ຂ່າວຫຼ້າສຸດ

ການແກ້ໄຂຄວາມທຸກຍາກ ຕ້ອງເລີ່ມຈາກຄອບຄົວເປັນພື້ນຖານ

3.778 16 ກ.ພ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ການ​ແກ້​ໄຂ​ຄວາມ­ທຸກ​ຍາກ ແມ່ນ​ໜຶ່ງ​ໃນ​ພາ­ລະ​ກຳ​ຂອງ​ພັກ ເປັນ​ໜ້າ­ທີ່​ຂອງ​ລັດ ແລະ ທົ່ວ​ປວງ​ຊົນ ວຽກ​ງານ​ແກ້​ໄຂ​ຄວາມ­ທຸກ​ຍາກ ຕ້ອງ​ໄດ້​ຮັບ​ການ­ຈັດ­ຕັ້ງ​ປະ­ຕິ­ບັດ​ຢ່າງ​ເຄັ່ງ­ຮ້ອນ ຖ້າ­ວ່າ​ການ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ ບໍ່​ໄດ້​ຮັບ​ການ​ແກ້​ໄຂ​ຢ່າງ​ສິ້ນ​ເຊີງ ປະ­ເທດ​ເຮົາ ກໍ​ຈະ​ບໍ່​ສາ­ມາດ​ຫຼຸດ​ພົ້ນ​ອອກ​ຈາກ​ຄວາມ​ດ້ອຍ​ພັດ­ທະ­ນາ​ໄດ້ ສະ­ນັ້ນ ທຸກ​ພາກ­ສ່ວນ​ໃນ​ສັງ­ຄົມ ຕ້ອງ​ມີ​ສ່ວນ​ຮ່ວມ​ໃນ​ການ​ແກ້​ໄຂ​ຄວາມ­ທຸກ​ຍາກ ໂດຍ​ເລີ່ມ​ຈາກ​ຄອບ­ຄົວ​ເປັນ​ພື້ນ­ຖານ​ກ່ອນ.</p> <p style="text-align: justify;"> ຄອບ­ຄົວ​ໝາຍ​ເຖິງ​ຫົວ­ໜ່ວຍ​ພື້ນ­ຖານ​ຂັ້ນ​ລຸ່ມ​ສຸດ ຖ້າ​ຫາ​ກວ່າ​ບໍ່​ແກ້​ໄຂ​ບັນ­ຫາ​ຄວາມ­ທຸກ​ຍາກ​ຂອງ​ຄອບ­ຄົວ ແນ່­ນອນ​ກໍ​ບໍ່​ສາ­ມາດ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ເທດ​ຊາດ​ໄດ້ ພັກ​ເຮົາ​ໄດ້​ໃຫ້​ທັດ­ສະ­ນະ​ວ່າ: <strong>ການ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ນັ້ນ ຕ້ອງ​ໄດ້​ດຳ­ເນີນ​ໄປ​ຕິດ​ແໜ້ນ​ກັບ​ການ​ພັດ­ທະ­ນາ​ຊົນ­ນະ­ບົດ ກໍ​ຄື​ການ​ສ້າງ​ບ້ານ ແລະ ກຸ່ມ​ບ້ານ​ພັດ­ທະ­ນາ </strong>ໂດຍ​ຖື​ເອົາ 4 ເນື້ອ​ໃນ 4 ຄາດ­ໝາຍ ທີ່​ກົມ​ການ­ເມືອງ​ສູນ​ກາງ​ພັກ​ວາງ​ອອກ​ນັ້ນ​ເປັນ​ທິດ​ນຳ ກ່ອນ​ອື່ນ​ໝົດ ການ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ ແມ່ນ​ຕ້ອງ​ເລີ່ມ​ຈາກ​ຄອບ­ຄົວ ການ​ສ້າງ​ຄວາມ​ພໍ​ຢູ່​ພໍ​ກິນ ແລະ ຄວາມ​ຮັ່ງ­ມີ​ຂອງ​ຄອບ­ຄົວ ແມ່ນ​ວຽກ​ງານ​ໃຈ​ກາງ­ຂອງ​ການ​ພັດ­ທະ­ນາ​ຊົນ­ນະ­ບົດ  ເຊິ່ງ​ຕ້ອງ​ສົມ­ທົບ​ຢ່າງ​ກົມ­ກຽວ ລະ­ຫວ່າງ​ການ​ແກ້​ໄຂ​ຄວາມ­ທຸກ​ຍາກ​ຂອງ​ຄອບ­ຄົວ ກັບ​ການ​ແກ້​ໄຂ​ຄວາມ­ທຸກ​ຍາກ​ຂອງ​ຊຸມ​ຊົນ ສະ­ນັ້ນ ຕ້ອງ​ລວມ​ເອົາ​ບັນ­ດາ​ກິດ­ຈະ­ການ ແລະ ໂຄງ­ການ​ຕ່າງໆ ທີ່​ກ່ຽວ­ຂ້ອງ​ກັບ​ການ​ພັດ­ທະ­ນາ​ຊົນ­ນະ­ບົດ ເຊັ່ນ: ການ​ສ້າງ​ຄອບ­ຄົວ​ວັດ­ທະ­ນະ­ທຳ ການ​ສ້າງ​ຄອບ­ຄົວ​ຕົວ​ເດັ່ນ ຄອບ­ຄົວ​ຕົວ​ແບບ​ໃນ​ການ​ພັດ­ທະ­ນາ​ເສດ­ຖະ­ກິດ ແລະ ອື່ນໆ ເພື່ອ​ເປັນ​ແບບ­ຢ່າງ​ອັນ​ດີ ໃນ​ການ​ຖ່າຍ​ທອດ​ເຕັກ­ນິກ ຫຼື ວິ­ທີ​ການ​ຕ່າງໆ ທີ່​ກ່ຽວ­ຂ້ອງ​ກັບ​ການ​ພັດ­ທະ­ນາ ບົນ​ພື້ນ­ຖານ​ທີ່​ວ່າ ການ​ແກ້​ໄຂ​ຄວາມ­ທຸກ​ຍາກ​ຕ້ອງ​ມີ​ຈຸດ​ສຸມ ໂດຍ​ແນ­ໃສ່​ສ້າງ​ເງື່ອນ­ໄຂ​ຊ່ວຍ​ຄອບ­ຄົວ​ທຸກ​ຍາກ ໃຫ້​ກາຍ­ເປັນ​ຄອບ­ຄົວ​ທີ່​ພໍ​ມີ​ພໍ​ກິນ ກ້າວ​ໄປ​ເຖິງ​ຄວາມ​ຮັ່ງ­ມີ​ເຂັ້ມ­ແຂງ ເປັນ­ຕົ້ນ: ມີ​ບ່ອນ­ຢູ່​ອາ­ໄສ ແລະ ມີ​ອາ­ຊີບ​ທີ່​ໝັ້ນ­ຄົງ ມີ​ເຄື່ອງ­ນຸ່ງ​ຫົ່ມ ເຄື່ອງ­ໃຊ້​ສອຍ​ທີ່​ຈຳ­ເປັນ ແລະ ມີ​ຄວາມ​ສາ­ມາດ​ປິ່ນ­ປົວ​ໃນ​ຍາມ​ເຈັບ­ເປັນ​ອື່ນໆ.</p> <p style="text-align: justify;"> ເພື່ອ​ສົ່ງ­ເສີມ ແລະ ປຸກ­ລະ­ດົມ​ການ​ປະ­ກອບ­ສ່ວນ​ຂອງ​ສັງ­ຄົມ​ໃຫ້​ຫຼາຍ​ຂຶ້ນ ໃນ​ການ​ແກ້​ໄຂ​ຄວາມ­ທຸກ​ຍາກ​ຂອງ​ຄອບ­ຄົວ ພັກŒລັດ ໄດ້​ມີ​ນະ­ໂຍ­ບາຍ​ຢ່າງ​ເໝາະ​ສົມ ແລະ ຖືກ­ຕ້ອງ ເປັນ­ຕົ້ນ​ແມ່ນ ຄະ­ນະ​ພັກ ອຳ­ນາດ​ການ​ປົກ­ຄອງ​ແຕ່​ລະ​ຂັ້ນ ໄດ້​ຈັດ​ສັນ​ທຶນ­ຮອນ​ສະ­ໜອງ​ໃຫ້​ຕາມ​ຄວາມ​ເໝາະ​ສົມ ຂັ້ນ​ສູນ​ກາງ​ກໍ​ໄດ້​ເອົາ­ໃຈ­ໃສ່​ຕໍ່​ບັນ­ຫາ​ນີ້ ແລະ ການ​ແກ້​ໄຂ​ຄວາມ­ທຸກ​ຍາກ ກໍ​ແມ່ນ​ໜຶ່ງ​ໃນ​ແຜນ​ງານ​ບູ​ລິ​ມະ​ສິດ​ຂອງ​ລັດ­ຖະ­ບານ ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ ໄດ້​ກາຍ­ເປັນ​ອົງ­ການ​ທີ່​ມີ​ບົດ­ບາດ​ສຳ­ຄັນ ໃນ​ການ​ໃຫ້­ການ​ຊ່ວຍ­ເຫຼືອ ນອກ­ຈາກ​ນີ້ ສາ­ກົນ​ກໍ​ໄດ້​ໃຫ້­ການ​ສະ­ໜັບ­ສະ­ໜູນ​ທຶນ­ຮອນ ເຂົ້າ​ໃນ​ການ​ແກ້​ໄຂ​ຄວາມ­ທຸກ​ຍາກ ກ້າວ​ໄປ​ເຖິງ​ການ​ລົບ​ລ້າງ​ຄວາມ­ທຸກ​ຍາກ​ເທື່ອ​ລະ​ກ້າວ.</p> <p style="text-align: justify;"> ສະ­ນັ້ນ ຄອບ­ຄົວ​ໃນ​ຖາ­ນະ​ທີ່​ເປັນ​ຫົວ­ໜ່ວຍ​ລຸ່ມ​ສຸດ ແຕ່​ມີ​ພາ­ລະ​ບົດ­ບາດ​ສຳ­ຄັນ ໃນ​ການ­ຈັດ­ຕັ້ງ​ປະ­ຕິ­ບັດ​ແຜນ­ການ​ແກ້​ໄຂ​ຄວາມ­ທຸກ​ຍາກ​ນັ້ນ ຕ້ອງ​ໄດ້​ເອົາ­ໃຈ­ໃສ່​ພະ­ຍາ­ຍາມ ພັດ­ທະ­ນາ​ຄອບ­ຄົວ​ຂອງ​ຕົນ​ຢ່າງ​ເຂັ້ມ­ແຂງ ຕັ້ງ­ໜ້າ​ທຳ​ມາ​ຫາ​ກິນ​ຕາມ​ແນວ­ທາງ​ຂອງ​ພັກ ບົນ​ພື້ນ­ຖານ​ລະ­ບຽບ​ກົດ­ໝາຍ​ຂອງ​ລັດ ມີ​ນ້ຳ­ໃຈ​ປະ­ຢັດ​ມັດ­ທະ­ຍັດ ແລະ ມີ​ຄວາມ​ຊື່­ສັດ​ອົດ­ທົນ ກໍ​ຈະ​ສາ­ມາດ​ກາຍ­ເປັນ​ຄອບ­ຄົວ​ທີ່​ມີ​ຢູ່​ມີ​ກິນ ແລະ ອຸ­ດົມ­ສົມ­ບູນ​ຂຶ້ນ​ເລື້ອຍໆ ປະ­ກອບ­ສ່ວນ​ສ້າງ­ສາ​ພັດ­ທະ­ນາ​ປະ­ເທດ​ຊາດ ໃຫ້​ກ້າວ­ໜ້າ​ຢ່າງ​ບໍ່​ຢຸດ​ຢັ້ງ.</p> <p style="text-align: justify;"> <strong>ໂດຍ: ອອນ­ຊອນ​ເດ</strong></p>

ຂ່າວທີ່ກ່ຽວຂ້ອງ