ຂ່າວຫຼ້າສຸດ

ຝຣັ່ງ ປັບ​ໃໝ​ທະນາຄານ UBS ຂອງ​ສະ​ວິດ ຍ້ອນ​ສໍ້​ໂກງ​ພາສີ

307 25 ກ.ພ. 2019 ຂ່າວຕ່າງປະເທດ
ຝຣັ່ງ ປັບ​ໃໝ​ທະນາຄານ UBS ຂອງ​ສະ​ວິດ ຍ້ອນ​ສໍ້​ໂກງ​ພາສີ

     ວັນ​ທີ 20 ກຸມພາ​ທີ່​ຜ່ານ​ມາ ສານ​ແຫ່ງ​ໜຶ່ງ​ໃນ​ນະຄອນຫຼວງ​ປາ​ຣີ ຂອງ​ຣັ່ງ ໄດ້​ຕັດສິນ ປັບ​ໃໝ​ເປັນ​ມູນ​ຄ່າ 3,7 ຕື້ ເອີ​ໂຣ ຕໍ່​ທະນາຄານ UBS ຂອງ​ສະ​ວິດ ຍ້ອນ​ການ​ກະທຳ​ສໍ້​ໂກງ​ພາສີ.

   ຕາມ​ການ​ຕັດສິນ​ຂອງ​ສານ​ແລ້ວ UBS ຖືກ​ກ່າວ​ໂທດ​ວ່າ​ໃຫ້​ຄວາມ​ຊ່ວຍເຫຼືອ​ບັນດາ ລູກ​ຄ້າ​ຝຣັ່ງ ປົກ​ປິດ​ເງິນ​ຫຼາຍ​ຕື້​ເອີ​ໂຣ ອອກ​ຈາກ​ອົງການ​ພາສີ​ຂອງ​ຝຣັ່ງ. ໃນ​ຂະນະ​ດຽວ​ກັນ ສາຂາ​ຂອງ UBS ປະຈຳ​ຝຣັ່ງ ກໍ​ຖືກ​ປັບ​ໃໝ 15 ລ້ານ​ເອີ​ໂຣ ຍ້ອຍ​ຮ່ວມ​ລະເມີດ​ໃນ​ຂໍ້​ກ່າວ​ຫາ​ນັ້ນ. ສານ​ຍັງ​ໄດ້​ຕັດສິນ​ວ່າ​ລັດ​ຝຣັ່ງ ຊຶ່ງ​ເປັນ​ຝ່າຍ​ເສຍ​ຫາຍ ຈະ​ໄດ້​ຮັບ​ເງິນ 800.000 ເອີ​ໂຣ ຍ້ອນ​ຄວາມ​ເສຍ​ຫາຍ​ທີ່​ເກີດ​ຈາກ​ການເຄື່ອນໄຫວ​ດັ່ງກ່າວ.

    ໃນ​ການ​ຍື່ນ​ຟ້ອງ​ດັ່ງກ່າວ ອຳນາດ​ການ​ປົກຄອງ​ຝຣັ່ງ ກຳນົດ​ໄດ້​ວ່າ ມີ​ເງິນ​ກວ່າ 10 ຕື້​ເອີ​ໂຣ ໄດ້​ຖືກ​ປົກ​ປິດ​ໃນ​ໄລຍະ​ເວລາ​ແຕ່​ປີ 2004-2012. ເລື່ອງ​ດັ່ງກ່າວ​ໄດ້​ຖືກ​ເປີດ​ໂປງ ຫຼັງ​ຈາກ​ທີ່​ບັນດາ ອະດີດ​ພະນັກງານ​ຂອງ UBS ກ່າວ​ຫາ​ກໍລະນີ​ລະເມີດ​ກົດໝາຍ​ຂອງ​ທະນາຄານ​ນີ້.

ຂ່າວທີ່ກ່ຽວຂ້ອງ