ຂ່າວຫຼ້າສຸດ

ສປປ ລາວ ຫຼຸດຜ່ອນ ແລະ ເຊົາໃຊ້ສານເຄມີ ທີ່ທຳລາຍຊັ້ນໂອໂຊນ

4.374 14 ກ.ພ. 2011 ພັດທະນານະຄອນຫຼວງ

<p style="text-align: justify;"> ສປປ ລາວ ໄດ້​ເຂົ້າ​ຮ່ວມ​ເປັນ​ພາ­ຄີ​ຕໍ່​ສົນ­ທິ­ສັນ­ຍາ​ວຽນ​ນາ ວ່າ​ດ້ວຍ​ການ​ປົກ​ປ້ອງ​ຊັ້ນ​ໂອ​ໂຊນ ແລະ ອະ­ນຸ​ສັນ­ຍາ​ມົງ​ເຣ​ອານ ວ່າ​ດ້ວຍ​ການ​ຫຼຸດ­ຜ່ອນ ແລະ ເຊົາ​ໃຊ້​ສານ​ເຄ​ມີ​ທີ່​ທຳ­ລາຍ​ຊັ້ນ​ໂອ​ໂຊນ ໃນ​ວັນ​ທີ 21 ສິງ­ຫາ 1998 ເປັນ­ຕົ້ນ​ມາ ນອກ​ນັ້ນ ສປປ ລາວ ຍັງ​ໄດ້​ລົງ​ນາມ​ໃນ​ສົນ­ທິ­ສັນ­ຍາ​ລອນ​ດອນ ໂຄ​ເປັນ​ຮາ​ເກນ ມົງ​ເຣ​ອານ ແລະ ປັກ​ກິ່ງ ສະ­ບັບ​ດັດ­ແກ້​ປີ 2006 ເຊິ່ງ​ລາວ​ເຮົາ​ໄດ້​ຖືກ​ຈັດ​ຢູ່​ໃນ​ກຸ່ມ​ປະ­ເທດ​ພາຍ​ໃຕ້ Article 5 ສາ­ມາດ​ຂໍ​ຮັບ​ຄວາມ​ຊ່ວຍ­ເຫຼືອ ທາງ​ດ້ານ​ການ​ເງິນ ຈາກ​ກອງ​ທຶນ​ຫຼາຍ​ຝ່າຍ​ໄດ້.</p> <p style="text-align: justify;"> ໃນ​ການ​ຫຼຸດ­ຜ່ອນ ແລະ ເຊົາ​ໃຊ້​ສານ​ຊະ­ນິດ CFCs ໄດ້​ມີ​ການ​ນຳ​ມາດ​ຕະ­ການ​ຕ່າງໆ ເຊິ່ງ​ປະ­ກອບ​ດ້ວຍ​ການ​ຄວບ​ຄຸມ ກົດ­ໝາຍ ຄວາມ​ຊ່ວຍ­ເຫຼືອ​ດ້ານ​ເຕັກ­ນິກ ການ​ເສີມ​ສ້າງ​ປະ­ສິດ­ທິ­ພາບ ການ​ປະ­ຊາ­ສຳ­ພັນ ການ​ປັບ​ປ່ຽນ​ຂະ​ບວນ​ການ​ຜະ­ລິດ ແລະ ການ​ໃຫ້­ການ​ສະ­ໜັບ­ສະ­ໜູນ ແກ່​ຜູ້​ດຳ­ເນີນ​ທຸ­ລະ​ກິດ ຈຳ­ໜ່າຍ​ຜະ­ລິດ​ຕະ​ພັນ​ທີ່​ໃຊ້​ສານ​ຊະ­ນິດ CFCs ໃນ​ການ​ປັບ​ປ່ຽນ​ສານ​ທົດ​ແທນ​ເປັນ­ຕົ້ນ.</p> <p style="text-align: justify;"> ສຳ­ລັບ ສປປ ລາວ ແລ້ວ ຄະ­ນະ​ອະ­ນຸ​ກຳ­ມະ­ການ ການ​ບໍ­ລິ­ຫານ​ກອງ​ທຶນ​ຫຼາຍ​ຝ່າຍ ໃນ​ກອງ​ປະ­ຊຸມ​ຄັ້ງ​ທີ 55 ປີ 2008 ໄດ້​ອະ­ນຸ­ມັດ​ເງິນ​ຊ່ວຍ­ເຫຼືອ​ແກ່ ສປປ ລາວ ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ດັ່ງ­ກ່າວ ຜ່ານ​ອົງ­ການ​ສະ­ຫະ​ປະ­ຊາ​ຊາດ ເພື່ອ​ແຜນ​ງານ​ສິ່ງ­ແວ­ດລ້ອມ (United Nations Environment Program) ຫຼື (UNEP) ໃນ​ການ​ສຳ​ຫຼວດ ແລະ ເກັບ​ກຳ​ຂໍ້​ມູນ​ການ​ນຳ​ໃຊ້​ສານ​ຊະ­ນິດ HCFCs ທົ່ວ​ປະ­ເທດ ເພື່ອ​ສ້າງ​ເປັນ​ແຜນ​ງານ​ຫຼຸດ­ຜ່ອນ ແລະ ເຊົາ​ໃຊ້​ສານ​ດັ່ງ­ກ່າວ ໃຫ້​ເປັນ​ໄປ​ຕາມ​ຂໍ້​ກຳ­ນົດ​ຂອງ​ອະ­ນຸ​ສັນ­ຍາ​ມົງ​ເຣ​ອານ ພາຍ​ໃຕ້​ໂຄງ­ການ​ເອີ້ນ​ວ່າ: <strong>ແຜນ​ຫຼຸດ­ຜ່ອນ ແລະ ເຊົາ​ໃຊ້​ສານ​ຊະ­ນິດ </strong><strong>HCFCs </strong>ເຊິ່ງ​ການ­ຈັດ­ຕັ້ງ​ໂຄງ­ການ​ດັ່ງ­ກ່າວ​ນັ້ນ ມີ​ຈຸດ­ປະ­ສົງ​ເພື່ອ​ເກັບ​ກຳ​ຂໍ້​ມູນ​ການ​ນຳ​ເຂົ້າ ແລະ ການ​ຊົມ­ໃຊ້​ສານ​ເຄ​ມີ ທີ່​ທຳ­ລາຍ​ຊັ້ນ​ໂອ​ໂຊນ​ຊະ­ນິດ HCFCs ໃນ​ຂົງ­ເຂດ​ການ​ນຳ​ໃຊ້ ແລະ ການ​ຜະ­ລິດ​ທົ່ວ​ປະ­ເທດ ພ້ອມ​ກັນ​ນັ້ນ ຍັງ​ແນ­ໃສ່​ເພື່ອ​ສະ­ໜອງ​ຂໍ້​ມູນ​ດັ່ງ­ກ່າວ ໃນ​ການ​ສ້າງ​ແຜນ​ງານ​ວ່າ​ດ້ວຍ​ແຜນ​ຫຼຸດ­ຜ່ອນ ແລະ ເຊົາ​ໃຊ້​ສານ​ຊະ­ນິດ HCFCs ໃນ ສປປ ລາວ ເຊິ່ງ​ລາວ​ເຮົາ​ໄດ້​ແບ່ງ​ສະ­ຖານ­ທີ່​ສຳ​ຫຼວດ ແລະ ເກັບ​ກຳ​ຂໍ້​ມູນ​ສານ​ເຮັດ​ຄວາມ​ເຢັນ​ຊະ­ນິດ HCFCs ເປັນ 3 ພາກ­ສ່ວນ​ຄື: 1. ພາກ­ສ່ວນ​ທີ່​ນຳ​ໃຊ້​ຜະ­ລິດ​ຕະ​ພັນ ທີ່​ບັນ­ຈຸ​ສານ​ເຄ​ມີ​ເຮັດ​ຄວາມ​ເຢັນ ເຊັ່ນ: ສຳ­ນັກ­ງານ ໂຮງ­ງານ ໂຮງ­ແຮມ ເຮືອນ​ພັກ ຣີ​ສອດ ຮ້ານ​ອາ­ຫານ ແລະ ສະ­ຖານ­ທີ່​ບັນ­ເທີງ​ຕ່າງໆ ພາກ­ສ່ວນ​ທີ 2. ພາກ­ສ່ວນ​ທີ່​ນຳ​ໃຊ້​ສານ​ເຮັດ​ຄວາມ​ເຢັນ​ຊະ­ນິດ HCFCs ເຊັ່ນ: ຮ້ານ​ຂາຍ ແລະ ສ້ອມ­ແປງ​ເຄື່ອງ​ເຢັນ ແລະ ພາກ­ສ່ວນ​ທີ 3. ພາກ­ສ່ວນ​ບັນ­ທຶກ​ຂໍ້​ມູນ​ນຳ​ເຂົ້າ-ສົ່ງ​ອອກ ເຊັ່ນ: ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ກົມ​ພາ­ສີ ແລະ ບໍ­ລິ­ສັດ​ທີ່​ນຳ​ເຂົ້າ ແລະ ສົ່ງ​ອອກ ໃນ​ຂອບ​ເຂດ​ທົ່ວ​ປະ­ເທດ.</p> <p style="text-align: justify;"> ໃນ​ປີ 2009 ຊີ້​ໃຫ້​ເຫັນ​ວ່າ ມີ​ຈຳ­ນວນ​ຄອບ­ຄົວ​ໃຊ້​ເຄື່ອງ​ເຢັນ​ເປັນ­ຕົ້ນ​ແມ່ນ ຕູ້­ເຢັນ ແອ​ເຢັນ ແລະ ຕູ້​ແຊ່ ມີ​ຈຳ­ນວນ​ສູງ​ສົມ­ຄວນ ເຊິ່ງ​ທັງ​ໝົດ​ເຄື່ອງ­ໃຊ້​ດັ່ງ­ກ່າວ ແມ່ນ​ເປັນ​ສາ­ເຫດ​ຫຼັກ ໃນ​ການ​ຊົມ­ໃຊ້​ສານ​ເຄ​ມີ​ທີ່​ທຳ­ລາຍ​ຊັ້ນ​ໂອ​ໂຊນ ໃນ​ປັດ­ຈຸ­ບັນ.</p> <p style="text-align: justify;"> ຂໍ້​ມູນ​ຂ້າງ​ເທິງ​ນັ້ນ ແມ່ນ​ອີງ​ຕາມ​ບົດ​ລາຍ​ງານ​ການ​ສຳ​ຫຼວດ​ເກັບ​ກຳ​ຂໍ້​ມູນ​ສານ​ເຄ​ມີ ທີ່​ທຳ­ລາຍ​ຊັ້ນ​ໂອ​ໂຊນ ໃນ ສປປ ລາວ ຂອງ​ອົງ­ການ​ຊັບ­ພະ­ຍາ­ກອນ​ນ້ຳ ແລະ ສິ່ງ­ແວ­ດລ້ອມ ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ.</p> <p style="text-align: justify;"> <strong>ໂດຍ: ດາວ​ວອນ</strong></p>

ຂ່າວທີ່ກ່ຽວຂ້ອງ