ສ້າງຄວາມເຂັ້ມແຂງ ການຄວບຄຸມພະຍາດຕິດຕໍ່ຢູ່ ສປປ ລາວ

221 02 ມ.ສ. 2019 ຫົວຂໍ້ຂ່າວອື່ນໆ
ສ້າງຄວາມເຂັ້ມແຂງ ການຄວບຄຸມພະຍາດຕິດຕໍ່ຢູ່ ສປປ ລາວ

    ພິ­ທີ​ລົງ​ນາມ​ບົດ​ບັນ­ທຶກ​ຄວາມ​ເຂົ້າ­ໃຈ ກ່ຽວ​ກັບ​ໂຄງ­ການ​ສ້າງ​ຄວາມ​ເຂັ້ມ­ແຂງ​ການ​ຄວບ​ຄຸມ­ພະ​ຍາດ​ຕິດ­ຕໍ່​ຢູ່ ສປປ ລາວ ຈັດ​ຂຶ້ນ​ວັນ​ທີ 29 ມີ­ນາ 2019 ຢູ່​ກະ­ຊວງ​ສາ­ທາ­ລະ­ນະ​ສຸກ ລະ­ຫວ່າງ​ທ່ານ ສີ​ສະ­ຫວາດ ສຸດ​ທະ​ນິ­ລະ​ໄຊ ຮອງ​ຫົວ­ໜ້າ​ກົມ​ຄວບ​ຄຸມ­ພະ​ຍາດ​ຕິດ­ຕໍ່ ທ່ານ​ນາງ ເຮ-ຈິນ ຢຸນ ຮອງ​ປະ­ທານ​ຜູ້​ບໍ­ລິ­ຫານ ບໍ­ລິ­ສັດ​ໂທລະ​ຄົມ­ມະ­ນາ­ຄົມ ສ ເກົາ­ຫຼີ ແລະ ທ່ານ ຈູ່​ວ່າງ ເບກ ຜູ້­ຕາງ­ໜ້າ​ອົງ­ການ​ໂກ​ຟີ ສ ເກົາ­ຫຼີ ປະ­ຈຳ ສປປ ລາວ ໂດຍ​ມີ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ທ່ານ ຊັງ-ຊຸນ ຊິນ ເອກ​ອັກ​ຄະ​ລັດ​ຖະ​ທູດ ສ ເກົາ­ຫຼີ ປະ­ຈຳ ສປປ ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ການ​ຮ່ວມ​ມື​ຄັ້ງ​ນີ້​ແມ່ນ​ປະ­ຕິ­ບັດ​ຕາມ​ແຜນ­ການ​ດຳ­ເນີນ​ງານ 5 ປີ ໂດຍ​ອີງ­ໃສ່​ບົດ​ບັນ­ທຶກ​ຄວາມ​ເຂົ້າ­ໃຈ ຄັ້ງ​ວັນ​ທີ 8 ກັນ­ຍາ 2016 ລະ­ຫວ່າງ​ກະ­ຊວງ​ສາ­ທາ­ລະ­ນະ​ສຸກ ກັບ​ອົງ­ການ​ໂກ​ຟີ ແລະ ສູນ​ຄວບ​ຄຸມ­ພະ​ຍາດ​ຕິດ­ຕໍ່ ສ ເກົາ­ຫຼີ ພາຍ​ໃຕ້​ການ​ຮ່ວມ​ມື​ສອງ​ຝ່າຍ ກ່ຽວ​ກັບ​ການ​ສ້າງ​ຄວາມ​ເຂັ້ມ­ແຂງ ເພື່ອ​ພັດ­ທະ­ນາ​ຄວາມ​ສາ­ມາດ ຄວາມ​ຊຳ­ນິ​ຊຳ­ນານ ແລະ ໃຫ້­ການ​ຊ່ວຍ­ເຫຼືອ​ດ້ານ​ເຕັກ­ນິກ​ວິ­ຊາ​ການ ໃນ​ການ​ຄວບ​ຄຸມ ແລະ ປ້ອງ​ກັນ​ພະ­ຍາດ​ຕິດ­ຕໍ່ ເຊິ່ງ​ລວມ​ມີ​ຂົງ­ເຂດ​ວຽກ​ງານ​ສາ­ທາ­ລະ­ນະ​ສຸກ ການ​ໃຫ້​ໂອ­ກາດ ແລະ ສິ່ງ​ທ້າ​ທາຍ​ສຳ­ລັບ​ການ​ຈັດ­ການ ແລະ ຄວບ​ຄຸມ­ພະ​ຍາດ​ຕິດ­ຕໍ່​ກ່ຽວ​ກັບ​ການ​ນຳ​ໃຊ້​ລະ­ບົບ ICT ເຊິ່ງ​ລະ­ບົບ ICT ແມ່ນ​ອົງ​ປະ­ກອບ​ໜຶ່ງ​ທີ່​ເກີດ​ຂຶ້ນ​ຢ່າງ​ມີ​ປະ​ສິດ­ທິ​ຜົນ ໃນ​ການ​ຍົກ​ລະ­ດັບ​ລະ­ບົບ​ການ​ຄຸ້ມ​ຄອງ​ເຊື່ອມ​ຕໍ່​ຂໍ້​ມູນ​ຂ່າວ­ສານ​ຢູ່​ພາຍ​ໃນ ແລະ ສາ­ກົນ.

ຂ່າວທີ່ກ່ຽວຂ້ອງ