ຂ່າວຫຼ້າສຸດ

ມີ​ຜູ້​ເປັນໄຂ້​ຫວັດ​ສາຍ​ພັນ H1N1 ປະເພດ A ຫຼາຍ​ກວ່າ​ໝື່ນ​ຄົນ​ໃນ​ອິນ​ເດຍ

453 22 ກ.ພ. 2019 ຂ່າວຕ່າງປະເທດ

     ຕົວ​ເລກ​ຫຼ້າ​ສຸດ ທີ່​ສູນ​ຄວບ​ຄຸມພະ​ຍາດ​ແຫ່ງ​ຊາດ​ອິນ​ເດຍ ເປີດເຜີຍ​ສະແດງ​ໃຫ້​ເຫັນ​ວ່າ ໃນ​ປີ​ນີ້​ມີ​ຜູ້​ເປັນໄຂ້​ຫວັດ​ສາຍ​ພັນ H1N1 ປະເພດ A ຫຼາຍ​ກວ່າ 12.000 ຄົນ ຢູ່​ໃນ​ອິນ​ເດຍ ໃນ​ນັ້ນ​ມີ 377 ຄົນ​ເສຍ​ຊີວິດ ແລະ ສ່ວນ​ຫຼາຍ​ແມ່ນ​ເສຍ​ຊີວິດ​ຍ້ອນ​ມີ​ພະຍາດ​ອື່ນ​ແຊກ​ຊ້ອນ​ກັບ​ພະຍາດ​ໄຂ້​ຫວັດ​ດັ່ງກ່າວ.

   ຕົວ​ເລກ​ທີ່​ເປີດເຜີຍ​ໃນ​ວັນ​ທີ 17 ກຸມພາ​ນີ້​ສະແດງ​ໃຫ້​ເຫັນ​ວ່າ ໃນ​ປີ​ນີ້ ລັດ​ຣາ​ຊາ​ສະຖານ ເກີດ​ພະຍາດ​ດັ່ງກ່າວ​ໜັກໜ່ວງ​ກວ່າ​ໝູ່ ໂດຍ​ນັບ​ລວມ​ແລ້ວ ຕາມ​ການ​ລາຍ​ງານ ມີ​ຜູ້​ເປັນໄຂ້​ຫວັດ​ປະເພດ A ນີ້​ທັງ​ໝົດ 3.508 ຄົນ ໃນ​ນັ້ນ ແສຍ​ຊີວິດ​ແລ້ວ 127 ຄົນ. ຢູ່​ນະຄອນຫຼວງ​ນິວ​ແດນ​ລີ ກໍ​ເກີດ​ມີ​ພະຍາດ​ໄຂ້​ຫວັດ​ສາຍ​ພັນ H1N1 ປະເພດ A ເຊັ່ນ​ດຽວ​ກັນ ໂດຍ​ໃນ 10 ມື້​ຜ່ານ​ມາ ມີ 700 ກວ່າ​ຄົນ​ເປັນໄຂ້​ຫວັດ ແລະ ເຮັດ​ໃຫ້​ຜູ້​ເປັນໄຂ້​ຫວັດ​ໃນ​ປີ​ນີ້ ເພີ່ມ​ຂຶ້ນ​ເປັນ 2.278 ຄົນ.

ຂ່າວທີ່ກ່ຽວຂ້ອງ