VFS Global ໄຂສູນຂໍວີຊາເຢຍລະມັນ ຢູ່ ສປປ ລາວ

306 20 ມ.ນ. 2019 ຂ່າວໜ້າ​ໜຶ່ງ

    ບໍ­ລິ­ສັດ VFS Global ຈັດ​ພິ­ທີ​ໄຂ​ສູນ​ໃຫ້​ບໍ­ລິ­ການ​ຕາງ­ໜ້າ​ໃຫ້​ປະ­ເທດ​ເຢຍ​ລະ​ມັນ ສຳ­ລັບ​ຜູ້​ເດີນ­ທາງ​ຂໍ​ວີ​ຊາ​ທ່ອງ​ທ່ຽວ ຢ້ຽມ­ຢາມ ແລະ ທຸ­ລະ​ກິດ ຂຶ້ນ​ວັນ​ທີ 15 ມີ­ນາ 2019 ຢູ່​ສູນ​ວີ​ຊາ​ເຢຍ​ລະ​ມັນ ບ້ານ​ວັດ​ນາກ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ເຢັນ ລຸດ​ເກັມ​ເຮີມ ເອກ​ອັກ​ຄະ​ລັດ​ຖະ​ທູດ​ເຢຍ​ລະ​ມັນ ປະ­ຈຳ ສປປ ລາວ ທ່ານ ວີ​ເພັດ ສີ​ຫາ​ຈັກ ອຳ­ນວຍ​ການ​ໃຫຍ່ ບໍ­ລິ­ສັດ ລາວ​ເບ​ເວີ​ເຣຈ໌ ຈຳ­ກັດ​ຜູ້​ດຽວ ທ່ານ ຊາ​ຊິນ ເວີ​ມາ ຜູ້​ຈັດ­ການ​ຝ່າຍ​ປະ­ເທດ​ໄທ-ລາວ ບໍ­ລິ­ສັດ VFS Global ແລະ ແຂກ​ຖືກ​ເຊີນ​ເຂົ້າ​ຮ່ວມ.

    ການ​ເລີ່ມ​ຕົ້ນ​ຂອງ​ສູນ​ວີ​ຊາ​ເຢຍ​ລະ​ມັນ ຢູ່ ສປປ ລາວ ເປັນ​ບາດ­ກ້າວ​ທຳ​ອິດ​ຂອງ​ບໍ­ລິ­ສັດ VFS Global ໃນ ສປປ ລາວ ພາຍ­ຫຼັງ​ທີ່​ໄດ້​ເລີ່ມ​ການ​ປະ­ຕິ­ບັດ​ສູນ​ຂໍ​ວີ​ຊາ​ຊົ່ວ­ຄາວ ຕາງ­ໜ້າ​ໃຫ້​ພະ​ແນກ​ວີ​ຊາ ປະ­ເທດ​ອັງ­ກິດ (UKVI) ໃນ​ປີ 2013.

    ທ່ານ ເຢັນ ລຸດ​ເກັມ​ເຮີມ ກ່າວ​ວ່າ: ຫຼາຍ​ປີ­ຜ່ານ­ມາ ຕົວ​ເລກ​ການ​ຂໍ​ວີ​ຊາ​ທີ່​ສະ­ຖານ­ທູດ​ເຢຍ​ລະ​ມັນ ປະ­ຈຳ​ລາວ ໄດ້​ເພີ່ມ​ຂຶ້ນ​ຢ່າງ​ຕໍ່​ເນືອງ ສະ­ນັ້ນ ການ​ຮ່ວມ​ມື​ກັບ​ບໍ­ລິ­ສັດ VFS Global ທີ່​ເປັນ​ບໍ­ລິ­ສັດ​ທີ່​ມີ​ປະ­ສົບ​ປະ­ການ​ຢ່າງ​ຫຼວງ­ຫຼາຍ ຈະ​ຊ່ວຍ​ໃຫ້­ການ​ຂໍ​ວີ​ຊາ​ໄດ້​ຢ່າງ​ສະ­ດວກ-ງ່າຍ­ດາຍ ແລະ ວ່ອງ­ໄວ​ຍິ່ງ​ຂຶ້ນ ເຊິ່ງ​ບໍ­ລິ­ສັດ VFS Global ໄດ້​ຮ່ວມ​ມື​ກັບ​ກະ­ຊວງ​ການ​ຕ່າງ­ປະ­ເທດ​ເຢຍ​ລະ​ມັນ ແຕ່​ປີ 2005 ເປັນ­ຕົ້ນ​ມາ ປັດ­ຈຸ­ບັນ VFS Global ມີ​ສູນ​ວີ​ຊາ​ຢູ່ 18 ປະ­ເທດ.

ຂ່າວທີ່ກ່ຽວຂ້ອງ