ຂ່າວຫຼ້າສຸດ

ໂຄງການທາງລົດໄຟ ລາວ-ຈີນ ຈະຊົດເຊີຍຜູ້ໄດ້ຮັບຜົນກະທົບໃຫ້ສຳເລັດກາງປີ 2020

504 28 ມ.ນ. 2019 ຂ່າວໜ້າ​ໜຶ່ງ
ໂຄງການທາງລົດໄຟ ລາວ-ຈີນ ຈະຊົດເຊີຍຜູ້ໄດ້ຮັບຜົນກະທົບໃຫ້ສຳເລັດກາງປີ 2020

    ໂຄງ­ການ​ກໍ່­ສ້າງ​ເສັ້ນ­ທາງ​ລົດ­ໄຟ ລາວ-ຈີນ ກຳ­ລັງ​ດຳ­ເນີນ​ໄປ​ຢ່າງ​ຕັ້ງ­ໜ້າ ບັນ­ດາ​ໜ້າ​ວຽກ​ໄດ້​ຮັບ​ການ­ຈັດ­ຕັ້ງ​ປະ­ຕິ­ບັດ​ຢ່າງ​ຕໍ່​ເນື່ອງ ແລະ ມີ​ປະ​ສິດ­ທິ​ຜົນ​ສູງ ປັດ­ຈຸ­ບັນ​ໂຄງ­ການ​ມີ​ຄວາມ​ຄືບ​ໜ້າ​ລື່ນ​ແຜນ­ການ​ເລັກ​ໜ້ອຍ ແລະ ຄາດ​ວ່າ​ຈະ​ສຳ­ເລັດ​ຕາມ​ແຜນ­ການ​ທີ່​ວາງ​ໄວ້​ຢ່າງ​ແນ່­ນອນ

    ທ່ານ ແທ່ນ​ຄຳ ທອງ​ບົນ ຮອງ​ຫົວ­ໜ້າ​ຄະ­ນະ​ຄຸ້ມ​ຄອງ​ໂຄງ­ການ​ກໍ່­ສ້າງ​ທາງ​ລົດ­ໄຟ ລາວ-ຈີນ ໃຫ້​ສຳ­ພາດ​ວັນ​ທີ 26 ມີ­ນາ 2019 ວ່າ: ໂຄງ­ການ​ທາງ​ລົດ­ໄຟ​ລາວ-ຈີນ ມີ​ໄລ­ຍະ​ເວ­ລາ​ກໍ່­ສ້າງ 5 ປີ ໄດ້​ເລີ່ມ​ກໍ່­ສ້າງ​ແຕ່​ເດືອນ​ມັງ­ກອນ 2017 ຈະ​ສຳ­ເລັດ​ທ້າຍ​ເດືອນ​ທັນ­ວາ 2021 ແລະ ຄາດ​ວ່າ​ປີ 2022 ຈະ​ເປີດ​ບໍ­ລິ­ການ​ຢ່າງ​ເປັນ​ທາງ​ການ ເຊິ່ງ​ການ­ຈັດ­ຕັ້ງ​ປະ­ຕິ­ບັດ​ມາ​ຮອດ​ທ້າຍ​ເດືອນ​ກຸມ­ພາ 2019 ໂຄງ­ການ​ສາ­ມາດ​ດຳ­ເນີນ​ໄປ​ໄດ້​ດີ ໂດຍ​ສະ­ເພາະ​ການ​ຂຸດ​ເຈາະ​ອຸ­ມົງ ກໍ່­ສ້າງ​ຂົວ ເສັ້ນ­ທາງ ແລະ ວຽກ​ງານ​ອື່ນໆ ມີ​ຄວາມ​ຄືບ​ໜ້າ​ປະ­ມານ 62% (ລື່ນ​ແຜນ­ການ​ເລັກ​ໜ້ອຍ) ເມື່ອ​ບໍ່​ດົນ​ມາ​ນີ້ ກໍ​ໄດ້​ມີ​ພິ­ທີ​ຊົມ­ເຊີຍ​ຜົນ­ສຳ­ເລັດ​ການ​ຊີ​ເຈະ​ອຸ­ມົງ​ບໍ່​ເຕັນ ແຂວງ​ຫຼວງ​ນ້ຳ​ທາ ນອກ​ນີ້​ຍັງ​ສາ­ມາດ​ມອບ​ພື້ນ​ທີ່​ໃຫ້​ໂຄງ­ການ​ສຳ­ເລັດ 95% ສ່ວນ​ການ​ຊຳ­ລະ​ຄ່າ​ຊົດ​ເຊີຍ​ໃຫ້​ຜູ້​ໄດ້​ຮັບ​ຜົນ​ກະ­ທົບ ໄດ້​ເບີກ​ຈ່າຍ​ເປັນ​ປົກ­ກະ­ຕິ ປັດ­ຈຸ­ບັນ​ເປັນ​ງວດ​ທີ 5 ຫຼື ປະ­ມານ 15% ແລະ ຄາດ​ວ່າ​ຮອດ​ກາງ​ປີ 2020 ການ​ຊົດ​ເຊີຍ​ຈະ​ສຳ­ເລັດ 100%.

ຂ່າວທີ່ກ່ຽວຂ້ອງ