ປະທານາທິບໍດີ​ອູ​ແກຣນ ຍອມຮັບ​ວ່າ​ຫຍຸ້ງຍາກ​ໃນ​ການ​ເຂົ້າ​ເປັນ​ສະມາຊິກ EU ແລະ NATO

396 25 ກ.ພ. 2019 ຂ່າວຕ່າງປະເທດ
ປະທານາທິບໍດີ​ອູ​ແກຣນ ຍອມຮັບ​ວ່າ​ຫຍຸ້ງຍາກ​ໃນ​ການ​ເຂົ້າ​ເປັນ​ສະມາຊິກ EU ແລະ NATO

    ຂ່າວສານ Tass ລາຍ​ງານ​ວ່າ ປະທານາທິບໍດີ​ອູ​ແກຣນ ເປ​ໂຕຣ ໂປ​ໂຣ​ເຊນ​ໂກ ໄດ້​ກ່າວ​ປາ​ໄສ​ຕໍ່​ວາລະ​ປະຊຸມ​ສະພາ​ແຫ່ງ​ຊາດ​ຂອງ​ອູ​ແກຣນ ເມື່ອ​ວັນ​ທີ 19 ກຸມພາ​ທີ່​ຜ່ານ​ມາ ຊຶ່ງ​ໃນ​ນັ້ນ​ທ່ານ​ໄດ້​ຍອມຮັບ​ວ່າ ຍັງ​ມີ​ໄລຍະ​ທາງ​ຍາວ​ໄກ​ກ່ອນ​ທີ່​ອູ​ແກຣນ ຈະ​ເຂົ້າ​ເປັນ​ສະມາຊິກ ສະຫະພາບ​ເອີ​ຣົບ (EU) ແລະ ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO).

    ປະທານາທິບໍດີ ໂປ​ໂຣ​ເຊນ​ໂກ ເຫັນ​ວ່າ ອູ​ແກຣນ ຈຳເປັນ​ຕ້ອງ​ໄດ້ ແກ້​ໄຂ​ສະພາບ​ຄວາມທຸກ​ຍາກ ຕອບ​ສະໜອງ​ທຸກໆ​ມາດຖານ​ໃນ​ການ​ເຂົ້າ​ເປັນ​ສະມາຊິກ (ຂອງ​ສອງ​ອົງການ​ດັ່ງກ່າວ) ແລະ ເຮັດ​ສຳເລັດ​ການ​ແກ້​ໄຂ​ບັນດາ​ຄວາມ​ຫຍຸ້ງຍາກ ຢູ່​ພາຍ​ໃນ​ປະເທດ.

   ໃນ​ຂະນະ​ດຽວ​ກັນ ປະທານາທິບໍດີ ໂປ​ໂຣ​ເຊນ​ໂກ ກໍ​ສະແດງ​ຄວາມ​ເຊື່ອ​ໝັ້ນ​ວ່າ ໜ້າທີ່​ຍຸດ​ທະ​ສາດ​ຂອງ​ເຂົາ​ເອງ ກໍ​ແມ່ນ​ການ​ຮັບປະກັນ​ການ​ທີ່​ອູ​ແກຣນ ເຂົ້າ​ເປັນ​ສະມາຊິກ EU ແລະ NATO ເປັນ​ເລື່ອງ​ທີ່​ຕ່າວ​ປີ້ນ​ບໍ່​ໄດ້. ພ້ອມ​ກັນ​ນັ້ນ​ທ່ານ​ກໍ​ໄດ້​ກ່າວ​ເນັ້ນ​ວ່າ ອູ​ແກຣນ​ຕ້ອງ​ໄດ້​ຮັບ​ການ ເປັນ​ທີ່​ຍອມຮັບ​ຖານະ​ການ​ເປັນ​ສະມາຊິກ​ຂອງ EU ແລະ NATO ກໍ​ຄື​ໄດ້​ຮັບ​ແຜນການ​ຖານະ ການ​ເປັນ​ສະມາຊິກ​ຂອງ NATO ກ່ອນ​ປີ 2023.

ຂ່າວທີ່ກ່ຽວຂ້ອງ