ຣັດເຊຍ ຈະສະໜອງຢາປົວພະຍາດໃຫ້ແກ່ເວເນຊູເອລາ

96 25 ມີ.ນ. 2019 ຂ່າວຕ່າງປະເທດ
ຣັດເຊຍ ຈະສະໜອງຢາປົວພະຍາດໃຫ້ແກ່ເວເນຊູເອລາ

    ວິທະຍຸ​ກະຈາຍສຽງ Sputnik ລາຍ​ງານ​ວ່າ ປະທານາທິບໍດີ​ເວ​ເນ​ຊູ​ເອ​ລາ ນີ​ໂກ​ລາ​​ສ ມາ​ດູ​ໂຣ ແຈ້ງ​ໃຫ້​ຮູ້ເມື່ອ​ວັນ​ທີ 20 ມີນາ​ທີ່​ຜ່ານ​ມາ​ວ່າ ຣັດ​ເຊຍ​ຈະ​ເລີ່ມ​ການ​ສົ່ງ​ມອບ​ຢາ​ປົວ​ພະຍາດ ໃຫ້​ແກ່​ເວ​ເນ​ຊູ​ເອ​ລາ ພາຍ​ໃນ​ອາທິດ​ທ້າຍ​ເດືອນ​ມີນາ​ນີ້.

    ປະທານາທິບໍດີ ມາ​ດູ​ໂຣ ກ່າວ​ຢູ່​ໃນ​ເຫດການ​ໜຶ່ງ ທີ່​ເປັນ​ການ​ກັບ​ມາ​ເຄື່ອນ​ໄຫວ​ຂອງ​ໂຄງການ ພັດທະນາ​ການ​ຢາ ນັ້ນ​ໃຫ້​ຮູ້​ວ່າ​ທາງ​ການ​ຣັດ​ເຊຍ ໄດ້​ແຈ້ງ​ໃຫ້​ຮູ້​ເຖິງ​ທີ່​ຈະ​ສະໜອງ​ຢາ​ປົວ​ພະຍາດ ແລະ ຜະລິດ​ຕະ​ພັນ​ການ​ຢາ​ໃຫ້​ແກ່​ເວ​ເນ​ຊູ​ເອ​ລາ ພາຍ​ໃນ​ອາທິດ​ທ້າຍ​ເດືອນ​ມີນາ​ນີ້ ໂດຍ​ການ​ສະໜອງ ດັ່ງກ່າວ ຈະ​ດຳເນີນ​ໄປ​ເປັນ​ປະ​ຈຳເປັນ​ແຕ່​ລະ​ອາທິດ.

    ໃນ​ຂະນະ​ດຽວ​ກັນ ປະທານາທິບໍດີ ມາ​ດູ​ໂຣ ກໍ​ໃຫ້​ຮູ້​ວ່າ ໃນ​ເວລາ​ນີ້ ເວ​ເນ​ຊູ​ເອ​ລາ ມີ​ຄວາມ ສາມາດ​ສະໜອງ​ຢາ​ປົວ​ພະຍາດ​ໄດ້ 70%.

ຂ່າວທີ່ກ່ຽວຂ້ອງ