ຂ່າວຫຼ້າສຸດ

ປະຊາຊົນບ້ານໂປຼະ ປະກອບສ່ວນສ້າງນ້ຳລິນ

2.605 14 ກ.ພ. 2011 ຫຼຸດຜ່ອນຄວາມທຸກຍາກ

<p style="text-align: justify;"> ບ້ານ​ໂປຼະ ເປັນ​ບ້ານ​ໜຶ່ງ​ທີ່​ຂຶ້ນ​ກັບ​ກຸ່ມ​ບ້ານ​ໂປຼະ ເມືອງ​ກະ­ລຶມ ແຂວງ​ເຊ​ກອງ ເປັນ​ບ້ານ​ຊົນ­ເຜົ່າ​ຕະ​ໂອ້ຍ ປະ­ຊາ­ຊົນ​ຕັ້ງ​ບ້ານ​ເຮືອນ​ຕາມ​ຮ່ອມ​ພູ ບ້ານ​ດັ່ງ­ກ່າວ ປະ­ກອບ​ມີ 35 ຄອບ­ຄົວ 17 ຫຼັງ­ຄາ​ເຮືອນ ມີ​ພົນ­ລະ­ເມືອງ​ທັງ​ໝົດ 140 ຄົນ ຍິງ 68 ຄົນ.</p> <p style="text-align: justify;"> ໃນ​ໄລ­ຍະ​ຜ່ານ​ມາ ແມ່­ຍິງ ແລະ ເດັກ­ນ້ອຍ ໄດ້​ໄປ​ຕັກ​ນ້ຳ​ຢູ່​ໄກ ຕາມ​ຫ້ວຍ­ຮ່ອງ​ລົງ​ພູ​ຂຶ້ນ​ພູ ຕົກ​ຮອດ​ລະ­ດູ­ຝົນ ແມ່ນ​ໄດ້​ລອຍ­ນ້ຳ​ໄປ​ຕັກ​ນ້ຳ​ມາ​ກິນ ຕາມ​ຫ້ວຍ­ຮ່ອງ ເຊິ່ງ​ສ່ຽງ​ຕໍ່​ການ​ເກີດ​ພະ­ຍາດ​ຕ່າງໆ ອັນ​ເປັນ​ສາ­ເຫດ​ພາ­ໃຫ້​ເຈັບ​ປ່ວຍ ແລະ ເສຍ​ຊີ­ວິດ.</p> <p style="text-align: justify;"> ມາ​ຮອດ​ຮອບ​ວຽນ​ທີ 7 ສົກ​ປີ 2009-2010 ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ (ທລຍ) ໄດ້​ລົງ​ຄັດ​ເລືອກ​ບູ​ລິ​ມະ​ສິດ​ຄວາມ​ຕ້ອງ­ການ​ຂັ້ນ​ບ້ານ ດັ່ງ­ນັ້ນ ບ້ານ​ໂປຼະ ຈຶ່ງ​ໄດ້​ສະ­ເໜີ​ເອົາ​ໂຄງ­ການ​ກໍ່­ສ້າງ​ນ້ຳ​ລິນ ໃຫ້​ເປັນ​ບູ​ລິ​ມະ​ສິດ​ທີ່​ໜຶ່ງ​ຂອງ​ບ້ານ ແລະ ຖືກ​ຮັບ­ຮອງ​ຢູ່​ກອງ​ປະ­ຊຸມ​ຕັດ­ສິນ​ຂັ້ນ​ເມືອງ.