ຣັດ​ເຊຍ ແຈ້ງ​ໃຫ້​ອູ​ແກຣນ​ຮູ້​ກ່ຽວ​ກັບ​ການ​ຢຸດຕິ​ສົນທິສັນຍາ​ມິດຕະພາບ

97 15 ມີ.ນ. 2019 ຂ່າວຕ່າງປະເທດ
ຣັດ​ເຊຍ ແຈ້ງ​ໃຫ້​ອູ​ແກຣນ​ຮູ້​ກ່ຽວ​ກັບ​ການ​ຢຸດຕິ​ສົນທິສັນຍາ​ມິດຕະພາບ

     ທ່ານ ປາບ​ໂລ ກລິມ​ກິນ ລັດຖະມົນຕີ​ການ​ຕ່າງປະເທດ​ອູ​ແກຣນ ແຈ້ງ​ໃຫ້​ຮູ້ເມື່ອ​ວັນ​ທີ 12 ມີນາ​ນີ້​ວ່າ ອູ​ແກຣນ​ໄດ້​ຮັບ​ການ​ສານ​ການ​ທູດ​ຈາກ​ຝ່າຍ​ຣັດ​ເຊຍ ທີ່​ແຈ້ງ​ໃຫ້​ຮູ້​ກ່ຽວ​ກັບ​ການ ຢຸດຕິ​ສົນທິສັນຍາ​ມິດຕະພາບ ຮ່ວມ​ມື ແລະ​ຄູ່​ຮ່ວມ ລະຫວ່າງ​ສອງ​ປະເທດ.

   ທ່ານ ກລິມ​ກິນ ລົງ​ພິມ​ຂໍ້ຄວາມ​ຜ່ານ​ສື່​ສັງຄົມ Facebook ໃຫ້​ຮູ້​ວ່າ ສານ​ການ​ທູດ​ດັ່ງກ່າວ ປະກອບ​ມີ 12 ໜ້າ ຊຶ່ງ​ເປັນ​ຄຳ​ຕອບ​ຕໍ່​ຂໍ້​ຕົກລົງ​ຂອງ​ຝ່າຍ​ອູ​ແກຣນ ກ່ຽວ​ກັບ​ການ​ຍົກເລີກ ສົນທິສັນຍາ​ນັ້ນ.

      ໃນ​ຂະນະ​ດຽວ​ກັນ ນາງ ໂອ​ເລ​ນາ ເຊ​ການ ຮອງ​ລັດຖະມົນຕີ​ການ​ຕ່າງປະເທດ​ອູ​ແກຣນ ກໍ​ໃຫ້​ຮູ້​ວ່າ ສານ​ການ​ທູດ​ຂອງ​ຝ່າຍ​ຣັດ​ເຊຍ ປະກອບ​ມີ​ຄຳ​ຢັ້ງຢືນ​ວ່າ ສົນທິສັນຍາ​ທີ່​ໄດ້​ຮັບ​ການ​ລົງ​ນາມ ເມື່ອ​ປີ 1997 ຈະ​ຢຸດຕິ​ຜົນ​ບັງຄັບ​ໃຊ້ ໃນ​ວັນ​ທີ 1 ເມສາ​ໜ້າ​ນີ້.

     ລັດຖະບານ​ອູ​ແກຣນ ໄດ້​ແຈ້ງ​ຢ່າງ​ເປັນ​ທາງ​ການ​ໄປ​ຍັງ​ຣັດ​ເຊຍ ເມື່ອ​ເດືອນ​ກັນຍາ ປີ 2018 ກ່ຽວ​ກັບ​ຈຸດປະສົງ​ຖອນ​ອອກ​ຈາກ​ສົນທິສັນຍາ​ມິດຕະພາບ​ດັ່ງກ່າວ. ຫຼັງ​ຈາກ​ນັ້ນ 3 ເດືອນ ປະທານາທິບໍດີ​ອູ​ແກຣນ ເປ​ໂຕຣ ໂປ​ໂຣ​ເຊນ​ໂກ ກໍ​ໄດ້​ລົງ​ນາມ​ປະກາດ​ໃຊ້​ກົດ​ດຳລັດ​ສະບັບ​ໜຶ່ງ ວ່າ​ດ້ວຍ​ການ​ອະນຸຍາດ​ໃຫ້​ຍົກເລີກ​ສົນທິສັນຍາ​ດັ່ງກ່າວ ດ້ວຍ​ການ​ຖະແຫຼງ​ວ່າ ນັ້ນ​ເປັນ “ສ່ວນ​ໜຶ່ງ​ໃນ​ຍຸດ​ທະ​ສາດ ກັບ​ມາ​ກຳນົດ​ທິດ​ທາງ​ຂອງ​ອູ​ແກຣນ ໄປ​ໃນ​ຝ່າຍ​ເອີ​ຣົບ”.

ຂ່າວທີ່ກ່ຽວຂ້ອງ