ຂ່າວຫຼ້າສຸດ

ສີເມືອງກຣຸບ ມອບເຄື່ອງໃຊ້ຫ້ອງການໃຫ້ກະຊວງ ປກສ

466 03 ມ.ສ. 2019 ຂ່າວໜ້າ​ໜຶ່ງ
ສີເມືອງກຣຸບ ມອບເຄື່ອງໃຊ້ຫ້ອງການໃຫ້ກະຊວງ ປກສ

    ວັນ​ທີ 29 ມີ­ນາ 2019 ທີ່​ກະ­ຊວງ​ປ້ອງ​ກັນ​ຄວາມ​ສະ­ຫງົບ ໄດ້​ມີ​ພິ­ທີ​ມອບ​ເຄື່ອງ­ໃຊ້​ຫ້ອງ­ການ​ໃຫ້​ແກ່​ກະ­ຊວງ​ປ້ອງ​ກັນ​ຄວາມ​ສະ­ຫງົບ (ປກສ) ເພື່ອ​ເປັນ​ການ​ປະ­ກອບ­ສ່ວນ​ສ້າງ​ຜົນ­ງານ ຄຳ­ນັບ​ຮັບ​ຕ້ອນ​ວັນ​ສ້າງ­ຕັ້ງ​ກະ­ຊວງ ປກສ ຄົບ­ຮອບ 58 ປີ.

    ເຄື່ອງ​ທີ່​ນຳ​ມາ​ມອບ​ໃນ​ຄັ້ງ​ນີ້ ປະ­ກອບ​ມີ​ໂທລະ­ພາບ​ສີ​ຈໍ​ແບນ​ຂະ­ໜາດ 30 ນີ້ວ ຈຳ­ນວນ 20 ເຄື່ອງ ຄອມ​ພີວ​ເຕີ​ໂນດ​ບຸກ 5 ໜ່ວຍ ເຄື່ອງ­ພິມ​ຂາວ​ດຳ 3 ໜ່ວຍ ເຄື່ອງ­ພິມ​ສີ 2 ໜ່ວຍ ເຄື່ອງ​ສະ​ແກນ​ເນີ 01 ໜ່ວຍ ລວມ​ມູນ​ຄ່າ​ທັງ​ໝົດ 91.490.000 ກີບ ໃຫ້​ກຽດ​ມອບ​ໂດຍ​ທ່ານ ເອ­ກະ​ພັນ ພະ​ພິ​ທັກ ປະ­ທານ​ບໍ­ລິ­ສັດ​ສີ​ເມືອງ​ກຣຸບ ແລະ ປະ­ທານ​ທະ­ນາ­ຄານ​ຮ່ວມ​ພັດ­ທະ­ນາ ແລະ ກ່າວ​ຮັບ​ໂດຍ​ທ່ານ​ພົນ​ໂທ ວິ­ໄລ ຫຼ້າ​ຄຳ​ຟອງ ລັດ­ຖະ­ມົນ­ຕີ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ໂດຍ​ມີ​ພາກ­ສ່ວນ​ກ່ຽວ­ຂ້ອງ​ທັງ​ສອງ​ຝ່າຍ ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

    ໃນ​ໂອ­ກາດ​ນີ້ ທ່ານ​ພົນ​ໂທ ວິ­ໄລ ຫຼ້າ​ຄຳ​ຟອງ ໄດ້​ສະ­ແດງ​ຄວາມ​ຂອບ­ໃຈ​ມາ​ຍັງ​ບໍ­ລິ­ສັດ ສີ​ເມືອງ​ກຣຸບ ທີ່​ໄດ້​ປະ­ກອບ­ສ່ວນ​ຊ່ວຍ­ເຫຼືອ ອຸ­ປະ­ກອນ​ເຄື່ອງ​ເຕັກ­ນິກ​ຮັບ​ໃຊ້​ວຽກ​ບໍ­ລິ­ຫານ​ໃຫ້​ກະ­ຊວງ ປກສ  ເຊິ່ງ​ອຸ­ປະ­ກອນ​ຮັບ​ໃຊ້​ຍັງ​ບໍ່​ທັນ​ພຽງ­ພໍ​ໃນ​ຫ້ອງ­ການ​ກະ­ຊວງ ການ​ຊ່ວຍ­ເຫຼືອ​ໃນ​ຄັ້ງ​ນີ້​ແມ່ນ​ການ​ປະ­ກອບ­ສ່ວນ​ທີ່​ສຳ­ຄັນ ແລະ ມີ​ຄວາມ​ໝາຍ​ຕໍ່​ວຽກ​ງານ​ວິ­ຊາ​ສະ­ເພາະ​ຂອງ​ກະ­ຊວງ ປກສ ພ້ອມ​ນີ້ ທ່ານ​ລັດ­ຖະ­ມົນ­ຕີ ປກສ ຍັງ​ໄດ້​ອວຍ­ພອນ​ໃຫ້​ທຸ­ລະ​ກິດ​ຂອງ​ບໍ­ລິ­ສັດ​ສີ​ເມືອງ​ກຣຸບ ແລະ ທະ­ນາ­ຄານ​ຮ່ວມ​ພັດ­ທະ­ນາ ໃຫ້​ມີ​ຜົນ​ກຳ­ໄລ ແລະ ໄດ້​ປະ­ກອບ­ສ່ວນ​ຊ່ວຍ­ເຫຼືອ​ສັງ­ຄົມ ກາຍ­ເປັນ​ບໍ­ລິ­ສັດ​ແບບ­ຢ່າງ​ຂອງ​ປະ­ເທດ​ລາວ ແລະ ກໍ​ໄດ້​ມອບ​ໃບ​ກຽດ​ຕິ​ຄຸນ​ໃຫ້​ບໍ­ລິ­ສັດ​ສີ​ເມືອງ​ກຣຸບ​ນຳ​ອີກ ເພື່ອ​ເປັນ​ການ​ຢັ້ງ­ຢືນ​ຜົນ­ງານ​ໃນ​ຄັ້ງ​ນີ້.

ຂ່າວທີ່ກ່ຽວຂ້ອງ