ອົງການປົກຄອງ ນວ ພິຈາລະນາຫຼາຍບັນຫາສຳຄັນ

399 22 ມ.ນ. 2019 ຂ່າວໜ້າ​ໜຶ່ງ
ອົງການປົກຄອງ ນວ ພິຈາລະນາຫຼາຍບັນຫາສຳຄັນ

    ກອງ​ປະ­ຊຸມ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ 23 ຈັດ​ຂຶ້ນ​ວັນ​ທີ 21 ມີ­ນາ 2019 ຢູ່​ຫ້ອງ​ວ່າ­ການ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ມີ​ຮອງ​ເຈົ້າ​ຄອງ ເຈົ້າ­ເມືອງ ຫົວ­ໜ້າ​ພະ​ແນກ​ອ້ອມ​ຂ້າງ ນວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ໄດ້​ພິ­ຈາ­ລະ­ນາ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ບັນ­ຫາ​ສຳ­ຄັນ ແລະ ຮີບ​ດ່ວນ​ຂອງ ນວ ໂດຍ​ສະ­ເພາະ ການ​ກຳ­ນົດ​ເຂດ​ສະ­ຫງວນ​ໜອງ​ນ້ຳ​ຢູ່ ນວ ຄຳ​ຮ້ອງ​ຂໍ​ຄວາມ​ເປັນ​ທຳ​ການ​ນຳ​ໃຊ້​ທີ່​ດິນ​ຢູ່​ບ້ານ​ໂຄກ​ສະ­ອາດ ເມືອງ​ໄຊ​ທາ­ນີ ນວ ໂຄງ­ການ​ຊ່ວຍ­ເຫຼືອ​ລ້າ ກູ້​ຢືມ​ຈາກ​ສາ­ກົນ ແລະ ໂຄງ­ການ​ຂໍ​ທຶນ​ສົມ­ທົບ​ຈາກ​ລັດ­ຖະ­ບານ ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ການ​ຄຸ້ມ​ຄອງ​ຮ້ານ​ບັນ­ເທີງ (ຈຸດ​ດີ-ຈຸດ​ອ່ອນ ແລະ ຂໍ້​ຄ້າງ​ຄົງ ຈຶ່ງ​ຄຸ້ມ​ຄອງ​ບໍ່​ໄດ້ ແລະ ສະ­ເໜີ​ວິ­ທີ​ແກ້​ໄຂ) ຜົນ​ການ​ສຳ​ມະ​ນາ​ການ​ກະ­ກຽມ​ບຸນ­ປີ­ໃໝ່ ພສ 2562 ຮ່າງ​ແຈ້ງ​ການ­ຈັດ­ຕັ້ງ​ປະ­ຕິ­ບັດ​ສັບ­ປະ­ດາ​ວຽງ​ຈັນ​ສະ­ອາດ ຢູ່​ພາຍ​ໃນ​ເມືອງ​ຂອງ​ຕົນ ແຕ່​ວັນ​ທີ 1-7 ເມ­ສາ 2019.

    ນອກ​ນີ້ ຍັງ​ໄດ້​ພິ­ຈາ­ລະ­ນາ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ຜົນ​ການ​ສຳ​ມະ​ນາ​ກະ­ກຽມ​ດຳ­ເນີນ​ມາດ​ຕະ­ການ ເພື່ອ​ຮັບ​ມື​ການ​ແຜ່​ກະ­ຈາຍ​ຂອງ​ຝຸ່ນ​ລະ­ອອງ PM 2.5 ເກີນ​ຄ່າ​ມາດ­ຕະ­ຖານ​ໃນ ນວ ແລະ ສະ­ພາບ​ການ​ພົ້ນ​ເດັ່ນ​ປະ­ຈຳ​ເດືອນ​ມີ­ນາ 2019 ແລະ ແຜນ​ວຽກ​ຈຸດ​ສຸມ​ປະ­ຈຳ​ເດືອນ​ເມ­ສາ 2019 ຂອງ​ອົງ­ການ​ປົກ­ຄອງ ນວ.

ຂ່າວທີ່ກ່ຽວຂ້ອງ