ອິນ​ເດຍ​ມີ​ກຳນົດ​ທີ່​ຈະ​ລົງທຶນ​ກວ່າ 12 ຕື້​ໂດ​ລາ​ເພື່ອ​ຫຼຸດຜ່ອນ​ມົນ​ລະ​ພິດ​ໃນ​ອາກາດ

422 25 ກ.ພ. 2019 ຂ່າວຕ່າງປະເທດ
ອິນ​ເດຍ​ມີ​ກຳນົດ​ທີ່​ຈະ​ລົງທຶນ​ກວ່າ 12 ຕື້​ໂດ​ລາ​ເພື່ອ​ຫຼຸດຜ່ອນ​ມົນ​ລະ​ພິດ​ໃນ​ອາກາດ

    ລັດຖະບານ​ອິນ​ເດຍ ໄດ້​ນຳ​ສະເໜີ​ຫຼາຍ​ແນວ​ຄວາມ​ຄິດ ດ້ວຍ​ຍອດ​ມູນ​ຄ່າ 885 ຕື້​ຣູ​ປີ (ເທົ່າ​ກັບ 12,4 ຕື້​ໂດ​ລາ​ສະຫະລັດ) ເພື່ອ​ສົ່ງເສີມ​ໃຫ້​ບັນດາ​ໂຮງງານ​ໄຟຟ້າ ຕິດ​ຕັ້ງ​ອຸປະກອນ​ຫຼຸດຜ່ອນ​ມົນ​ລະ​ພິດ ແລະ ພັດທະນາ​ພື້ນຖານ​ໂຄງ​ລ່າງ​ໃຫ້​ແກ່​ລົດໄຟ​ຟ້າ.

   ແຈ້ງ​ການ​ຂອງ​ລັດຖະບານ​ອິນ​ເດຍ ໃຫ້​ຮູ້​ວ່າ 835 ຕື້​ຣູ​ປີ ຈາກ​ຈຳນວນ​ເງິນ​ດັ່ງກ່າວ ຈະ​ໄດ້​ນຳ​ໃຊ້​ເພື່ອ​ຫຼຸດຜ່ອນ​ການ​ປ່ອຍ​ແກ​​ັສ Sulfur ຈາກ​ບັນດາ​ໂຮງງານ​ໄຟຟ້າ ແລະ​ສ່ວນ​ທີ່​ຍັງ​ເຫຼືອ ຈະ​ນຳ​ໃຊ້​ເຂົ້າ​ໃນ​ການ​ພັດທະນາ​ພື້ນຖານ​ໂຄງ​ລ່າງ​ໃຫ້​ແກ່​ລົດໄຟ​ຟ້າ ຢູ່​ໃນ 70 ນະຄອນ ພາຍ​ໃນ​ເວລາ 5 ປີ ໂດຍ​ໄລ່​ຮອດ​ປີ 2025.

    ແນວ​ຄວາມ​ຄິດ​ພັດທະນາ​ພື້ນຖານ​ໂຄງ​ລ່າງ​ໃຫ້​ແກ່​ລົດໄຟ​ຟ້າ ເປັນຄວາມ​ພະຍາຍາມ​ປະການ​ໜຶ່ງ​ຂອງ​ອິນ​ເດຍ ເພື່ອ​ສົ່ງເສີມ​ການ​ຂາຍ​ລົດໄຟ​ຟ້າ​ເພີ່ມ​ຂຶ້ນ ດ້ວຍ​ຄວາມ​ຫວັງ​ວ່າ​ຈະ​ໃຊ້​ລົດໄຟ​ຟ້າ​ຢ່າງ​ສິ້ນ​ເຊີງ ພາຍ​ໃນ​ປີ 2030.

    ການ​ນຳ​ສະເໜີ​ດັ່ງກ່າວ ຂອງ​ກະຊວງ​ໄຟຟ້າ​ອິນ​ເດຍ​ຖືກ​ນຳ​ອອກ​ມາ ຫຼັງ​ຈາກ​ທີ່​ມີ​ການ​ນຳ​ສະເໜີ​ວ່າ ຄ່າ​ໃຊ້​ຈ່າຍ ໃນ​ການ​ຕິດ​ຕັ້ງ​ອຸປະກອນ​ຫຼຸດຜ່ອນ​ມົນ​ລະ​ພິດ ຄວນ​ແມ່ນ​ຜູ້​ບໍລິໂພກ​ເປັນ​ຜູ້​ຈ່າຍ.

ຂ່າວທີ່ກ່ຽວຂ້ອງ