ນູແວນ ເຊລັງ ຫ້າມຂາຍປືນເຫຼັກຍາວ ແລະປືນເຄິ່ງອັດຕະໂນມັດ

164 25 ມ.ນ. 2019 ຂ່າວຕ່າງປະເທດ
ນູແວນ ເຊລັງ ຫ້າມຂາຍປືນເຫຼັກຍາວ ແລະປືນເຄິ່ງອັດຕະໂນມັດ

    ທ່ານ​ນາງ ຈາ​ຊິນ​ດາ ອາ​ເດນ ນາຍົກລັດຖະມົນຕີ​ນູ​ແວນ ເຊ​ລັງ ໄດ້​ປະກາດ​ໃຊ້​ຄຳ​ສັ່ງ​ອອກ​ມາ ເມື່ອ​ວັນ​ທີ 21 ມີນາ​ນີ້ ໂດຍ​ເປັນ​ການ​ຫ້າມ​ທັນທີ ສຳລັບ​ການ​ຂາຍ​ປືນ​ເຫຼັກ​ຍາວ​ທີ່​ໃຊ້​ໂຈມ​ຕີ ແລະ​ປືນ​ເຄິ່ງ​ອັດຕະໂນມັດ​ທຸກໆ​ປະເພດ.

    ການ​ດຳເນີນ​ການ​ດັ່ງກ່າວ ມີ​ອອກ​ມາ​ຫຼັງ​ຈາກ​ເກີດ​ເຫດການ​ສັງຫານ​ໂຫດ ຢູ່​ໃນ​ໂບດ​ມຸ​ສລິມ 2 ແຫ່ງ ຢູ່​ໃນ​ນະຄອນ ໄຄຣ​ເຊີດ ເມື່ອ​ທ້າຍ​ອາທິດ​ກ່ອນ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 50 ຄົນ ແລະ ບາດເຈັບ​ອີກ​ຫຼາຍ​ສິບ​ຄົນ.

   ນອກຈາກ​ນັ້ນແລ້ວ ນາຍົກລັດຖະມົນຕີ ອາ​ເດນ ຍັງ​ໄດ້​ປະກາດ​ມາດ​ຕະການ​ຊົ່ວຄາວ ເພື່ອ​ຢຸດຕິ​ທັນທີ ສຳລັບ​ການ​ຊື້​ອາວຸດ​ຢ່າງ​ແຜ່​ຫຼາຍ ກ່ອນ​ທີ່​ກົດໝາຍ​ໃໝ່ ທີ່​ພົວພັນ​ເຖິງ​ມາດ​ຕະການ ດັ່ງກ່າວ ຈະ​ມີ​ຜົນ​ບັງຄັບ​ໃຊ້.

ຂ່າວທີ່ກ່ຽວຂ້ອງ