ຄຸ້ມຄອງການປະມົງຊຸມຊົນແບບມີສ່ວນຮ່ວມ ຢູ່ສາຍນ້ຳເຊບັງຫຽງ

242 15 ມ.ນ. 2019 ຂ່າວໜ້າ​ໜຶ່ງ
ຄຸ້ມຄອງການປະມົງຊຸມຊົນແບບມີສ່ວນຮ່ວມ ຢູ່ສາຍນ້ຳເຊບັງຫຽງ

    ພິ­ທີ​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ​ລະ­ຫວ່າງ​ກົມ​ລ້ຽງ­ສັດ ແລະ ການ​ປະ­ມົງ ກະ­ຊວງ​ກະ­ສິ­ກຳ ແລະ ປ່າ­ໄມ້ ແລະ ກອງ​ທຶນ​ອະ­ນຸ​ຮັກ​ທຳ​ມະ​ຊາດ​ໂລກ ປະ­ຈຳ​ລາວ ກ່ຽວ​ກັບ​ໂຄງ­ການ​ຄຸ້ມ​ຄອງ​ການ​ປະ­ມົງ​ຊຸມ​ຊົນ​ແບບ​ມີ​ສ່ວນ​ຮ່ວມ ຢູ່​ສາຍ​ນ້ຳ​ເຊ​ບັງ​ຫຽງ ແຂວງ​ສະ­ຫວັນ​ນະ​ເຂດ ທີ່​ໃຫ້​ທຶນ​ຊ່ວຍ­ເຫຼືອ​ໂດຍ​ລັດ­ຖະ­ບານ​ອັງ­ກິດ (ກົມ​ສິ່ງ­ແວ­ດລ້ອມ ອາ­ຫານ ແລະ ຊົນ­ນະ­ບົດ) ມູນ​ຄ່າ 189.245 ໂດ​ລາ​ສະ­ຫະ­ລັດ ຫຼື ປະ­ມານ 1,62 ຕື້​ກີບ ຈັດ​ຂຶ້ນ​ວັນ​ທີ 14 ມີ­ນາ 2019 ທີ່​ແຂວງ​ສະ­ຫວັນ​ນະ​ເຂດ ໂດຍ​ຕາງ­ໜ້າ​ລົງ​ນາມ​ລະ­ຫວ່າງ​ທ່ານ ສົມ​ພອນ ບົວ​ສະ­ຫວັນ ຫົວ­ໜ້າ​ອົງ­ການ​ກອງ​ທຶນ​ອະ­ນຸ​ຮັກ​ທຳ​ມະ​ຊາດ​ໂລກ ປະ­ຈຳ​ລາວ ແລະ ທ່ານ ບຸນ​ທອງ ຊາ​ພັກ­ດີ ຮອງ​ຫົວ­ໜ້າ​ກົມ​ລ້ຽງ­ສັດ ແລະ ການ​ປະ­ມົງ ກະ­ຊວງ​ກະ­ສິ­ກຳ ແລະ ປ່າ­ໄມ້ ມີ​ຜູ້­ຕາງ­ໜ້າ​ຈາກ​ພາກ­ສ່ວນ​ກ່ຽວ­ຂ້ອງ​ສອງ​ຝ່າຍ ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

