ການ​ປູກ​ປ່າ​ຂອງ​ຈີນ​ບັນລຸ 78,67 ລ້ານ​ເຮັກຕາ

271 14 ມ.ນ. 2019 ຂ່າວຕ່າງປະເທດ
ການ​ປູກ​ປ່າ​ຂອງ​ຈີນ​ບັນລຸ 78,67 ລ້ານ​ເຮັກຕາ

    ວັນ​ທີ 12 ມີນາ​ເປັນ​ວັນ​ປູກ​ຕົ້ນໄມ້​ແຫ່ງ​ຊາດ​ຈີນ ໂດຍ​ທ່ານ​ຈ່າງ​ຈ້ຽນ​ລົງ ຫົວໜ້າ​ອົງການ​ປ່າໄມ້ ແລະ ທົ່ງ​ຫຍ້າ​ແຫ່ງ​ຊາດ​ຈີນ ໄດ້​ກ່າວ​ຢູ່​ນະຄອນຫຼວງ​ປັກ​ກິ່ງ​ໃນ​ມື້​ດຽວ​ກັນ​ວ່າ ຈີນ​ໄດ້​ບັນລຸ​ຜົນສຳເລັດ​ອັນ​ພົ້ນ​ເດັ່ນ​ໃນ​ການ​ປູກ​ໄມ້​ໃຫ້​ເປັນ​ປ່າ ແລະ​ ສ້າງ​ພື້ນ​ທີ່​ສີຂຽວ ຊຶ່ງ​ປັດຈຸບັນ​ນີ້ ໄດ້​ປູກ​ຕົ້ນໄມ້​ດ້ວຍ​ບັນລຸ​ເຖິງ 78,67 ລ້ານ​ເຮັກຕາ ກາຍເປັນ​ປະເທດ​ທີ່​ປູກ​ຕົ້ນໄມ້​ຫຼາຍ​ທີ່​ສຸດ​ໃນ​ໂລກ.

    ທ່ານ​ຈ່າງ​ຈ້ຽນ​ລົງ ກ່າວ​ໃນ​ໄລຍະ​ດຳເນີນ​ກອງ​ປະຊຸມ​ສະພາ​ປະຊາຊົນ​ແຫ່ງ​ຊາດ​ຄັ້ງ​ທີ 2 ສະໄໝ​ທີ 13 ໂດຍ​ຊີ້​ໃຫ້​ເຫັນ​ວ່າ ໃນ ປີ 2017 ອົງການ​ສົນທິສັນຍາ​ປ້ອງ​ກັນ​ການ​ກາຍເປັນ​ທະເລຊາຍ​ຂອງ​ອົງການ​ສະຫະ​ປະຊາ​ຊາດ ໄດ້​ຈັດ​ກອງ​ປະຊຸມ​ຢູ່​ເມືອງ​ຄູ​ປູ​ຊີ (ຈີນ) ຊຶ່ງ​ໄດ້​ຊົມເຊີຍ​ວຽກ​ງານ​ປ້ອງ​ກັນ ແລະ ​ຄຸ້ມ​ຄອງ​ທະເລຊາຍ​ຈີນ.

    ໃນ​ຂະນະ​ດຽວ​ກັນ ອົງການ​ການບິນ ແລະ​ ການບິນ​ອະວະກາດ​ອາ​ເມ​ຣິ​ກາ ໄດ້​ເປີດເຜີຍ​ຂໍ້​ມູນ​ສະຖິຕິ ຊີ້​ໃຫ້​ເຫັນ​ວ່າ ໜຶ່ງ​ສ່ວນ​ສີ່​ຂອງ​ເນື້ອທີ່​ເພີ່ມ​ຂຶ້ນ​ຂອງ​ປ່າໄມ້ ແລະ ພື້ນ​ທີ່​ສີຂຽວ​ໃນ​ໂລກ​ແມ່ນ​ຢູ່​ໃນ​ແຜ່ນດິນ​ຈີນ ໃນ​ນັ້ນ ເນື້ອທີ່​ປູກ​ຕົ້ນໄມ້​ບັນລຸ​ເຖິງ 42%. ເບິ່ງ​ໂດຍ​ລວມ​ແລ້ວ ການ​ປູກ​ຕົ້ນໄມ້ ແລະ ສ້າງ​ພື້ນ​ທີ່​ສີຂຽວ​ຂອງ​ຈີນ​ໄດ້​ບັນລຸ​ໝາກຜົນ​ຢ່າງ​ພົ້ນ​ເດັ່ນ​ທີ່​ສຸດ.

ຂ່າວທີ່ກ່ຽວຂ້ອງ