ຂ່າວຫຼ້າສຸດ

ນວ ເຜີຍແຜ່ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ

232 25 ມ.ນ. 2019 ຂ່າວໜ້າ​ໜຶ່ງ
ນວ ເຜີຍແຜ່ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ

    ເພື່ອ​ເຮັດ​ໃຫ້​ພະ­ນັກ­ງານ-ລັດ­ຖະ­ກອນ ສະ­ມາ­ຊິກ​ພັກ​ພາຍ​ໃນ​ນະ­ຄອນ­ຫຼວງ​ວຽງ​ຈັນ (ນວ) ຮັບ​ຮູ້ ແລະ ເຂົ້າ­ໃຈ​ຢ່າງ​ເລິກ­ເຊິ່ງ​ກ່ຽວ​ກັບ​ວັນ​ສ້າງ­ຕັ້ງ​ພັກ​ປະ­ຊາ­ຊົນ ປະ­ຕິ­ວັດ​ລາວ ຄົບ­ຮອບ 64 ປີ (22 ມີ­ນາ 1955-22 ມີ­ນາ 2019) ຫ້ອງ​ວ່າ­ການ​ປົກ­ຄອງ ນວ ສົມ­ທົບ​ກັບ​ຄະ­ນະ​ໂຄ­ສະ­ນາ​ອົບ­ຮົມ ນວ ຈັດ​ພິ­ທີ​ປາ­ຖະ­ກະ­ຖາ​ວັນ​ສ້າງ­ຕັ້ງ​ພັກ ຂຶ້ນ​ວັນ​ທີ 22 ມີ­ນາ 2019 ຢູ່​ຫ້ອງ​ວ່າ­ການ​ປົກ­ຄອງ ນວ ໂດຍ​ການ​ປາ­ຖະ­ກະ­ຖາ​ໂດຍ​ທ່ານ ອາ­ນຸ­ພາບ ຕຸ​ນາ​ລົມ ກຳ­ມະ­ການ​ສູນ​ກາງ​ພັກ ຮອງ​ເລ­ຂາ​ຄະ­ນະ​ພັກ ປະ­ທານ​ສະ­ພາ​ປະ­ຊາ­ຊົນ ນວ ມີ​ຄະ­ນະ​ປະ­ຈຳ​ພັກ ຄະ­ນະ​ພັກ ເລ­ຂາ​ພັກ​ເມືອງ ເຈົ້າ­ເມືອງ ຫົວ­ໜ້າ​ພະ­ແນກ­ການ ແລະ ພະ­ນັກ­ງານ​ຫຼັກ​ແຫຼ່ງ​ເຂົ້າ​ຮ່ວມ.

    ທ່ານ ອາ­ນຸ­ພາບ ຕຸ​ນາ​ລົມ ໄດ້​ຍົກ​ໃຫ້​ເຫັນ​ເຖິງ​ສະ­ພາບ​ການ​ກຳ­ເນີດ ແລະ ການ​ເຕີບ​ໃຫຍ່​ຂະ­ຫຍາຍ­ຕົວ​ຂອງ​ພັກ ມູນ­ເຊື້ອ ແລະ ຜົນ­ງານ​ຂອງ​ພັກ ເສີມ​ຂະ­ຫຍາຍ​ມູນ­ເຊື້ອ​ຂອງ​ພັກ ໃນ​ການ​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ ແຫ່ງ​ການ​ຊີ້​ນຳ-ນຳ­ພາ​ຂອງ​ພັກ​ປະ­ຊາ­ຊົນ ປະ­ຕິ­ວັດ​ລາວ ເຊິ່ງ​ພາຍ­ຫຼັງ​ໄດ້​ຮັບ​ການ​ສ້າງ­ຕັ້ງ​ຂຶ້ນ​ພັກ​ປະ­ຊາ­ຊົນ ປະ­ຕິ­ວັດ​ລາວ ໄດ້​ນຳ­ພາ​ປວງ​ຊົນ​ລາວ​ທັງ​ຊາດ ຕໍ່­ສູ້​ຕ້ານ​ການ​ຮຸກ​ຮານ​ຢ່າງ​ດຸ­ເດືອດ​ຂ້ຽວ­ຂາດ ຈົນ​ກ້າວ​ໄປ​ເຖິງ​ການ​ປົດ​ປ່ອຍ­ປະ​ເທດ​ຊາດ​ຢ່າງ​ສົມ­ບູນ ແລະ ພັດ­ທະ­ນາ​ຢ່າງ​ມີ​ໝາກ​ມີ​ຜົນ ນັບ​ແຕ່​ປີ 1975 ເປັນ­ຕົ້ນ​ມາ​ປະ­ເທດ​ລາວ ໄດ້​ກ້າວ​ເຂົ້າ​ສູ່​ໄລ­ຍະ​ໃໝ່​ຂອງ​ການ​ປະ­ຕິ­ວັດ​ພັກ​ປະ­ຊາ­ຊົນ​ລາວ ໄດ້​ກາຍ­ເປັນ​ພັກ​ກຳ​ອຳ­ນາດ ທີ່​ມີ​ລັກ­ສະ­ນະ​ປະ­ຊາ­ທິ­ປະ­ໄຕ ປະ­ຊາ­ຊົນ ເປັນ​ເຄື່ອງ­ມື​ອັນ​ແຫຼມ​ຄົມ ເພື່ອ​ຄຸ້ມ​ຄອງ​ສັງ­ຄົມ ແລະ ໃນ​ເງື່ອນ­ໄຂ​ທີ່​ເປັນ​ພັກ​ກຳ​ອຳ­ນາດ ທີ່​ຕັ້ງ ແລະ ບົດ­ບາດ​ຂອງ​ພັກ​ໄດ້​ມີ​ການ​ປ່ຽນ­ແປງ​ຄື: ພັກ​ຍັງ​ເປັນ​ກອງ​ນຳ​ໜ້າ­ດ້ານ​ການ­ເມືອງ​ຂອງ​ຊົນ​ຊັ້ນ​ກຳ­ມະ­ກອນ ທັງ​ເປັນ​ຜູ້­ນຳ​ພາ​ສັງ­ຄົມ ຄວາມ​ຮັບ­ຜິດ­ຊອບ​ຂອງ​ພັກ​ກໍ​ເພີ່ມ​ຂຶ້ນ​ສູງ​ກວ່າ​ເກົ່າ ແລະ ພັກ​ມີ​ຄວາມ​ຮັບ­ຜິດ­ຊອບ​ຕໍ່​ຊາ­ຕາ­ກຳ​ຂອງ​ຊາດ​ຢ່າງ­ຮອບ­ດ້ານ.

ຂ່າວທີ່ກ່ຽວຂ້ອງ