ຂ່າວຫຼ້າສຸດ

ອິນ​ເດຍ​ນຳ​ເຂົ້າ​ອາວຸດ​ຫຼາຍ​ເປັນ​ອັນ​ດັບ​ສອງ​ໃນ​ໂລກ

236 14 ມ.ນ. 2019 ຂ່າວຕ່າງປະເທດ
ອິນ​ເດຍ​ນຳ​ເຂົ້າ​ອາວຸດ​ຫຼາຍ​ເປັນ​ອັນ​ດັບ​ສອງ​ໃນ​ໂລກ

     ໜັງສືພິມ The Hindu ລາຍ​ງານ​ວ່າ ໃນ​ໄລຍະ​ປີ 2014-2018 ອິນ​ເດຍ ເປັນ​ປະເທດ ນຳ​ເຂົ້າ​ອາວຸດ​ຫຼາຍ​ເປັນ​ອັນ​ດັບ​ສອງ​ໃນ​ໂລກ ໂດຍ​ເປັນ​ຮອງ​ຈາກ ອາ​ຣາ​ບີ ຊາ​ອຸ​ດິດ.

    ໜັງສືພິມ​ດັ່ງກ່າວ ອ້າງ​ຕາມ​ບົດ​ລາຍ​ງານ​ໃໝ່​ຫຼ້າ​ສຸດ ຊຶ່ງ​ສະ​ຖາ​ບັນ​ຄົ້ນຄວ້າ​ສັນຕິພາບ​ສາກົນ (SIPRI) ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 11 ມີນາ​ນີ້ ຊີ້​ໃຫ້​ເຫັນ​ວ່າ ໃນ​ໄລຍະ​ປີ 2014-2018 ອິນ​ເດຍ​ກວມ​ເອົາ 9,5% ຂອງ​ຍອດ​ປະລິມານ​ການ​ນຳ​ເຂົ້າ​ອາວຸດ​ໃນ​ໂລກ ທຽບໃສ່​ລະດັບ 12% ໃນ​ໄລຍະ​ເວລາ​ດຽວ​ກັນ ຂອງ​ອາ​ຣາ​ບີ ຊາ​ອຸ​ດິດ.

    ເຖິງ​ຢ່າງໃດ​ກໍ​ຕາມ ການ​ນຳ​ເຂົ້າ​ອາວຸດ​ຂອງ​ອິນ​ເດຍ ໄດ້​ຫຼຸດ​ລົງ 24% ໃນ​ໄລຍະ​ປີ 2009-2013 ແລະ 2014-2018 ຊຶ່ງ​ສ່ວນ​ໜຶ່ງ​ເປັນ​ຍ້ອນ​ການ​ໂຈະ​ການ​ສົ່ງ​ມອບ​ອາວຸດ ທີ່​ຜະລິດ​ຕາມ ໃບ​ອະນຸຍາດ ຂອງ​ບັນດາ​ຜູ້​ໃຫ້ການ​ສະໜອງ​ໃນ​ຕ່າງປະເທດ ເຊັ່ນ​ເຮືອບິນ​ສູ້​ຮົບ​ທີ່​ສັ່ງ​ຊື້​ຈາກ​ຣັດ​ເຊຍ ໃນ​ປີ 2001 ແລະ​ກຳປັ່ນ​ດຳ​ນ້ຳ​ຈາກ​ຝຣັ່ງ ໃນ​ປີ 2008.

ຂ່າວທີ່ກ່ຽວຂ້ອງ