ສະໂມສອນ​ຫຼວງ​ພະ​ບາງ ໄດ້​ທີ 3 ບານບ້ວງ​ຊີງ​ແຊັມ​ອາ​ຊຽນ

244 26 ມ.ນ. 2019 ວົງຈອນກີລາ
ສະໂມສອນ​ຫຼວງ​ພະ​ບາງ ໄດ້​ທີ 3 ບານບ້ວງ​ຊີງ​ແຊັມ​ອາ​ຊຽນ

   ສະໂມສອນ​ບານບ້ວງ ຫຼວງ​ພຣະ​ບາງ ສ້າງ​ຜົນງານ​ໄດ້​ຢ່າງ​ໂດດ​ເດັ່ນ ຫຼັງ​ຈາກ​ສາມາດ​ຍາດ​ໄດ້ ອັນ​ດັບ 3 ໃນ​ການ​ແຂ່ງຂັນ​ບານບ້ວງ ລາຍການ TBSL 2019 ຊີງ​ແຊັມ​ສະໂມສອນ ອາ​ຊຽນ ຢູ່​ນະຄອນຫຼວງ​ບາງກອກ ປະເທດ​ໄທ ລະຫວ່າງ​ວັນ​ທີ 23 ກຸມພາ ຫາ 25 ມີນາ 2019 ໂດຍ​ການ​ແຂ່ງຂັນ ມີ 8 ທີມ ຈາກ 6 ປະເທດ ປະກອບ​ມີ ທີມ Hi Tech ແຊັມ​ເກົ່າ (ໄທ) ສະໂມສອນ ການ​ໄຟຟ້າ​ສ່ວນ​ພູມ​ມິ​ພາກ (ໄທ) ສະໂມສອນ ສະ​ວູ ມະຫາວິທະຍາໄລ ສີ​ນະ​ຄະ​ລິນ​ວິໂລດ (ໄທ) ສະໂມສອນ Adroit ຈາກ ສິງກະໂປ ສະໂມສອນ Matrix ຈາກ ມາ​ເລ​ເຊຍ ສະໂມສອນ Philippines (ຟີ​ລິບ​ປີນ) ສະໂມສອນ Kabayan (ຟີ​ລິບ​ປິນ) ແລະ ສະໂມສອນ ຫຼວງ​ພຣະ​ບາງ ຈາກ ​ສປປ ລາວ.

    ຜ່ານ​ການ​ແຂ່ງຂັນ ສະໂມສອນ​ຫຼວງ​ພຣະ​ບາງ ໜຶ່ງ​ດຽວ​ຈາກ ​ສປປ ລາວ ເຮັດ​ຜົນງານ​ໄດ້​ດີ ເຂົ້າ​ໄປ​ເຖີງ​ຮອບ 4 ທີມ ເຂົ້າ​ໄປ​ພົບ​ກັບ​ທີມ Hi Tech ແຊັມ​ເກົ່າ ຜ່ານ​ການ​ແຂ່ງຂັນ 4 ຄໍ​ເຕີ ເປັນ Hi Tech ເອົາ​ຊະນະ​ໄປ 101-74 ເຮັດ​ໃຫ້​ທີມ​ຫຼວງ​ພຣະ​ບາງ ໄດ້​ໄປ​ຊີງ​ອັນ​ດັບ 3 ກັບ​ທີມ​ການ​ໄຟຟ້າ​ສ່ວນ​ພູມ​ມິ​ພາກ ຕະຫຼອດ 4 ຄໍ​ເຕີ ທັງ​ສອງ​ທີມ​ຫຼິ້ນ​ໄດ້​ສູ​ສີ​ກັນ ປ່ຽນ​ກັນ​ເຮັດ​ຄະແນນ​ຂຶ້ນ​ນຳ ແຕ່​ສຸດ​ທ້າຍ​ແລ້ວ ຈົບ​ການ​ແຂ່ງຂັນ​ເປັນ​ທີມ ຫຼວງ​ພຣະ​ບາງ ສາມາດ​ເອົາ​ຊະນະ​ໄປ​ໄດ້ 81-78 ຄະແນນ ຄວ້າ​ອັນ​ດັບ 3 ພ້ອມ​ຮັບ​ເງິນ​ລາງວັນ 400.000 ບາດ​ໄທ ຫຼື ປະມານ 100 ກວ່າ​ລ້ານ​ກີບ.  

ຂ່າວທີ່ກ່ຽວຂ້ອງ