</p> <p style="text-align: justify;"> ແຕ່​ວ່າ​ໂຄງ­ການ​ກໍ່­ສ້າງ​ນ້ຳ​ລິນ​ດັ່ງ­ກ່າວ ບໍ່​ຖືກ​ຈັດ​ຕັ້ງ​ປະ­ຕິ­ບັດ ຍ້ອນ​ວ່າ​ບ້ານ​ດັ່ງ­ກ່າວ ຕັ້ງ​ຢູ່​ເຂດ​ຫ່າງ​ໄກ​ສອກ­ຫຼີກ ບໍ່​ມີ​ທາງ​ລົດ​ເຂົ້າ​ເຖິງ ການ​ຂົນ​ວັດ­ຖຸ​ກໍ​ມີ​ຄວາມ​ຫຍຸ້ງ­ຍາກ ແຕ່​ສາ­ມາດ​ເຂົ້າ​ເຖິງ​ບ້ານ​ດັ່ງ­ກ່າວ​ໄດ້​ສອງ​ເສັ້ນ­ທາງ​ຄື: ເດີນ­ທາງ​ອອກ​ຈາກ​ເທດ­ສະ­ບານ​ເມືອງ​ກະ­ລຶມ ແມ່ນ​ຕ້ອງ​ໄດ້​ຂີ່​ເຮືອ​ຕາມ​ລຳ​ນ້ຳ​ເຊ​ກອງ ຂຶ້ນ​ໄປ​ຮອດ​ຈຸດ​ບ້ານ​ບາກ​ເກົ່າ ປະ­ມານ 2 ຊົ່ວ­ໂມງ ແລ້ວ​ເລີ່ມ​ຍ່າງ​ແຕ່​ບ້ານ​ບາກ​ຫາ​ບ້ານ​ໂປຼະ ໂດຍ​ເລາະ​ຕາມ​ຫ້ວຍ​ນ້ອຍ​ຫຼາຍ​ບ່ອນ ແລະ ຮ່ອມ​ພູ ເຫວ​ຊັນ ໃຊ້​ເວ­ລາ​ປະ­ມານ 1 ວັນ ແລະ ເສັ້ນ­ທາງ​ທີ 2 ແມ່ນ​ເດີນ­ທາງ ຕ້ອງ​ຂີ່​ລົດ​ໄປ​ແຂວງ​ສາ­ລະ​ວັນ ແລ້ວ​ຂີ່​ລົດ​ໄປ​ເມືອງ​ຕະ​ໂອ້ຍ ແລະ ບ້ານ​ຕຸງ​ຊະ ຫຼັງ​ຈາກ​ນັ້ນ​ແມ່ນ​ຍ່າງ​ຂຶ້ນ ແລະ ລົງ​ຕາມ​ພູ​ສູງ ເຊິ່ງ​ໃຊ້​ເວ­ລາ ປະ­ມານ 4 ຫາ 5 ຊົ່ວ­ໂມງ​ຈຶ່ງ​ຮອດ.</p> <p style="text-align: justify;"> ສະ­ນັ້ນ ຕົກ​ມາ​ຮອດ​ຮອບ​ວຽນ​ທີ 8 (ສົກ​ປີ 2010-2011) ປະ­ຊາ­ຊົນ​ພາຍ​ໃນ​ບ້ານ​ໂປຼະ ຈຶ່ງ​ໄດ້​ຕັດ­ສິນ​ໃຈ​ຂົນ​ວັດ​ສະ​ດຸ​ຈາກ​ບ້ານ​ຕຸງ​ຊະ ແຂວງ​ສາ­ລະ​ວັນ ບ່ອນ​ລົດ​ສົ່ງ​ເຄື່ອງ​ມາ​ຮອດ ໂດຍ​ໃຊ້​ແຮງ​ງານ​ທັງ​ໝົດ 70 ຄົນ ແລະ ໃຊ້​ເວ­ລາ​ທັງ​ໝົດ 13 ວັນ ຈຶ່ງ​ຂົນ​ເຄື່ອງ​ສຳ­ເລັດ.</p> <p style="text-align: justify;"> ຫຼັງ​ຈາກ​ນັ້ນ ປະ­ຊາ­ຊົນ​ບ້ານ​ດັ່ງ­ກ່າວ ຈຶ່ງ​ໄດ້​ລົງ­ມື​ຈັດ​ຕັ້ງ​ປະ­ຕິ­ບັດ ໂດຍ​ພະ­ນັກ­ງານ ທລຍ ເມືອງ ແລະ ແຂວງ ເປັນ​ຜູ້​ແນະ­ນຳ​ທາງ​ດ້ານ​ວິ­ຊາ​ການ ໂດຍ​ໃຊ້​ເວ­ລາ​ໃນ​ການ​ກໍ່­ສ້າງ​ນ້ຳ​ລິນ​ບ້ານ​ດັ່ງ­ກ່າວ 1 ເດືອນ ຈຶ່ງ​ສຳ­ເລັດ ເຊິ່ງ​ເລີ່ມ​ຈັດ​ຕັ້ງ​ປະ­ຕິ­ບັດ​ແຕ່​ຕົ້ນ​ເດືອນ​ທັນ­ວາ 2010 ແລະ ສຳ­ເລັດ​ລົງ​ໃນ​ຕົ້ນ​ເດືອນ​ມັງ­ກອນ 2011 ສຳ­ລັບ​ການ​ກໍ່­ສ້າງ​ນ້ຳ​ລິນ​ດັ່ງ­ກ່າວ ທລຍ ໄດ້​ໃຫ້­ການ​ສະ­ໜັບ­ສະ­ໜູນ​ກ່ວ​າ 75 ລ້ານ​ກີບ.</p> <p style="text-align: justify;"> ປັດ­ຈຸ­ບັນ ປະ­ຊາ­ຊົນ​ພາຍ​ໃນ​ບ້ານ​ແມ່ນ​ມີ​ຄວາມ​ດີ​ອົກ​ດີ­ໃຈ​ຫຼາຍ ທຸກ​ຄົນ​ມີ​ໃບ​ໜ້າ​ອັນ​ເບີກ­ບານ​ມ່ວນ­ຊື່ນ ບໍ່​ຫຍຸ້ງ­ຍາກ​ໃນ​ການ​ໄປ​ຕັກ​ນ້ຳ​ກິນ​ນ້ຳ​ໃຊ້​ຄື​ແຕ່​ກ່ອນ​ແລ້ວ ທ່ານ ຄຳ​ບືນ ນາຍ­ບ້ານ ບ້ານ​ໂປຼະ​ໄດ້​ກ່າວ​ວ່າ <strong>ພາຍ­ຫຼັງ​ນ້ຳ​ລິນ​ໄດ້​ກໍ່­ສ້າງ​ສຳ­ເລັດ​ແລ້ວ ປະ­ຊາ­ຊົນ​ພາຍ​ໃນ​ບ້ານ​ພວກ​ເຮົາ ໄດ້​ມີ​ນ້ຳ​ສະ­ອາດ​ໃຊ້​ຢ່າງ​ພຽງ­ພໍ ແລະ ບໍ່​ໄດ້​ລຳ­ບາກ​ໃນ​ການ​ໄປ​ຕັກ​ນ້ຳ​ຢູ່​ໄກ ໂດຍ​ສະ­ເພາະ​ແມ່ນ​ແມ່­ຍິງ ແລະ ເດັກ­ນ້ອຍ ຈະ​ບໍ່​ໄດ້​ລຳ­ບາກ​ຄື​ແຕ່​ກ່ອນ​ອີກ </strong>ທ່ານ​ໄດ້​ກ່າວ​ຕື່ມ​ວ່າ: <strong>ຈະ​ປົກ​ປັກ​ຮັກ­ສາ​ຄວາມ​ສະ­ອາດ ແລະ ຮັກ­ສາ​ແຫຼ່ງ​ນ້ຳ​ໃຫ້​ມີ​ນ້ຳ​ໃຊ້​ຢ່າງ​ຍືນ​ຍົງ ເຊັ່ນ​ລູກ​ເຊັ່ນ​ຫຼານ ແລະ ຂໍ​ຂອບ­ໃຈ​ມາ​ຍັງ​ພັກ</strong><strong>-ລັດ ກໍ​ຄື​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ ທີ່​ໄດ້​ໃຫ້­ການ​ຊ່ວຍ­ເຫຼືອ​ໃນ​ຄັ້ງ​ນີ້.</strong></p> <p style="text-align: justify;"> <strong>ໂດຍ: ຈັນ​ສຸກ ສີ​ວໍ­ລະ​ວົງ</strong></p>

ຂ່າວທີ່ກ່ຽວຂ້ອງ