ຂ່າວຫຼ້າສຸດ

ທີມ​ຊາດ​ລາວ ເສຍ ຫວຽດນາມ 0-1 ປະຕູ AFC U-16 ຮອບ​ຄັດ​ເລືອກ

353 05 ມ.ນ. 2019 ວົງຈອນກີລາ
ທີມ​ຊາດ​ລາວ ເສຍ ຫວຽດນາມ 0-1 ປະຕູ AFC U-16 ຮອບ​ຄັດ​ເລືອກ

    ການ​ແຂ່ງຂັນ​ບານເຕະ​ຍິງ​ຊີງ​ແຊັມ​ອາຊີ ຮຸ່ນ​ອາຍຸ 16 ປີ ຮອບ​ຄັດ​ເລືອກ ຮອບ​ທີ 2 (AFC U-16 WOMEN'S CHAMPIONSHIP 2019 QUALIFIERS ROUND 2) ຈັດ​ຂຶ້ນ​ວັນ​ທີ 3 ມີ ນາ 2019 ຢູ່​ສະໜາມ​ກີລາ​ແຫ່ງ​ຊາດ ຫຼັກ 16 ໂດຍ​ນັດ​ທຳ​ອິດ​ທີມ​ຊາດ​ລາວ ລົງ​ສະໜາມ ພົບ ທີມ​ຊາດ ​ສສ ຫວຽດນາມ ແລະ ທີມ​ຊາດ​ອົດ​ສະ​ຕຣາ​ລີ ພົບ ທີມ​ຊາດ​ອີ​ຣານ.

    ໃນ​ເກມ​ນີ້​ທີມ​ຊາດ​ລາວ ມາ​ພາດ​ທ່າ​ເສຍ​ປະຕູ ໃນ​ນາທີໆ 55 ຈາກ​ການ​ຍິງ​ເຂົ້າ​ປະຕູ​ຕົວ​ເອງ ຂອງ ວິໄລ​ພອນ ເພັງ​ຊະນະ ເຮັດ​ໃຫ້​ທີມ​ຊາດ​ຫວຽດນາມ ບຸກ​ມາ​ຊະນະ ທີມ​ຊາດ​ຍິງ​ລາວ 1-0 ປະຕູ  ສ່ວນ​ທີມ​ຊາດ​ອົດ​ສະ​ຕຣາ​ລີ ສາມາດ​ເອົາ​ຊະນະ ທີມ​ຊາດ​ອີ​ຣານ 3-0 ປະຕູ ສົ່ງ​ຜົນ​ໃຫ້​ທີມ​ຊາດ​ອົດ​ສະ ຕຣາ​ລີ ຂຶ້ນ​ເປັນ​ອັນ​ດັບ 1 ຂອງ​ກຸ່ມ ສ່ວນ​ທີມ​ຊາດ​ຫວຽດນາມ ຢູ່​ອັນ​ດັບ 2.

    ສຳລັບ​ຕາຕະລາງ​ແຂ່ງຂັນ​ນັດ​ຕໍ່​ໄປ (ວັນ​ທີ 5 ມີນາ 2019) ເວລາ 15:00 ໂມງ ທີມ​ຊາດ​ອົດ​ສະ​ຕຣາ​ລີ ພົບ ທີມ​ຊາດ​ຫວຽດນາມ ແລະ ເວລາ 18:30 ໂມງ ທີມ​ຊາດ​ລາວ ພົບ ທີມ​ຊາດ​ອີ​ຣານ ແຂ່ງຂັນ​ຢູ່​ສະໜາມ​ກີລາ​ແຫ່ງ​ຊາດ ຫຼັກ 16 ໂດຍ​ອັນ​ດັບ 1 ແລະ ອັນ​ດັບ 2 ຈະ​ໄດ້​ຜ່ານ​ເຂົ້າ​ຮອບ​ສຸດ​ທ້າຍ ແຂ່ງຂັນ​ຢູ່​ປະເທດ​ໄທ ໃນ​ວັນ​ທີ 15-28 ກັນຍາ 2019. 

ຂ່າວທີ່ກ່ຽວຂ້ອງ