ຂ່າວຫຼ້າສຸດ

ເຕະບານມິດຕະພາບ ຕ້ອນຮັບວັນແມ່ຍິງສາກົນ

246 22 ກ.ພ. 2019 ວົງຈອນກີລາ
ເຕະບານມິດຕະພາບ ຕ້ອນຮັບວັນແມ່ຍິງສາກົນ

    ການ​ແຂ່ງ­ຂັນ​ເຕະ­ບານ​ມິດ­ຕະ­ພາບ ລະ­ຫວ່າງ ທີມ​ວີ​ໄອ​ພີ ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ (ສສກ ນວ) ແລະ ທີມ​ກອງ​ບັນ­ຊາ​ການ ປກສ ເມືອງ​ສີ​ສັດ­ຕະ​ນາກ ຈັດ​ຂຶ້ນ​ວັນ​ທີ 20 ກຸມ­ພາ 2019 ຢູ່​ສະ­ໜາມ​ກີ­ລາ​ນິວ​ອາ​ຣີ​ນາ ໂດຍ​ມີ​ທ່ານ ສົມ​ພອນ ສອນ​ດາ­ລາ ຮອງ​ຫົວ­ໜ້າ​ພະ​ແນກ ສສກ ນວ ທ່ານ ພັນ​ໂທ ດວງ​ຈັນ ວັນ­ນະ​ຫົງ ຄະ­ນະ​ກອງ​ບັນ­ຊາ​ການ ປກສ ເມືອງ​ສີ​ສັດ­ຕະ​ນາກ ຜູ້​ຊີ້​ນຳ​ວຽກ​ງານ​ສັນ­ຕິ​ບານ ແລະ ນັກ­ກີ­ລາ​ເຂົ້າ​ຮ່ວມ.

    ຈຸດ­ປະ­ສົງ​ເພື່ອ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ​ສຳ­ຄັນ​ຕ່າງໆ​ຂອງ​ຊາດ ໂດຍ​ສະ­ເພາະ ວັນ​ແມ່­ຍິງ​ສາ­ກົນ ຄົບ­ຮອບ 109 ປີ ທີ່​ຈະ​ໝູ­ນວຽນ​ມາ​ຄົບ­ຮອບ​ອີກ​ວາ­ລະ​ໜຶ່ງ ໃຫ້​ມີ​ບັນ­ຍາ­ກາດ​ຟົດ­ຟື້ນ ແລະ ເບີກ­ບານ​ມ່ວນ­ຊື່ນ ທັງ​ເປັນ​ການ​ຮັດ​ແໜ້ນ​ຄວາມ​ສາ­ມັກ­ຄີ​ລະ­ຫວ່າງ​ພະ­ນັກ­ງານ 2 ພາກ­ສ່ວນ ຜ່ານ​ການ​ແຂ່ງ­ຂັນ ວີ​ໄອ​ພີ ພະ​ແນກ ສສກ ນວ ຊະ­ນະ ປກສ ເມືອງ​ສີ​ສັດ­ຕະ​ນາກ 6-5 ປະ­ຕູ.

    ໂອ­ກາດ​ນີ້ ທີມ​ວີ​ໄອ​ພີ ພະ​ແນກ ສສກ ນວ ກໍ​ໄດ້​ມອບ​ເຄື່ອງ​ກີ­ລາ 21 ຊຸດ ມູນ​ຄ່າ 1,5 ລ້ານ​ກີບ ໃຫ້​ທີມ ປກສ ເມືອງ​ສີ​ສັດ­ຕະ​ນາກ ເຊິ່ງ​ເຄື່ອງ​ກີ­ລາ​ໄດ້​ຮັບ​ການ​ອຸ­ປະ­ຖຳ​ຈາກ​ສະ­ໂມ­ສອນ​ລົດ​ວິ­ບາກ ນະ­ຄອນ­ຫຼວງ​ວຽງ​ຈັນ.

ຂ່າວທີ່ກ່ຽວຂ້ອງ