄົນ ອາ­ສາ​ສະ­ໝັກ​ຊ່ວຍ​ໃນ​ການ​ແຂ່ງ­ຂັນ 20.000 ຄົນ ມີ 24 ປະ­ເພດ​ກີ­ລາ ໃນ​ນີ້ ສປປ ລາວ ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ 2 ລາຍ­ການ ຄື: ກີ­ລາ​ແລ່ນ-ລານ ແລະ ກີ­ລາ​ບັອດ​ຊີ.

    ຜ່ານ​ການ​ແຂ່ງ­ຂັນ ທັບ​ນັກ­ກີ­ລາ​ລາວ ສາ­ມາດ​ຍາດ​ໄດ້ 2 ຫຼຽນ​ຄຳ ຈາກ​ນາງ ພຸດ​ແພງ ຫຼວງ​ລິດ ແລ່ນ 100 ແມັດ​ຍິງ ແລະ ທ້າວ ຕູບ ນາ​ສັກ​ດີ ແລ່ນ 100 ແມັດ​ຊາຍ 1 ຫຼຽນ​ເງິນ ຈາກ​ທ້າວ ອາ​ນຸ​ສອນ ເພັດ​ພົງ­ສາ ກີ­ລາ​ບັອດ​ຊີ​ດ່ຽວ​ຊາຍ 1 ຫຼຽນ​ທອງ ຈາກ​ແລ່ນ 200 ແມັດ​ຊາຍ ແລະ ລາ­ງວັນ​ຊົມ­ເຊີຍ​ອີກ 4 ຫຼຽນ ລວມ 8 ຫຼຽນ.

    ຄຽງ​ຄູ່​ກັບ​ຜົນ­ສຳ­ເລັດ​ທີ່​ຍາດ​ມາ​ໄດ້ ກໍ​ຍັງ​ມີ​ຂໍ້​ສະ­ດວກ ແລະ ຂໍ້​ຫຍຸ້ງ­ຍາກ​ທີ່​ຈະ​ຕ້ອງ​ໄດ້​ປັບ­ປຸງ ເພື່ອ​ກະ­ກຽມ​ສົ່ງ​ນັກ­ກີ­ລາ​ເຂົ້າ​ຮ່ວມ​ການ​ແຂ່ງ­ຂັນ ກີ­ລາ​ສະ​ເປ​ໂຊ​ໂອ​ແລມ​ປິກ​ລະ­ດູ​ໜາວ ປີ 2022 ຢູ່​ປະ­ເທດ​ໂປ​ໂລຍ ແລະ ການ​ແຂ່ງ­ຂັນ​ກີ­ລາ​ສະ​ເປ​ໂຊ​ໂອ​ແລມ​ປິກ​ລະ­ດູ​ຮ້ອນ ປີ 2023 ຢູ່​ປະ­ເທດ​ເຢຍ​ລະ​ມັນ.

ຂ່າວທີ່ກ່ຽວຂ້ອງ