ຮ່ວມການຄຸ້ມຄອງເຂດເສດຖະກິດພິເສດ ໃນ ນວ ເຂົ້າເປັນອັນດຽວ

274 27 ມ.ນ. 2019 ຂ່າວໜ້າ​ໜຶ່ງ
ຮ່ວມການຄຸ້ມຄອງເຂດເສດຖະກິດພິເສດ ໃນ ນວ ເຂົ້າເປັນອັນດຽວ

    ຫ້ອງ­ການ​ສົ່ງ­ເສີມ ແລະ ຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດ (ຂສພ) ກະ­ຊວງ​ແຜນ­ການ ແລະ ການ​ລົງ­ທຶນ ຈັດ​ພິ­ທີ​ມອບ-ຮັບ​ການ​ບໍ­ລິ­ຫານ ແລະ ການ​ຄຸ້ມ​ຄອງ​ລະ­ຫວ່າງ​ຄະ­ນະ​ສະ­ພາ​ບໍ­ລິ­ຫານ ຂສພ ໃນ​ນະ­ຄອນ­ຫຼວງ​ວຽງ​ຈັນ (ນວ) ແລະ ຄະ­ນະ​ຄຸ້ມ​ຄອງ ຂສພ ນວ ຂຶ້ນ​ວັນ​ທີ 25 ມີ­ນາ 2019 ທີ່​ຫ້ອງ­ການ​ຄຸ້ມ​ຄອງ ຂສພ ມີ​ທ່ານ​ນາງ ຄຳ​ຈັນ ວົງ​ແສນ​ບຸນ ຮອງ​ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ ນວ ບັນ­ດາ​ເຈົ້າ­ເມືອງ​ຮອງ​ເຈົ້າ­ເມືອງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ເພື່ອ​ມອບ-ຮັບ​ວຽກ​ງານ​ທັງ​ໝົດ​ຂອງ​ຄະ­ນະ​ສະ­ພາ​ບໍ­ລິ­ຫານ ຂສພ ນວ ໃຫ້​ຄະ­ນະ​ຄຸ້ມ​ຄອງ ຂສພ ນວ ເພື່ອ​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ການ​ບໍ­ລິ­ຫານ​ຄຸ້ມ​ຄອງ​ໃຫ້​ໄດ້​ຮັບ​ຜົນ­ສຳ­ເລັດ ເຊິ່ງ​ແຕ່​ລະ​ເຂດ​ມີ​ສະ­ພາບ​ຈຸດ​ພິ­ເສດ​ຂອງ​ການ​ພັດ­ທະ­ນາ​ທີ່​ແຕກ​ຕ່າງ​ກັນ ເຊັ່ນ: ສ້າງ​ເປັນ​ເມືອງ​ໃໝ່ ເມືອງ​ທັນ​ສະ­ໄໝ ທີ່​ຕິດ​ພັນ​ກັບ​ການ­ທ່ອງ­ທ່ຽວ ມີ​ສະ­ໜາມ​ກ໋ອບ ໂຮງ­ແຮມ​ຫ້າ​ດາວ ແລະ ເຮືອນ​ວິນ​ລາ​ລະ­ດັບ​ສູງ ພ້ອມ​ນີ້ ຍັງ​ມີ​ເຂດ​ນິ­ຄົມ​ອຸດ­ສາ­ຫະ­ກຳ-ການ​ຄ້າ ເຂດ​ເສດ­ຖະ­ກິດ​ຊາຍ​ແດນ ຫຼື​ວຽງ​ຈັນ​ເນ­ລະ­ມິດ ແລະ ເຂດ​ພັດ­ທະ­ນາ​ໂຄງ­ການ​ແບບ​ກວມ​ລວມ ມີ​ຫຼາຍ​ຂະ­ແໜງ­ການ​ລົງ­ທຶນ.

    ຜ່ານ​ການ­ຈັດ­ຕັ້ງ​ປະ­ຕິ­ບັດ​ຜ່ານ​ມາ ການ​ພັດ­ທະ­ນາ​ເຂດ​ເສດ­ຖະ­ກິດ ນວ ໄດ້​ມີ​ການ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ ໂດຍ​ໄດ້​ຮັບ​ການ​ເອົາ­ໃຈ­ໃສ່​ຈາກ​ພັກ-ລັດ­ຖະ­ບານ​ເວົ້າ​ລວມ ເວົ້າ​ສະ­ເພາະ ກໍ​ຄື​ຄະ­ນະ​ນຳ​ຂອງ​ກະ­ຊວງ​ແຜນ­ການ ແລະ ການ​ລົງ­ທຶນ ແລະ ອົງ­ການ​ປົກ­ຄອງ​ທ້ອງ­ຖິ່ນ ນວ ເຮັດ​ໃຫ້​ວຽກ​ງານ​ການ​ພັດ­ທະ­ນາ ຂສພ ໄດ້​ຮັບ​ການ​ປັບ­ປຸງ​ເຂົ້າ​ສູ່​ລະ­ບົບ ທັງ​ເປັນ​ການ​ປະ­ກອບ­ສ່ວນ​ຢ່າງ​ຕັ້ງ­ໜ້າ ເຂົ້າ​ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ 5 ປີ ຄັ້ງ​ທີ 8 ແລະ ແຜນ​ພັດ­ທະ­ນາ​ເສດ­ຖະ­ກິດ​ສັງ­ຄົມ​ຂອງ ນວ ໂດຍ​ສະ­ເພາະ​ແມ່ນ ການ​ພັດ­ທະ­ນາ​ພື້ນ­ຖານ​ໂຄງ​ລ່າງ ສາ­ມາດ​ດຶງ​ດູດ​ການ​ລົງ­ທຶນ​ທັງ​ພາຍ​ໃນ ແລະ ຕ່າງ­ປະ­ເທດ ເຖິງ 132 ບໍ­ລິ­ສັດ ມີ​ທຶນ​ຈົດ​ທະ­ບຽນ​ທັງ​ໝົດ 666 ລ້ານ​ກວ່າ​ໂດ​ລາ​ສະ­ຫະ­ລັດ ຫຼື ປະ­ມານ 5.719 ຕື້​ກີບ ມີ​ແຜນ­ການ​ຈະ​ລົງ­ທຶນ​ສູງ​ເຖິງ 4.516 ລ້ານ​ກວ່າ​ໂດ​ລາ ຫຼື ປະ­ມານ 38.777 ຕື້​ກີບ ປະ­ຕິ­ບັດ​ພັນ­ທະ​ເຂົ້າ​ງົບ­ປະ­ມານ​ໄດ້​ທັງ​ໝົດ 3,4 ລ້ານ​ໂດ​ລາ ຫຼື ປະ­ມານ 29 ຕື້​ກີບ ສ້າງ​ວຽກ​ເຮັດ​ງານ​ທຳ​ໄດ້​ທັງ​ໝົດ 3.955 ຄົນ ໃນ​ນັ້ນ ມີ­ແຮງ​ງານ​ລາວ 3.592 ຄົນ ກວມ​ເອົາ​ອັດ­ຕາ​ການ​ຈ້າງ​ແຮງ​ງານ​ພາຍ​ໃນ​ສູງ​ເຖິງ 90,8% ແລະ ການ​ຖ່າຍ​ທອດ​ເຕັກ​ໂນ​ໂລ​ຊີ.

ຂ່າວທີ່ກ່ຽວຂ້ອງ