ອຸດສາຫະກຳປຸງແຕ່ງໄມ້ ຕ້ອງເປັນມິດຕໍ່ສິ່ງແວດລ້ອມ

238 18 ມ.ນ. 2019 ຂ່າວໜ້າ​ໜຶ່ງ
ອຸດສາຫະກຳປຸງແຕ່ງໄມ້ ຕ້ອງເປັນມິດຕໍ່ສິ່ງແວດລ້ອມ

    ວັນ​ທີ 14 ມີ­ນາ 2019 ຢູ່​ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ ນະ­ຄອນ­ຫຼວງ​ວຽງ​ຈັນ (ນວ) ໄດ້​ຈັດ​ສຳ​ມະ​ນາ​ທາງ​ດ້ານ​ວິ­ຊາ​ການ​ກ່ຽວ​ກັບ “ການ​ຜະ­ລິດ​ສະ­ອາດ ເປັນ​ມິດ​ຕໍ່​ສິ່ງ­ແວ­ດລ້ອມ ໃນ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ​ໄມ້” ເປັນ​ປະ­ທານ​ຂອງ​ທ່ານ ເບີ​ລິນ ເພັດ​ຈັນ­ທະ​ຣາດ ຫົວ­ໜ້າ​ພະ​ແນກ​ອຸດ­ສາ­ຫະ­ກຳ ແລະ ການ​ຄ້າ ນວ ມີ​ບັນ­ດາ​ຜູ້​ປະ­ກອບ​ການ ແລະ ຫົວ­ໜ່ວຍ​ທຸ­ລະ​ກິດ​ປຸງ​ແຕ່ງ​ໄມ້​ເຂົ້າ​ຮ່ວມ.

    ທ່ານ ເບີ​ລິນ ເພັດ​ຈັນ­ທະ​ຣາດ ກ່າວ​ວ່າ: ການ​ຈັດ​ສຳ​ມະ​ນາ​ຄັ້ງ​ນີ້ ເພື່ອ​ເຜີຍ­ແຜ່​ຂໍ້​ຕົກ­ລົງ​ວ່າ​ດ້ວຍ​ການ​ຄຸ້ມ​ຄອງ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ​ໄມ້ ຂໍ້​ຕົກ­ລົງ​ວ່າ​ດ້ວຍ​ມາດ­ຕະ­ຖານ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ​ໄມ້ ແລະ ການ​ນຳ​ໃຊ້​ລະ­ບົບ 5 ສ ເຂົ້າ​ໃນ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ​ໄມ້ ເຊິ່ງ​ຫົວ­ຂໍ້​ການ​ນຳ​ສະ­ເໜີ​ຄັ້ງ​ນີ້​ມີ​ຄວາມ​ສຳ­ຄັນ​ຫຼາຍ ໂດຍ​ບັນ­ຍາຍ​ທາງ​ດ້ານ​ລະ­ບຽບ​ການ ການ​ຄຸ້ມ​ຄອງ​ຈັດ­ການ​ບໍ­ລິ­ຫານ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ ແລະ ຫັດ­ຖະ­ກຳ ນອກ​ນັ້ນ​ຍັງ​ຈະ​ໄດ້​ລົງ​ຕິດ­ຕາມ​ຂະ​ບວນ​ການ​ຜະ­ລິດ​ຕົວ​ຈິງ​ຂອງ​ໂຮງ­ງານ​ອຸດ­ສາ­ຫະ­ກຳ​ປຸງ​ແຕ່ງ​ໄມ້ ເພື່ອ​ມາ​ຈັດ​ຕັ້ງ​ປະ­ຕິ­ບັດ ແລະ ປັບ­ປຸງ​ໂຮງ­ງານ​ຂອງ​ບັນ­ດາ​ຜູ້​ປະ­ກອບ​ການ​ໃຫ້​ດີ​ຂຶ້ນ ແລະ ໃຫ້​ໄດ້​ມາດ­ຕະ­ຖານ ເຊິ່ງ​ຜູ້​ເຂົ້າ​ຮ່ວມ​ໄດ້​ສຸມ​ໃສ່​ຖອດ​ຖອນ ແລະ ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ​ທາງ​ດ້ານ​ທິດ​ສະ​ດີ ແລະ ການ​ປະ­ຕິ­ບັດ​ຕົວ​ຈິງ​ໃຫ້​ໄດ້​ຫຼາຍ​ທີ່​ສຸດ ເພື່ອ​ນຳ​ເຂົ້າ​ໃນ​ວຽກ​ງານ​ຕົວ​ຈິງ.

ຂ່າວທີ່ກ່ຽວຂ້ອງ