ຊີ​ດານ ກັບ​ມາ​ຄຸມ ມາດ​ຣິດ ເຊັນ​ສັນຍາ​ເຖິງ​ປີ 2022

66 14 ມີ.ນ. 2019 ວົງຈອນກີລາ
ຊີ​ດານ ກັບ​ມາ​ຄຸມ ມາດ​ຣິດ ເຊັນ​ສັນຍາ​ເຖິງ​ປີ 2022

    ຊີ​ເນ​ດິນ ຊີ​ດານ ຄູ​ຝຶກ​ຊາວ​ຝຣັ່ງ ອາຍຸ 46 ປີ ຕັດສິນ​ໃຈ​ກັບ​ມາ​ຄຸມ ຣຽວ ມາດ​ຣິດ ອີກ​ຄັ້ງ ໃນ​ວັນ​ທີ 11 ມີນາ 2019 ຫຼັງ​ອຳ​ລາ​ທີມ​ໄດ້​ພຽງ 10 ເດືອນ ຊີ​ດານ ກ່າວ​ວ່າ: ມີ​ຄວາມສຸກ​ຢ່າງ​ຍິ່ງ​ທີ່​ໄດ້​ກັບ​ມາ​ບ້ານ ຂ້ອຍ​ຕ້ອງການ​ນຳ​ທີມ​ກັບ​ມາ​ໃນ​ຈຸດ​ທີ່​ຄວນ​ເປັນ.

    ກ່ອນ​ໜ້າ​ນີ້ ເບິ່ງ​ຄື​ວ່າ ຊີ​ດານ ຈະ​ບໍ່​ກັບ​ມາ​ມາດ​ຣິດ​ງ່າຍໆ ແຕ່​ຍ້ອນ​ຄວາມ​ຜູກ​ພັນ​ກັບ​ທີມ ແລະ ການ​ເຈລະຈາ​ຕົກລົງ​ປົງໃຈ​ກັນ​ໃໝ່ ແລະ ບັນລຸ​ຂໍ້​ຕົກລົງ​ກັບ​ທີມ ພາຍ​ໃຕ້​ການ​ບໍລິຫານ​ຂອງ ຟໍ​ເຣັນ​ຕີ​ໂນ້ ເປ​ເຣ​​ັສ ປະທານ​ສະໂມສອນ ທີ່​ເຄີຍ​ມີ​ບັນຫາ​ດ້ານ​ແນວ​ຄິດ​ກັບ ຊີ​ດານ ແລະ ຄຣິ​​ສ​ເຕຍ​ໂນ້ ໂຣ​ນາວ​ໂດ້ ອະດີດ​ຊຸບ​ເປີ​ສະ​ຕາ​​ຣ​ຂອງ​ທີມ.

    ຊີ​ດານ ລາ ມາດ​ຣິດ ຫຼັງ​ນຳ​ທີມ​ສ້າງ​ປະຫວັດສາດ​ຄວ້າ​ແຊັມ ຢູ​ຟ່າ ແຊັມ​ປຽນ​ລີກ 3 ລະດູ​ການ​ຕິດຕໍ່​ກັນ​ໃນ​ລະດູ​ການ​ຜ່ານ​ມາ ແຕ່​ບໍ່​ພໍໃຈ​ການ​ກ້າວ​ກ່າຍ​ໜ້າທີ່​ຂອງ​ປະທານ​ສະໂມສອນ ໂດຍ​ສະເພາະ​ການ​ຊື້-ຂາຍ​ນັກກີລາ ຈາກ​ນັ້ນ​ສະໂມສອນ​ໄດ້​ແຕ່ງຕັ້ງ ຊານ​ເຕຍ​ໂກ້ ໂຊ​ລາ​ຣີ້ ອະດີດ​ກອງ​ກາງ ຂອງ​ທີມ​ມາ​ຮັບ​ໜ້າທີ່​ແທນ ຊີ​ດານ ແຕ່​ຄຸມ​ທີມ​ບໍ່​ປະ​ທັບ​ໃຈ​ກອງ​ເຊຍ​ບານ ແລະ ຄະນະ​ບໍລິຫານ​ທີມ ຄຸມ​ທີມ 22 ນັດ ເສຍ​ເຖິງ 8 ສະເໝີ 2 ເປັນຕົ້ນ​ນຳ​ທີມ​ຕົກ​ຮອບ 16 ທີມ​ສຸດ​ທ້າຍ ຢູ​ຟ່າ ແຊັມ​ປຽນ​ລີກ ແລະ ຕົກ​ຮອບ 4 ທີມ​ສຸດ​ທ້າຍ ໂຄ​ປ້າ​ເດວ​ເຣ ລວມ​ທັງ​ຕາມ​ຫຼັງ ບາ​ເຊ​ໂລ​ນາ 12 ຄະແນນ ໂອກາດ​ມີ​ແຊັມ​ຕິດ​ມື​ປີ​ນີ້​ລຳບາກ​ຢ່າງ​ຍິ່ງ ການ​ກັບ​ມາ ຣຽວ ມາດ​ຣິດ ຄັ້ງ​ນີ້​ຂອງ ຊີ​ດານ ຕົກລົງ​ເຊັນ​ສັນຍາ​ກັບ​ທີມ​ເຖິງ​ປີ 2022.

ຂ່າວທີ່ກ່ຽວຂ້ອງ