ຂ່າວຫຼ້າສຸດ

ຫວຽດນາມ ຊ່ວຍເຫຼືອຄອມພິວເຕີໃຫ້ໂຮງຮຽນຫງວຽນຢູ

443 01 ມ.ສ. 2019 ຂ່າວໜ້າ​ໜຶ່ງ
ຫວຽດນາມ ຊ່ວຍເຫຼືອຄອມພິວເຕີໃຫ້ໂຮງຮຽນຫງວຽນຢູ

    ໃນ​ໂອ­ກາດ​ທີ່​ສະ­ຫາຍ​ເລ­ຂາ­ທິ­ການ​ໃຫຍ່ ປະ­ທານ​ປະ­ເທດ​ຫວຽດ­ນາມ ຫງວຽນ ຝູ ຈອງ ເດີນ­ທາງ​ມາ​ຢ້ຽມ­ຢາມ​ລາວ​ວັນ​ທີ 24-25 ກຸມ­ພາ 2019 ສະ­ຫາຍ ຫງວຽນ ຝູ ຈອງ ພ້ອມ​ຄະ­ນະ ໄດ້​ເຄື່ອນ​ໄຫວ​ຢ້ຽມ­ຢາມ​ການ­ຈັດ­ຕັ້ງ​ປະ­ຕິ­ບັດ ວຽກ​ງານ​ການ​ຮຽນ-ການ​ສອນ​ຢູ່​ໂຮງ­ຮຽນ​ສອງ​ພາ­ສາ ລາວ-ຫວຽດ­ນາມ ຫງວຽນ​ຢູ ເຊິ່ງ​ໃນ​ການ​ຢ້ຽມ­ຢາມ​ສະ­ຫາຍ​ເລ­ຂາ­ທິ­ການ​ໃຫຍ່ ໄດ້​ສະ­ເໜີ​ມອບ​ເຄື່ອງ​ຊ່ວຍ­ເຫຼືອ​ເປັນ​ຄອມ​ພິວ​ເຕີ 20 ຊຸດ ເພື່ອ​ປະ­ກອບ​ເຂົ້າ​ໃນ​ການ​ຮຽນ-ການ​ສອນ​ຂອງ​ໂຮງ­ຮຽນ​ໃຫ້​ນັບ​ມື​ດີ​ຂຶ້ນ​ເປັນ​ກ້າວໆ.

    ພິ­ທີ​ມອບ​ເຄື່ອງ​ຄອມ​ພິວ​ເຕີ​ດັ່ງ­ກ່າວ ຈັດ​ຂຶ້ນ​ວັນ​ທີ 29 ມີ­ນາ 2019 ທີ່​ສະ­ໂມ­ສອນ​ໂຮງ­ຮຽນ​ສອງ​ພາ­ສາ ລາວ-ຫງວ​ຽນ​ຢູ ນະ­ຄອນ­ຫຼວງ​ວຽງ​ຈັນ ຕາງ­ໜ້າ​ລັດ­ຖະ­ບານ​ຫວຽດ­ນາມ​ກ່າວ​ມອບ​ໂດຍ​ທ່ານ ຫງວ​ຽນ​ແທັງ​ຕຸງ ຮອງ​ກົງ­ສຸນ​ຫວຽດ­ນາມ​ປະ­ຈຳ​ລາວ ແລະ ກ່າວ​ຮັບ​ໂດຍ​ທ່ານ ຄຳ​ມຸ່ຍ ແກ້ວ​ມະ­ນີ ປະ­ທານ​ສະ­ມາ­ຄົມ​ຊາວ​ຫວຽດ­ນາມ ນະ­ຄອນ­ຫຼວງ​ວຽງ​ຈັນ ມີ​ຜູ້­ຕາງ­ໜ້າ​ຈາກ​ກະ­ຊວງ​ສຶກ​ສາ​ທິ​ການ ແລະ ກີ­ລາ ພະ­ນັກ­ງານ ຄູ-ອາ­ຈານ ແລະ ນັກ­ຮຽນ​ເຂົ້າ​ຮ່ວມ.

    ໂອ­ກາດ​ນີ້ ທ່ານ ສົມ​ສັກ ສຸກ​ສັນ ຜູ້­ອຳ­ນວຍ­ການ​ໂຮງ­ຮຽນ​ສອງ​ພາ­ສາ ລາວ-ຫງວ​ຽນ​ຢູ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ການ​ຊ່ວຍ­ເຫຼືອ​ຂອງ​ພັກ-ລັດ­ຖະ­ບານ​ຫວຽດ­ນາມ​ຄັ້ງ​ນີ້ ຖື​ເປັນ​ການ​ປະ­ກອບ­ສ່ວນ​ສຳ­ຄັນ ຍິ່ງ​ແກ່​ການ​ເສີມ​ຂະ­ຫຍາຍ​ສາຍ​ພົວ­ພັນ​ມິດ­ຕະ­ພາບ​ສອງ​ຊາດ ລາວ-ຫວຽດ­ນາມ ໃຫ້​ນັບ​ມື້​ໜັກ​ແໜ້ນ ແລະ ເຂັ້ມ­ແຂງ​ຍິ່ງ​ຂຶ້ນ ເປັນ­ຕົ້ນ ການ​ຊຸກ­ຍູ້​ສົ່ງ­ເສີມ​ໃຫ້­ການ​ຮຽນ-ການ​ສອນ​ຂອງ​ໂຮງ­ຮຽນ ເປັນ​ໄປ​ຕາມ​ທິດ​ທາງ​ນະ­ໂຍ­ບາຍ​ຂອງ​ສອງ​ພັກ ສອງ​ລັດ­ຖະ­ບານ ວາງ​ອອກ​ຢ່າງ​ຕໍ່​ເນື່ອງ.

ຂ່າວທີ່ກ່ຽວຂ້ອງ