ຈະສົ່ງເສີມກີລາເຕະບານພາຍໃນແຂວງ ໃຫ້ເຄື່ອນໄຫວຫຼາຍຂຶ້ນ

139 26 ກ.ພ. 2019 ວົງຈອນກີລາ
ຈະສົ່ງເສີມກີລາເຕະບານພາຍໃນແຂວງ ໃຫ້ເຄື່ອນໄຫວຫຼາຍຂຶ້ນ

    ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ໄດ້​ຈັດ​ກອງ​ປະ­ຊຸມ​ພັດ­ທະ­ນາ​ກີ­ລາ​ເຕະ­ບານ​ທົ່ວ​ປະ­ເທດ ຄັ້ງ​ທີ 1 ຈັດ​ຂຶ້ນ​ວັນ​ທີ 23 ກຸມ­ພາ 2019 ຜ່ານ​ມາ ຢູ່​ຫ້ອງ​ປະ­ຊຸມ ສຕລ ໂດຍ​ການ​ເປັນ​ປະ­ທານ​ຂອງ​ທ່ານ ບົວ​ລານ ສິ­ລິ​ປັນ­ຍາ ຮອງ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ມີ​ຫົວ­ໜ້າ​ກົມ ປະ­ທານ ສຕລ ຮອງ​ປະ­ທານ ພ້ອມ​ດ້ວຍ​ຜູ້­ຕາງ­ໜ້າ​ສະ­ຫະ­ພັນ​ບານ­ເຕະ​ທີ່​ມາ​ຈາກ​ບັນ­ດາ​ແຂວງ ໃນ​ຂອບ​ເຂດ​ທົ່ວ​ປະ­ເທດ​ເຂົ້າ​ຮ່ວມ.

    ຈັດ​ກອງ​ປະ­ຊຸມ​ໃນ​ຄັ້ງ​ນີ້ ເພື່ອ​ເຜີຍ­ແຜ່​ພາ­ລະ​ບົດ­ບາດ​ຂອງ ສຕລ ໃຫ້​ແກ່​ບັນ­ດາ​ພະ​ແນກ​ສຶກ​ສາ​ທິ​ການ ແລະ ກີ­ລາ ແລະ ສະ­ຫະ­ພັນ​ເຕະ­ບານ​ແຂວງ ເສີມ​ຂະ­ຫຍາຍ​ການ​ປະ­ສານ​ງານ ແລະ ຮັດ​ແໜ້ນ​ສາຍ­ສຳ­ພັນ​ລະ­ຫວ່າງ​ສະ­ຫະ­ພັນ​ເຕະ­ບານ​ແຂວງ ແລະ ສຕລ ຊຸກ­ຍູ້​ໃຫ້​ທຸກໆ​ແຂວງ ແລະ ນະ­ຄອນ­ຫຼວງ ໃຫ້​ມີ​ສະ­ຫະ­ພັນ​ເຕະ­ບານ​ແຂວງ ເພື່ອ​ສ້າງ​ໃຫ້​ມີ​ການ­ເຄື່ອນ­ໄຫວ​ກິດ­ຈະ­ກຳ​ເຕະ­ບານ​ຢ່າງ​ເປັນ​ປະ­ຈຳ ຊຸກ­ຍູ້​ບັນ­ດາ​ສະ­ຫະ­ພັນ​ເຕະ­ບານ​ແຂວງ ດ້ານ​ອຸ­ປະ­ກອນ​ການ​ຈັດ­ການ​ແຂ່ງ­ຂັນ ດ້ານ​ເຝິກ­ອົບ­ຮົມ ແລະ ເຕັກ­ນິກ ຕະ­ຫຼອດ​ຮອດ​ດ້ານ​ງົບ­ປະ­ມານ ເພື່ອ​ສົ່ງ­ເສີມ​ໃຫ້​ມີ​ການ­ເຄື່ອນ­ໄຫວ​ກີ­ລາ​ເຕະ­ບານ​ພາຍ​ໃນ​ແຂວງ.

ຂ່າວທີ່ກ່ຽວຂ້ອງ