ຂ່າວຫຼ້າສຸດ

ຝູງ​ຕັກແຕນ​ຄຸກ​ຄາມ​ຕໍ່​ຫຼາຍ​ປະເທດ​ໃນ​ເຂດ​ຕາເວັນ​ອອກ​ກາງ ແລະ ອາ​ຟະ​ຣິກ​ກາ​ເໜືອ

387 25 ກ.ພ. 2019 ຂ່າວຕ່າງປະເທດ
ຝູງ​ຕັກແຕນ​ຄຸກ​ຄາມ​ຕໍ່​ຫຼາຍ​ປະເທດ​ໃນ​ເຂດ​ຕາເວັນ​ອອກ​ກາງ ແລະ ອາ​ຟະ​ຣິກ​ກາ​ເໜືອ

    ຫຼັງ​ຈາກ​ທີ່​ເກີດ​ຝົນຕົກ​ຜິດ​ປົກ​​ກະ​ຕິ​ມາ​ຫຼາຍ​ຫ່າ ຝູງ​ຕັກແຕນ​ກໍ​ໄດ້​ອະ​ລາ​ວາດ​ຢູ່​ໃນ​ພື້ນ​ທີ່ ອັນ​ກວ້າງ​ໃຫຍ່​ທາງ​ທິດຕາເວັນອອກ​ຂອງ​ປະເທດ​ເຢ​ແມນ ຕະຫຼອດ​ຮອດ​ເຂດ​ຊາຍ​ແດນ​ລະຫວ່າງ ເອ​ຣິ​​ທ​ເຣຍ ກັບ​ຊູ​ດານ ແລະ ພວມ​ສືບຕໍ່​ເຄື່ອນ​ຍ້າຍ​ໄປ​ທາງ​ທິດ​ອິດ​ສະ​ຣາ​ແອນ.

   ບົດ​​ລ​າຍ​ງານ​ສະບັບ​ໜຶ່ງ​ຂອງ​ອົງການ​ອາຫານ ແລະ ກະສິກຳ ຂອງ​ສະຫະ​ປະຊາ​ຊາດ (FAO) ລະບຸ​ວ່າ ມີ​ຄວາມ​ເປັນ​ໄປ​ໄດ້​ທີ່​ຝູງ​ຕັກແຕນ ພວມ​ເຄື່ອນ​ຍ້າຍ​ໄປ​ທາງ​ທິດ​ອິດ​ສະ​ຣາ​ແອນ. ຈາກ​ສະພາບ ການ​ຄື​ດັ່ງກ່າວ FAO ຈຶ່ງ​ໄດ້​ປະກາດ​ພາວະ​ສຸກ​ເສີນ ແລະ ສະເໜີ​ໄປ​ຍັງ​ບັນດາ ໜ່ວຍ​ງານ​ທີ່​ເຮັດ ບໍລິການ​ປ້ອງ​ກັນ​ພືດ ໃຫ້​ກະກຽມ​ການ​ປາບ​ປາມ​ຕັກແຕນ.

ໃນ​ຂະນະ​ດຽວ​ກັນ ກະຊວງ​ກະສິກຳ​ຂອງ​ອິດ​ສະ​ຣາ​ແອນ ກໍ​ໄດ້​ເລີ່ມ​ທົດ​ລອງ​ຢາ​ປາບ​ສັດຕູ​ພືດ ທີ່​ເປັນ​ມິດ​ກັບ​ສິ່ງແວດລ້ອມ ແລະ ບໍ່​ເປັນ​ອັນຕະລາຍ​ຕໍ່​ຄົນ ເພື່ອ​ໃຊ້​ເຂົ້າ​ໃນ​ການ​ກຳຈັດ​ຕັກແຕນ. ກະຊວງ​ດັ່ງກ່າວ​ກໍ​ໃຫ້​ຮູ້​ວ່າ ຕັກແຕນ​ບໍ່​ເປັນ​ໄພ​ຄຸກ​ຄາມ​ຕໍ່​ສຸຂະພາບ​ຂອງ​ຄົນ ແລະ ສັດລ້ຽງ ແຕ່​ວ່າ​ສ້າງ ຄວາມ​ເສຍ​ຫາຍ​ໃຫ້​ແກ່​ພາກ​ກະສິກຳ ແລະ ສ້າງ​ຄວາມ​ລຳ​ຄານ​ໃຫ້​ແກ່​ການ​ດຳລົງ​ຊີວິດ​ປະຈຳ​ວັນ ຂອງ​ຄົນ.

ຂ່າວທີ່ກ່ຽວຂ້ອງ