ຂ່າວຫຼ້າສຸດ

ໃຫ້ຄວາມຮູ້ການອະນຸຮັກລາຍຜ້າມັດໝີ່ ໃຫ້ມີຄວາມຍືນຍົງ

339 27 ມ.ນ. 2019 ຂ່າວໜ້າ​ໜຶ່ງ
ໃຫ້ຄວາມຮູ້ການອະນຸຮັກລາຍຜ້າມັດໝີ່ ໃຫ້ມີຄວາມຍືນຍົງ

    ການ​ມັດ​ໝີ່​ເຮັດ​ລາຍ​ຜ້າ ເປັນ​ພູມ​ປັນ­ຍາ​ຂອງ​ແມ່­ຍິງ​ລາວ ສືບ­ຕໍ່​ມາ​ແຕ່​ສະ­ໄໝ​ບູ­ຮານ​ຈົນ​ເຖິງ​ປັດ­ຈຸ­ບັນ ເພື່ອ​ເຮັດ​ໃຫ້​ວຽກ​ງານ​ດັ່ງ­ກ່າວ ມີ​ຄວາມ​ຍືນ​ຍົງ​ໄປ​ກັບ​ຍຸກ​ສະ­ໄໝ ຮ້ານ​ສອງ​ມື­ນາງ ບ້ານ​ທາດ­ຫຼວງ​ກາງ ນະ­ຄອນ­ຫຼວງ​ວຽງ​ຈັນ ໄດ້​ເປີດ​ເຝິກ­ອົບ­ຮົມ​ກ່ຽວ​ກັບ​ການ​ມັດ​ໝີ່ ຂຶ້ນ​ວັນ​ທີ 21-23 ມີ­ນາ 2019 ຢູ່​ຮ້ານ​ດັ່ງ­ກ່າວ ໂດຍ​ມີ​ທ່ານ​ນາງ ແກ້ວ​ສາຍ­ໃຈ ໄຊ​ຍະ​ສອນ ປະ­ທານ​ມູນ​ນິ­ທິ​ສອງ​ມື­ນາງ ແລະ ຮ້ານ​ສອງ​ມື­ນາງ ພ້ອມ​ດ້ວຍ​ວິ­ທະ­ຍາ­ກອນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ​ນາງ ແກ້ວ​ສາຍ­ໃຈ ໄຊ​ຍະ​ສອນ ກ່າວ​ວ່າ: ຊຸດ​ເຝິກ­ອົບ­ຮົມ​ຄັ້ງ​ນີ້ ເພື່ອ​ອະ­ນຸ​ຮັກ​ເອ­ກະ­ລັກ​ວັດ­ທະ­ນະ­ທຳ ສີ­ໄມ້­ລາຍ­ມື ພູມ​ປັນ­ຍາ ແລະ ຄວາມ​ສາ­ມາດ​ຂອງ​ແມ່­ຍິງ​ລາວ ໂດຍ​ສະ­ເພາະ​ການ​ມັດ​ໝີ່ ເພື່ອ​ໃຫ້​ໄດ້​ເຄືອ​ຫູກ​ທີ່​ມີ​ລວ­ດລາຍ​ສວຍ​ງາມ ຕາມ​ຄວາມ​ຕ້ອງ­ການ​ຂອງ​ລູກ​ຄ້າ ທັງ​ເປັນ​ການ​ສົ່ງ­ເສີມ​ວຽກ​ເຮັດ​ງານ​ທຳ​ໃຫ້​ແມ່­ຍິງ​ລາວ ເນື່ອງ​ຈາກ​ແມ່­ຍິງ​ມີ​ມູນ­ເຊື້ອ​ໃນ​ການ​ຕ່ຳ­ຫູກ​ທໍ່​ໄໝ ຮ້ານ​ສອງ​ມື­ນາງ ໃນ​ນາມ​ເປັນ​ຜູ້​ຈຳ­ໜ່າຍ​ຜ້າ­ໄໝ ຈຶ່ງ​ຕ້ອງ­ການ​ອະ­ນຸ​ຮັກ​ເອ­ກະ­ລັກ​ການ​ມັດ​ໝີ່ ຫຼື ສິ້ນ​ໝີ່​ໃຫ້​ມີ​ຄວາມ​ຍືນ​ຍົງ ແລະ ໃຫ້​ມີ​ການ​ປັບ­ປຸງ​ຄຸນ​ນະ​ພາບ ນັບ​ມື້​ທັນ​ສະ­ໄໝ​ເທົ່າ​ທຽມ​ກັບ​ສາ­ກົນ ເພາະ​ບັນ­ດາ​ປະ­ເທດ​ໃນ​ອາ​ຊຽນ​ມີ​ຜ້າ​ລາຍ​ໝີ່ ຫຼື ສິ້ນ​ໝີ່​ຄື​ກັນ​ແຕ່​ຈະ​ມີ​ເອ­ກະ­ລັກ​ແຕກ​ຕ່າງ​ກັນ ສະ­ນັ້ນ ພວກ​ເຮົາ​ຈຶ່ງ​ຕ້ອງ­ການ​ຍົກ​ລະ­ດັບ​ການ​ມັດ​ໝີ່​ຂອງ​ລາວ​ໃຫ້​ໄດ້​ຄຸນ​ນະ​ພາບ ເພື່ອ​ໃຫ້​ສາ­ມາດ​ເຂົ້າ​ເປັນ​ສະ­ມາ­ຊິກ ໃນ​ບັນ­ດາ​ປະ­ເທດ​ສະ­ມາ­ຊິກ​ອາ​ຊຽນ.

ຂ່າວທີ່ກ່ຽວຂ້ອງ