ຫວຽດນາມ ນຳ​ເຂົ້າ​ສິນຄ້າ​ຈາກ​ຈີນ​ບັນລຸ​ມູນ​ຄ່າ 6,1 ຕື້​ໂດ​ລາ

513 25 ກ.ພ. 2019 ຂ່າວຕ່າງປະເທດ
ຫວຽດນາມ ນຳ​ເຂົ້າ​ສິນຄ້າ​ຈາກ​ຈີນ​ບັນລຸ​ມູນ​ຄ່າ  6,1 ຕື້​ໂດ​ລາ

    ສະຖິຕິ​ຂອງ​ກະຊວງ​ອຸດສາຫະກຳ ການ​ຄ້າ​ຫວຽດນາມ ຊີ້​ໃຫ້​ເຫັນ​ວ່າ ໃນ​ເດືອນ​ມັງກອນ ປີ 2019 ຫວຽດນາມ ສົ່ງ​ອອກ​ສິນຄ້າ​ໄປ​ຍັງ​ຕະຫຼາດ​ຈີນ ຄາດ​ວ່າ​ບັນລຸ​ມູນ​ຄ່າ 3,77 ຕື້​ໂດ​ລາ​ສະຫະລັດ ເພີ່ມ​ຂຶ້ນ 3,2% ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ 2018 ໃນ​ຂະນະ​ທີ່​ການ​ນຳ​ເຂົ້າ​ສິນຄ້າ​ຈາກ​ຈີນ ບັນລຸ​ເຖິງ 6,1 ຕື້​ໂດ​ລາ​ສະຫະລັດ ເພີ່ມ​ຂຶ້ນ 6% ເມື່ອ​ທຽບໃສ່ ເດືອນ​ມັງກອນ ປີ 2018. ດັ່ງນັ້ນ ໃນ​ເດືອນ​ມັງກອນ ຫວຽດນາມ ນຳ​ເຂົ້າ​ສິນຄ້າ​ຈາກ​ຈີນ​ເກີນ​ດຸນ​ໃນ​ມູນ​ຄ່າ​ປະມານ 2,33 ຕື້ ໂດ​ລາ​ສະຫະລັດ.

   ການ​ສະຫຼຸບ​ຂອງ​ສູນ​ຂໍ້​ມູນ​ຂ່າວສານ ດ້ານ​ອຸດສາຫະກຳ ແລະ ການ​ຄ້າ (ກະຊວງ​ອຸດສາຫະກຳ ການ​ຄ້າ​ຫວຽດນາມ) ທີ່​ມີ​ອອກ​ມາ​ກ່ອນ​ໜ້າ​ນັ້ນ ໃຫ້​ຮູ້​ວ່າ ມູນ​ຄ່າ​ການ​ຄ້າ​ຂາ​ອອກ-ຂາ​ເຂົ້າ ລະຫວ່າງ​ຫວຽດນາມ ກັບ​ຈີນ ໃນ​ປີ 2018 ບັນລຸ 106,71 ຕື້​ໂດ​ລາ​ສະຫະລັດ ເພີ່ມ​ຂຶ້ນ 12,7 ຕື້​ໂດ​ລາ​ສະຫະລັດ ເມື່ອ​ທຽບໃສ່​ປີ 2017.

    ໃນ​ປີ 2018 ຫວຽດນາມ ສົ່ງ​ອອກ​ສິນຄ້າ​ໄປ​ຍັງ​ຈີນ ເພີ່ມ​ຂຶ້ນ 16,4% ແລະ ບັນລຸ​ມູນ​ຄ່າ  41,27 ຕື້​ໂດ​ລາ​ສະຫະລັດ; ແລະ ​ຫວຽດນາມ ນຳ​ເຂົ້າ​ສິນຄ້າ​ມາ​ຈາກ​ຈີນ ບັນລຸ​ມູນ​ຄ່າ 65,44 ຕື້​ໂດ​ລາ​ສະຫະລັດ ເພີ່ມ​ຂຶ້ນ 6,85 ຕື້​ໂດ​ລາ​ສະຫະລັດ ຫຼື​ເທົ່າ​ກັບ​ເກືອບ 11,7%. ເມື່ອ​ໄລ່​ລວມ​ໃນ​ປີ  2018 ຫວຽດນາມ​ນຳ​ເຂົ້າ​ສິນຄ້າ​ຈາກ​ຈີນ​ເກີນ​ດຸນ​ກວ່າ 24 ຕື້​ໂດ​ລາ​ສະຫະລັດ ເພີ່ມ​ຂຶ້ນ​ປະມານ 1 ຕື້​ໂດ​ລາ​ສະຫະລັດ ເມື່ອ​ທຽບໃສ່​ປີ 2017.

 

ຂ່າວທີ່ກ່ຽວຂ້ອງ