ຂ່າວຫຼ້າສຸດ

37% ຂອງອົງກອນທົ່ວໂລກ ໃຊ້ AI ກັນແລ້ວ

262 26 ມ.ນ. 2019 ຫົວຂໍ້ຂ່າວອື່ນໆ

    ສຳ­ນັກ­ງານ​ພັດ­ທະ­ນາ​ທຸ­ລະ​ກຳ​ທາງ​ເອ​ເລັກ​ໂຕຣ​ນິກ (ອົງ­ການ​ມະ­ຫາ­ຊົນ) ຫຼື ເອດ​ດາ ໄດ້​ໂພ​ສ​ຕ໌ເ​ຟສ​ບຸ໊ກ ເປິດ​ເຜີຍ​ຜົນ​ສຳ​ຫຼວດ​ຂອງ​ກາດ​ເນີ (Gartner) ບໍ­ລິ­ສັດ​ວິ­ໄຈ ແລະ ໃຫ້​ຄຳ​ປຶກ­ສາ​ຊັ້ນ​ແນວ​ໜ້າ​ຂອງ​ໂລກ ໃນ​ລາຍ​ງານ “2019 CIO Survey” ລະ­ບຸ​ວ່າ ເຖິງ​ແມ່ນ 4 ປີ​ກ່ອນ ຈະ​ມີ​ຜູ້​ຕອບ​ແບບ​ສຳ​ຫຼວດ​ວ່າ ໄດ້​ນຳ AI ມາ​ໃຊ້​ພຽງ​ແຕ່ 10% ຫຼື ຈະ​ນຳ​ມາ​ໃຊ້​ໃນ​ບໍ່​ຊ້າ ແຕ່​ປີ 2019 ຈຳ­ນວນ AI ໄດ້​ກະ­ໂດດ​ຂຶ້ນ​ມາ​ເປັນ 37% ຫຼື​ເພີ່ມ 270% ໃນ​ຮອບ 4 ປີ ໂດຍ​ຜູ້​ຊ່ຽວ­ຊານ​ຂອງ Gartner ບອກ​ວ່າ ຫາກ​ອົງ​ກອນ​ໃດ​ຍັງ​ບໍ່​ໄດ້​ໃຊ້ AI ເລີຍ ກໍ​ຄວນ​ກັງ­ວົນ​ໄດ້​ແລ້ວ.

    ເຫດ­ຜົນ​ຂອງ​ການ​ກະ­ໂດດ​ຂະ­ໜາດ​ນີ້ ເພາະ​ຄວາມ​ສາ­ມາດ​ຂອງ AI ທີ່​ເພີ່ມ​ຂຶ້ນ​ຢ່າງ​ຫຼວງ­ຫຼາຍ ແລະ ເຮັດ​ໃຫ້​ຜູ້​ປະ­ກອບ​ການ​ເຕັມ​ໃຈ​ທີ່​ຈະ​ນຳ​ເຕັກ​ໂນ​ໂລ​ຢີ​ນີ້​ມາ​ໃຊ້ ເຖິງ​ແມ່ນ​ວ່າ AI ຈະ​ຍັງ​ບໍ່​ສາ­ມາດ​ຮັບ​ພາ­ລະ​ວຽກ​ທີ່​ຊັບ­ຊ້ອນ​ໄດ້​ທັງ​ໝົດ ແຕ່​ການ​ເປັນ​ປັນ­ຍາ​ເສີມ ຫຼື Augmented Intelligence ກໍ​ຊ່ວຍ​ທຸ­ລະ​ກິດ​ໄດ້​ຫຼາຍ​ຂຶ້ນ.

    AI ໄດ້​ກາຍ­ເປັນ​ສ່ວນ​ສຳ­ຄັນ​ຂອງ​ຍຸດ​ທະ​ສາດ​ດ້ານ​ດິ​ຈິ​ຕອລ ແລະ ໄດ້​ມີ​ການ​ນຳ­ໄປ​ໃຊ້​ແລ້ວ​ໃນ​ຫຼາກ​ຫຼາຍ​ແອັບ​ພລິ​ເຄ​ຊັນ​ໂດຍ 52% ຂອງ​ກຸ່ມ​ບໍ­ລິ­ສັດ Telco ຫຼື ບໍ­ລິ­ສັດ​ໂທລະ​ຄົມ­ມະ­ນາ­ຄົມ​ຕ່າງໆ ໄດ້​ນຳ Chatbot ໄປ​ໃຊ້ ແລະ 38% ຂອງ​ຜູ້​ບໍ­ລິ­ການ​ດ້ານ​ສຸ­ຂະ­ພາບ ກໍ​ເພິ່ງ​ພາ​ການ​ວິ­ນິດ​ໄສ​ໂດຍ​ໃຊ້​ຄອມ​ພິວ​ເຕີ​ຊ່ວຍ ນອກ­ຈາກ​ນີ້ ໃນ​ງານ​ອື່ນໆ ເຊັ່ນ: ການ​ປ້ອງ​ກັນ​ການ​ສໍ້​ໂກງ ແລະ ການ​ຈັດ​ກຸ່ມ​ຜູ້​ບໍ­ລິ­ໂພກ ກໍ​ໃຊ້ AI ຊ່ວຍ.

    ທີ່​ສຳ­ຄັນ ຄື CIO ເຊິ່ງ​ເປັນ​ຜູ້​ບໍ­ລິ­ຫານ​ຝ່າຍ​ຂໍ້​ມູນ​ຂ່າວ­ສານ​ຂອງ​ອົງ​ກອນ ຈະ​ຕ້ອງ​ມີ​ຄວາມ​ຄິດ​ສ້າງ­ສັນ ແລະ ຖ້າ​ບໍ່​ມີ​ຄົນ​ເກັ່ງ​ດ້ານ AI ກໍ​ຕ້ອງ​ລົງ­ທຶນ​ໃນ​ເລື່ອງ​ການ​ເຝິກ­ອົບ­ຮົມ ເພື່ອ​ໃຫ້​ພະ­ນັກ­ງານ​ມີ​ພື້ນ­ຖານ​ດ້ານ​ສະ­ຖິ­ຕິ ແລະ ການ​ຈັດ­ການ​ຂໍ້​ມູນ.

ຂ່າວທີ່ກ່ຽວຂ້ອງ