ສະ​ເຕ​ດຽມ ຊຸກຍູ້​ເຄື່ອງ​ກີລາ​ໃຫ້ U-12 ນະຄອນຫຼວງ

395 05 ມ.ນ. 2019 ວົງຈອນກີລາ
 ສະ​ເຕ​ດຽມ ຊຸກຍູ້​ເຄື່ອງ​ກີລາ​ໃຫ້ U-12 ນະຄອນຫຼວງ

      ສູນ​ຈຳໜ່າຍ​ເຄື່ອງ​ກີລາ​ຄົບ​ວົງ​ຈອນ ສະ​ເຕ​ດ້ຽມ​ສະປອດ ຕົວ​ແທນ​ຈຳໜ່າຍ​ເຄື່ອງ​ກີລາ FBT ຈຳກັດ​ຜູ້​ດຽວ​ໃນ ​ສປປ ລາວ ສະໜັບສະໜູນ​ຊຸດ​ກີລາ​ເຕະບານ ມູນ​ຄ່າ 9 ລ້ານ​ກວ່າ​ກີບ ໃຫ້​ນັກກີລາ​ບານເຕະ​ເຍົາວະ​ຊົນ ອາຍຸ​ບໍ່​ເກີນ 12 ປີ (U-12) ນະຄອນຫຼວງ​ວຽງ​ຈັນ ກຽມ​ຕາງໜ້າ ​ສປປ ລາວ ເຂົ້າ​ຮ່ວມ​ການ​ແຂ່ງຂັນ​ກີລາ​ເຕະບານ U-12 ຊີງ​ແຊັມ​ນາໆຊາດ ວັນ​ທີ 11-14 ມີນາ 2019 ຢູ່​ສະໜາມ​ອາ​ມີ້ ຢູ​ໄນ​ເຕັດ ບາງກອກ ປະເທດ​ໄທ ໂດຍ​ທະຫານ​ໄທ​ຮັບ​ກຽດ​ເປັນ​ເຈົ້າພາບ.

    ພິທີ​ມອບ-ຮັບ​ເຄື່ອງ​ດັ່ງກ່າວ ຈັດ​ຂຶ້ນ​ວັນ​ທີ 2 ມີນາ 2019 ຢູ່​ສະໜາມ​ກີລາ​ສັບພະ​ວິຊາ ເຊິ່ງ​ມອບ​ໂດຍ​ທ່ານ ສົງການ ພັນ​ແພງ​ດີ ຜູ້​ຈັດການ​ທີມ​ເຕະບານ U-12 ນະຄອນຫຼວງ​ວຽງ​ຈັນ ແລະ ຮັບ​ໂດຍ​ທ່ານ ພູ​ທອງ ວົງກົດ ຜູ້​ຊ່ວຍ​ຄູ​ເຝີກ U-12 ນະຄອນຫຼວງ​ວຽງ​ຈັນ ມີ​ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

    ການ​ແຂ່ງຂັນ​ລາຍການ​ນີ້ ມີ 6 ປະເທດ​ເຂົ້າ​ຮ່ວມ ແບ່ງ​ເປັນ 2 ກຸ່ມ ແຂ່ງຂັນ​ພົບ​ກັນ​ໝົດ ຄັດ​ເອົາ​ທີ 1-2 ຜ່ານ​ເຂົ້າ​ຮອບ 4 ທີມ​ສຸດ​ທ້າຍ ສຳລັບ​ນະຄອນຫຼວງ​ວຽງ​ຈັນ ຖືກ​ຈັດ​ຢູ່​ຮ່ວມ​ກຸ່ມ A ກັບ ປະເທດ​ຍີ່ປຸ່ນ ແລະ ​ສສ ຫວຽດນາມ ສ່ວນ​ກຸ່ມ B ປະກອບ​ມີ​ທະຫານ​ໄທ ຮົງ​ກົງ ແລະ ປະເທດ​ອັງກິດ.

ຂ່າວທີ່ກ່ຽວຂ້ອງ