ຍີ່ປຸ່ນ ​ຕໍ່​ກຳນົດ​ການ​ປິດ​ລ້ອມ​ຕໍ່ ສປປ ​ເກົາຫຼີ ຕື່ມ​ອີກ 2 ປີ

294 22 ມ.ນ. 2019 ຂ່າວຕ່າງປະເທດ
ຍີ່ປຸ່ນ ​ຕໍ່​ກຳນົດ​ການ​ປິດ​ລ້ອມ​ຕໍ່ ສປປ ​ເກົາຫຼີ ຕື່ມ​ອີກ 2 ປີ

   ຂ່າວສານ ຣອຍ​ເຕີ ລາຍ​ງານ​ວ່າ ໂທລະພາບ NHK ຂອງ​ຍີ່ປຸ່ນ ລາຍ​ງານ​ຂ່າວ​ເມື່ອ​ວັນ​ທີ 20 ມີນາ​ນີ້ ວ່າ​ຍີ່ປຸ່ນ​ຈະ​ຕໍ່​ກຳນົດ​ຄຳ​ສັ່ງ​ປິດ​ລ້ອມ​ລຳ​ພຽງ​ພຽງ​ຝ່າຍ​ດຽວ​ຕໍ່ ​ສປປ ເກົາຫຼີ ໄປ​ຕື່ມ​ອີກ 2 ປີ.

   NHK ໃຫ້​ຮູ້​ວ່າ ທາງ​ການ​ຍີ່ປຸ່ນ ຈະ​ຕໍ່​ກຳນົດ​ຄຳ​ສັ່ງ​ປິດ​ລ້ອມ​ທາງ​ດ້ານ​ການ​ຄ້າ​ຕໍ່ ​ສປປ ເກົາຫຼີ ແລະ​ ຄຳ​ສັ່ງ​ຫ້າມ​ກຳປັ່ນ​ຂອງ ​ສປປ ເກົາຫຼີ ເຂົ້າ​ໄປ​ໃນ​ທ່າ​ກຳປັ່ນ​ຕ່າງໆ​ຂອງ​ຍີ່ປຸ່ນ ໄປ​ຕື່ມ​ອີກ 2 ປີ.

   ລັດຖະບານ​ຍີ່ປຸ່ນ ຈະ​ຮັບຮອງ​ການ​ຕົກລົງ​ດັ່ງກ່າວ ຢູ່​ໃນ​ສະໄໝ​ປະຊຸມ​ຄະນະ​ລັດຖະບານ ພາຍ​ໃນ​ຕົ້ນ​ເດືອນ​ເມສາ​ໜ້າ​ນີ້.

ຂ່າວທີ່ກ່ຽວຂ້ອງ