    ໂຄງ­ການ​ຄຸ້ມ​ຄອງ​ການ​ປະ­ມົງ​ຊຸມ​ຊົນ​ແບບ​ມີ​ສ່ວນ​ຮ່ວມ ຢູ່​ສາຍ​ນ້ຳ​ເຊ​ບັງ​ຫຽງ ຈະ​ຖືກ​ຈັດ​ຕັ້ງ​ປະ­ຕິ­ບັດ​ໃນ 10 ບ້ານ​ທີ່​ຕັ້ງ​ຢູ່​ຕາມ​ລ່ອງ​ແມ່­ນ້ຳ​ເຊ​ບັງ​ຫຽງ ປະ­ກອບ​ມີ​ເມືອງ​ທ່າ​ປາງ​ທອງ ສອງ​ຄອນ ແລະ ເມືອງ​ພິນ ແຂວງ​ສະ­ຫວັນ​ນະ​ເຂດ ຈຸດ­ປະ­ສົງ​ເພື່ອ​ປັບ­ປຸງ ແລະ ເພີ່ມ​ຈຳ­ນວນ​ຊັບ­ພະ­ຍາ­ກອນ​ສັດ​ນ້ຳ ໂດຍ​ການ​ສ້າງ​ຮູບ​ແບບ​ການ​ຄຸ້ມ​ຄອງ ການ​ປະ­ມົງ​ແບບ​ມີ​ສ່ວນ​ຮ່ວມ ສະ­ໜັບ­ສະ­ໜູນ​ການ​ປັບ­ປຸງ​ຊີ­ວິດ​ການ​ເປັນ​ຢູ່​ຂອງ​ຊຸມ​ຊົນ ແລະ ຄົ້ນ­ຄວ້າ​ຜົນ​ກະ­ທົບ​ຂອງ​ໂຄງ­ການ​ປະ­ມົງ​ຊຸມ​ຊົນ ພ້ອມ​ນັ້ນ ເພື່ອ​ປະ­ກອບ­ສ່ວນ​ເຂົ້າ​ໃນ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ໂດຍ​ລວມ​ຂອງ​ລາວ ໂດຍ​ສະ­ເພາະ ວຽກ​ງານ​ດ້ານ​ກະ­ສິ­ກຳ ແລະ ປ່າ­ໄມ້ ທີ່​ຜ່ານ​ການ​ຄຸ້ມ​ຄອງ-ຊົມ­ໃຊ້​ປາ ແລະ ສັດ​ນ້ຳ​ອື່ນໆ​ແບບ​ຍືນ​ຍົງ​ຢູ່​ແມ່­ນ້ຳ​ຂອງ ແລະ ແມ່­ນ້ຳ​ສາ­ຂາ.

    ສຳ­ລັບ​ກິດ­ຈະ­ກຳ​ຫຼັກ​ຂອງ​ໂຄງ­ການ ປັບ­ປຸງ​ການ​ຄຸ້ມ​ຄອງ​ຊັບ­ພະ­ຍາ­ກອນ​ນ້ຳ​ຈືດ​ທຳ​ມະ​ຊາດ ໂດຍ​ຜ່ານ​ການ​ສ້າງ​ວັງ​ສະ­ຫງວນ ຄະ­ນະ​ກຳ­ມະ­ການ​ຄຸ້ມ​ຄອງ​ວັງ​ສະ­ຫງວນ ແລະ ໜ່ວຍ​ງານ​ກວດ­ກາ​ປະ­ມົງ​ຂັ້ນ​ບ້ານ ສົ່ງ­ເສີມ​ການ​ປັບ­ປຸງ​ຊີ­ວິດ​ການ​ເປັນ​ຢູ່ ການ​ພັດ­ທະ­ນາ​ທາງ​ເລືອກ​ໃນ​ການ​ສ້າງ​ລາຍ​ຮັບ ເພື່ອ​ຫຼຸດ­ຜ່ອນ​ການ​ເອື່ອຍ​ອີງ​ຊັບ­ພະ­ຍາ­ກອນ​ນ້ຳ​ຈືດ​ທຳ​ມະ​ຊາດ ປະ​ເມີນ​ຜົນ­ສຳ­ເລັດ ຂໍ້­ຄົງ­ຄ້າງ​ຂອງ​ການ​ຄຸ້ມ​ຄອງ​ການ​ປະ­ມົງ​ແບບ​ມີ​ສ່ວນ​ຮ່ວມ ໃນ​ເຂດ​ແມ່­ນ້ຳ​ຂອງ​ຕອນ​ກາງ ແລະ ຜັນ​ຂະ­ຫຍາຍ​ນະ­ໂຍ­ບາຍ​ກ່ຽວ​ກັບ​ການ​ຄຸ້ມ​ຄອງ​ປະ­ມົງ​ແບບ​ມີ​ສ່ວນ​ຮ່ວມ ເຊິ່ງ​ມີ​ໄລ­ຍະ​ການ­ຈັດ­ຕັ້ງ​ປະ­ຕິ­ບັດ​ເລີ່ມ​ແຕ່​ວັນ​ທີ 14 ມີ­ນາ 2019 ເຖິງ​ເດືອນ​ກັນ­ຍາ 2020.

ຂ່າວທີ່ກ່ຽວຂ້ອງ