ຂ່າວຫຼ້າສຸດ

Nike ຖືກ​ປັບ​ໃໝ ຍ້ອນ​ກີດຂວາງ​ບັນດາ​ສະ​ໂມ​ສອນ​ທີ່​ຈຳໜ່າຍ​ເຄື່ອງ​ກິລາ

207 27 ມ.ນ. 2019 ຂ່າວຕ່າງປະເທດ
Nike ຖືກ​ປັບ​ໃໝ ຍ້ອນ​ກີດຂວາງ​ບັນດາ​ສະ​ໂມ​ສອນ​ທີ່​ຈຳໜ່າຍ​ເຄື່ອງ​ກິລາ

    ບໍລິສັດ Nike ຂອງ ສ ອາ​ເມຣິກາ ຊຶ່ງ​ເປັນ​ຜູ້​ຜະລິດ​ເຄື່ອງ​ກິລາ ​ໄດ້​ຖືກ​ປັບ​ໃໝ​ເມື່ອ​ວັນ​ທີ 25 ມີນາ​ນີ້ ​​ເປັນ​ມູນ​ຄ່າ 12,5 ລ້ານ​ເອີ​ໂຣ (​ເທົ່າ​ກັບ 14,14 ລ້ານ​ໂດ​ລາ​ສະຫະລັດ) ຍ້ອນ​ການ​ກະທຳ​ກີດຂວາງ​ຕໍ່​ການ​ເຄື່ອນ​ໄຫວ​ຊື້​ຂາຍ​ເຄື່ອງຮັບ​ໃຊ້​ກິລາ​ບານ​ເຕະ​ຂ້າມ​ຊາຍ​ແດນ ຂອງ​ສະ​ໂມ​ສອນ​ບານ​ເຕະ​ຈຳນວນ​ໜຶ່ງ​ທີ່​ລື​ຊື່​ຢູ່​ໃນ​ເອີຣົບ. ນີ້​ເປັນ​ການ​ປັບ​ໃໝ​ເທື່ອ​ໃໝ່​ຫຼ້າ​ສຸດ ຊຶ່ງ​ສະຫະພາບ​ເອີຣົບ (EU) ປະຕິບັດ​ຕໍ່​ການ​ກະທຳ​ຄື​ແນວ​ນັ້ນ.

    ຄະນະ​ກຳມະການ​ເອີຣົບ (EC) ​ໃຫ້​ຮູ້​ວ່າ  ການ​ກະທຳ​ທີ່​ຝືນ​ກົດ​ໝາຍ​ຂອງ Nike ມີ​ອອກ​ມາ​ຕັ້ງ​ແຕ່​ປີ 2004-2007 ​ແລະ​ ພົວພັນ​ເຖິງ​ບັນດາ​ສິນຄ້າ​ທີ່​ໄດ້​ຮັບ​ສິດ​ຂອງ​ບັນດາ​ສະ​ໂມ​ສອນ​ກິລາ​ບານ​ເຕະ ​ເຊັ່ນ ບາ​ເຊ​ໂລ​ນາ ​ແມນ​​ເຈ​ສ​ເຕີ​ຢູ​ໄຕ​ເຕດ ຈູ​ເວນ​ຕຸ​ສ ອິນ​ເຕີ​ມິ​ລານ ​ເອ​​ເອສ​ໂຣມາ ​ແລະ ​ສະຫະພັນ​ບານ​ເຕະ​ຝຣັ່ງ.

    ທ່ານ ມາ​ເກຣດ ​ເວສຕາ​ເກີ ກຳມະການ​ຮັບຜິດຊອບ​ວຽກ​ງານ​ການ​ແກ້ງ​ແຍ່ງ​ຂອງ EU ​ເຫັນ​ວ່າ ການ​ກະທຳ​ຂອງ Nike ​ໄດ້​ເຮັດ​ໃຫ້​ຜູ້​ທີ່​ນິຍົມ​ບານ​ເຕະ​ຢູ່​ໃນ​ປະ​ເທດ​ອື່ນໆ ບໍ່​ສາມາດ​ຊື້​ສິນຄ້າ​ຂອງ​ສະ​ໂມ​ສອນ​ທີ່​ເຂົາ​ເຈົ້າມັກ​ນັ້ນ​ໄດ້. ການ​ກະທຳ​ຂອງ Nike ປະກອບ​ມີ​ການ​ຫ້າມ​ຕໍ່​ຝ່າຍ​ທີ່​ໄດ້​ຮັບ​ສິດ​ ​ໃນ​ການຂາຍ​ຜະລິດ​ຕະພັນ​ອອກ​ໄປ​ນອກ​ປະ​ເທດ ​ແລະ ​ຂູ່ທີ່​ຈະ​ຢຸດຕິ​ສັນຍາ​ຖ້າ​ຫາກ​ວ່າ​ຝ່າຍ​ທີ່​ໄດ້​ຮັບ​ສິດ ບໍ່​ປະຕິບັດ​ຕາມ​ຂໍ້ຄວາມ​ນີ້. ບ້ວງ​ເງິນ​ປັບ​ໃໝ​ຕໍ່ Nike ​ໄດ້​ຫຼຸດ​ລົງ 40% ຫຼັງ​ຈາກ​ທີ່​ບໍລິສັດ​ນີ້ ປະສານສົບ​ທົບ​ກັບ EC.

 

ຂ່າວທີ່ກ່ຽວຂ້ອງ